1 Pedro 1:15 - Tshwa Bible

¹⁵ Kanilezi kota lezi a basileko loyi a nga mu vitana, ngha nwinawu mu basa matshamelweni wontihe ya kuhanya ka nwina; 2 Kor. 7:1

1 Pedro 1:15 Mawu Ofanana

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Mateu 5:48

Hikwalaho ngha na nwina mu mbhelela, khwatsi hi Raru wa nwina wa le tilweni a mbheleleko. Gen. 17:1; Efe. 5:1; Jak. 1:4

Va le Roma 9:24

Nzi wula hina lava a nga hi vitana, na ku nga hi ka vaJuda voce, kanilezi ni ka vamatiko kambe.

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

Va le Filipi 1:27

Ntsena ngha na mahanyela ya nwina ma fanela a ivangeli ya Kristu; lezaku hambu nzita nzi ta mu wona, hambu nzi ngati, nzi fela kuzwa timhaka ta nwina lezaku mu yimile muku nde moyeni munwe, na mu lwela a kukholwa ka ivangeli hi mbilu yinwe,

Va le Filipi 3:14

nzi tsimbeketa mahlweni xiwindini nzi kala nzi ya kuma a nchachazelo wa kuvitanwa ku tlakukileko nzi nga vitanelwa kona hi Nungungulu ka Kristu Jesu. 2 Tim. 4:7, 8; Maheb. 3:1; 12:1

Va le Filipi 3:20

Kanilezi hina a wusumbulwa ga hina gi le tilweni; ku nga leyo hi rinzelako Muhanyisi kuta ha kona, a nga Hosi Jesu Kristu. 1 Kor. 1:7; Kol. 3:1, 3; 1 Tes. 1:10; 2 Tim. 4:8; Tit. 2:13

1 Va le Tesalonika 2:12

Kasi ma famba hi kufaneleko Nungungulu, loyi a mu vitaneleko mufunweni wakwe ni kungangameleni kakwe. Kol. 1:10; 1 Ped. 1:15

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5

Titusi 3:14

A vanhu va hina ngha va gonza ku tira mitiro yo saseka, kasi va fela ku vuna laha ku vumalekako, lezaku va ngavi lava va nga hava mihanzu. Fil. 1:11; Kol. 1:10; 2 Ped. 1:8

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

Maheberu 12:14

Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Jakobe 3:13

Himani a tlharihileko a tivako xikari ka nwina ke? Ngha a kombisa a mitiro yakwe hi mahanyela yakwe yo saseka na hi ni kurula ka wutlhari. Gal. 6:4

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

1 Johani 3:3

Ni wihi loyi a nga ni kutsumba loku ha yena, wa ti basisa, kota lezi yena a basileko.

Kuvululelwa 3:7

Tsalela a ngelosi ya bandla ga le Filadelfia, uku: Loyi a basileko, A wa zinene, Loyi a nga ni pfhungulo ya Davida, Loyi a vululako, ku nga vali munhu, Loyi a valako, ku nga vululi munhu, i ngalo: Joba 12:14; Isa. 22:22; Miti. 3:14

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

Kuvululelwa 6:10

Va loba huwa hi gezu ga hombe, vaku: Hosi yo basa ni ya zinene, ku ta kala rini u nga lamuli u photela a nkhata wa hina ka lava va akileko misaveni ke? Ekso. 19:6; 1 Ped. 2:5, 9