1 Kronekele 5:2 - Tshwa Bible

² Hakuva Juda i wa hi wa hombe xikari ka vanakulobye; a hosi yi humile hi ka yena, kanilezi a wutewula gi wa hi ga Josefa.)

1 Kronekele 5:2 Mawu Ofanana

Genesisi 25:31

Jakobe aku ngalo: Nzi xavisele kuranga a wutewula ga wena.

Genesisi 35:23

A vana ya Lea hi Rubeni, a matewula ya Jakobe, na Simoni, na Levi, na Juda, na Isakari, na Zebuloni.

Genesisi 48:5

Hikwalaho a vana va wena lava vambiri, lava u nga beleka lomu tikweni ga Gipite, na nzi nga se kuta ka wena lomu ka tiko legi ga Gipite, va tava vana va mina; Efraime na Manasse va tava va mina kota Rubeni na Simoni.

Genesisi 49:26

A zikatekiso za raru wa wena za hombe ku hunza zikatekiso za vadadani va mina, Ni kusaseka ka zitsunga za kala kupinzuka, A zi tshame hehla ka hloko ya Josefa, Ni le hlokweni ya loyi a nga hosi xikari ka vanakulobye!

2 Samueli 8:15

Davida i lo fumela vontlhe va ka Israeli, a lamula ni ku lulamisa timhaka ta vanhu vakwe vontlhe.

1 Kronekele 28:4

Hambu lezo, Jehova Nungungulu wa ka Israeli i nzi hlawule ndlwini yontlhe ya dadani wa mina, a kuva nzi hi hosi ya ka Israeli kala kupinzuka; hakuva yena i hlawule Juda a kuva hosi. Lomu nyangweni ya ka Juda i hlawule a yindlu ya dadani wa mina. Lomu xikari ka vana va dadani hi mina nzi nga mu tsakisa, a nzi yimisa kuva hosi ya vontlhe va ka Israeli. Gen. 49:8; 1 Sam. 16:1

Tisimu 108:8

Gileadi wa mina, na Manasse wa mina; Efraime i ndlondla ya hloko ya mina, Juda i nhonga ya mina ya wuhosi.

Tisimu 60:7

Gileadi wa mina, na Manasse wa mina; Efraime i ndlondla ya hloko ya mina, Juda i nhonga ya mina ya wuhosi. Gen. 49:10

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mitsengo 2:3

Le mahlweni, hi tlhelo ga Mutsuwuka-gambo, ku yimiswa mujeke wa nyangwa ya ka Juda hi mabutho yabye; ni hosana ya vana va ka Juda hi Naxoni a nʼwana wa Aminadaba,

Mitsengo 7:12

Loyi a nga nyikela a munyikelo wakwe hi siku ga kusangula hi Naxoni a nʼwana wa Aminadaba, wa lixaka la ka Juda.

Mateu 2:6

Na wena Betlehema, tiko ga Juda, A ku tsongwanyani xikari ka ti hosana ta ka Juda; Hakuva hi ka wena ku ta huma mufumeli, Loyi a ta nga maha murisi wa vanhu va mina va Israeli. Mika 5:2; Joh. 7:42; Kuv. 2:27

Va le Roma 8:29

Hakuva vona lava a nga va tiva hi kale, valava i lo va yimisa hi kale a ku ecana ni xiyimo xa Nʼwana wakwe, lezaku a fela ku maha matewula xikari ka vamakabye vanyingi. Ekso. 33:12; Joh. 17:22; Efe. 1:5; Kol. 1:18

Deuteronome 21:17

Kanilezi i ta nyika wutewula ka nʼwana wa loyi a mu alako, a mu avela xiavelo xi wuyetilweko kambiri ka zontlhe lezi a nga nazo; hakuva hi yena kusangula ka ntamu wakwe, ni wutewula gakwe.

Deuteronome 33:17

A nkuzi yakwe ya matewula mbukosi ga yena, A timhonzo takwe timhonzo ta nyari; I ta tlhava ha tona vontlhe vanhu khatiginwe, Kala le magemeta-musi ya misava. Hi gona wunyingi ga va ka Efraime, Ni matala ya va ka Manasa.

Maheberu 7:14

Hakuva zi la su dlunya lezaku a Hosi ya hina yi humile lixakeni la ka Juda; a lixaka lolu Mosi a nga wulangiko nchumu ha lona hi tlhelo ga wupristi. Isa. 11:1; Mat. 1:3; Kuv. 5:5

Joxua 14:6

Zonake a vanana va ka Juda va lo tshinela ka Joxua le Gilgale, na Kalebi nʼwana Jefuna a muKenezi, i te ngalo ka yena: Wena wa zi tiva lezi Jehova a wulileko ka Mosi, a munhu wa Nungungulu, xungetano ha mina, ni xungetano ha wena le Kadexi-Barnea.

Kuvululelwa 5:5

zonake a nghanakana ginwe giku ngalo ka mina: U nga rili, hi nga wona a Nghala ya lixaka la ka Juda, a Mutsu wa Davida, yi hlulile kasi ya zi kota ku vulula bhuku, ni ku namula a zifungo za gona za ntlhanu ni zimbiri. Gen. 49:9; Isa. 11:1, 10; Xip. 22:16

Valamuli 1:2

Jehova i lo hlamula, aku: Ku ta kanziha Juda; nzi nyikele a tiko canjeni gakwe.

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22

1 Samueli 16:10

Jese i lo neha vafana vakwe va ntlhanu ni vambiri mahlweni ka Samueli, kanilezi Samueli i te ngalo ka Jese: Jehova a nga va hlawulangi lava.

1 Samueli 16:12

Zonake Jese i lo ruma vanhu ku ya mu vitana. I wa hi pswhungana, na hi ni mahlo yo saseka, ni nghohe ya wumbhuri. Jehova aku Samueli: Suka u mu tota hi mafura, hakuva hi yena loyi!