1 Kronekele 4:10 - Tshwa Bible

¹⁰ Jabeza i lo khongela ka Nungungulu wa ka Israeli, aku: Loku u wa nzi katekisa, u engetela a mimbhingano ya mina, a canja ga wena giva zinwe na mina, u nzi vikela ka lezi zi bihileko, kasi nzi nga kumi hlomulo! Nungungulu i lo mu nyika lezi a zi kombeleko.

1 Kronekele 4:10 Mawu Ofanana

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 12:8

I lo rura laho aya xitsungeni le Mutsuwuka-gambo wa Beteli, a ya yimisa a tenda gakwe kona, kasi Beteli ku le Muhlwa-gambo, ni Ai ku le Mutsuwuka-gambo; laho i lo aka a alati ga Jehova, a khozela a vitweni ga Jehova kona.

Genesisi 28:20

Jakobe i lo funga xifungo, aku: Loku Nungungulu a tava zinwe na mina, a nzi hlayisa ndleleni, leyi nzi fambako ka yona, a nziha kuga ka kuva nziga, ni tinguwo ta ku ambala,

Genesisi 28:21

nzi kala nzi wuya hi matsenya ndlwini ka dadani; zonake Jehova i tava Nungungulu wa mina.

Genesisi 32:26

Yena i te ngalo: Nzi tsike nzi famba hakuva gi lava kuca. Jakobe aku ngalo: Nzi nga ta ku tsika u famba na u nga se nzi katekisa.

Genesisi 32:27

Yena i te ngalo: Hi wena mani vito ga wena ke? Yena i te ngalo: Hi mina Jakobe.

Genesisi 32:28

Yena i te ngalo: A vito ga wena gi nga ta ha vitanwa ku ngalo Jakobe, gi ta vitanwa ku ngalo hi wena Israeli; hakuva u pfinyene ni Nungungulu ni vanhu, u hlulile.

Genesisi 33:20

Laho i lo aka a alati, i lo gi chula ku ngalo hi El-Elohe-Israeli.

Genesisi 48:16

ni ngelosi leyi yi nga nzi hlanguta kubiheni kontlhe, a yi katekise a vafana lava; a va vitanwe hi vito ga mina, hi mavito ya vakokwani, Abrahama na Isaka; a va anze va tala nguvu laha misaveni.

1 Kronekele 16:8

Dumisani Jehova, mu khongela hi vito gakwe! Banani hungu xikari ka matiko hi mitiro yakwe ya hombe!

1 Kronekele 4:11

Kelube a nakulobye wa Xuha i lo beleka Mehira, loyi a nga raru wa Extoni.

1 Kronekele 4:9

Jabeza i wa dzunziwa nguvu ku hunza vanakulobye. A nyine wakwe i lo mu chula vito ga Jabeza, na aku: Nzi mu pswalile hi hlomulo.

Joba 12:4

Mina loyi nzi nga vitana Nungungulu a nzi hlamula, Nzi mahile xihlekiso ka vaakelane va mina; A munhu wa zinene ni wa kululama, wa tseketselwa!

Tisimu 119:173

A canja ga wena a gi nzi vune, Hakuva nzi ti hlawulele a zileletelo za wena.

Tisimu 121:7

Jehova i ta ku hlayisa kubiheni kontlhe, I ta hlayisa muhefemulo wa wena.

Tisimu 145:19

Lava va mu chavako va nyikwa lezi va zi ranzako, I tazwa kurila kabye, a va ponisa.

Tisimu 21:4

I lo kombela wutomi, wena u mu nyika, A wutomi go leha, ga pinzukelwa. Tis. 61:6; Rom. 6:9

Tisimu 51:12

Nzi tlhelisele a kutsaka ka kuhanyisa ka wena, U nzi tiyiseta hi moya wu vumelako. Rom. 8:15

Tisimu 51:8

Maha mina nzizwa a kutsaka ni kunengela, Kasi a marambu laya wena u ma tshovileko ma fela ku tsaka.

Tisimu 55:16

Kanilezi mina nzi rila ka Nungungulu: Jehova i ta nzi hlanguta.

Tisimu 65:2

Wena loyi u zwako mikhongelo, A nyama yontlhe yi tata ka wena.

Tisimu 72:17

A vito gakwe gi ta tsonzoma kala kupinzuka, A vito gakwe gi tava kona na ga hi kona gambo; Ni vanhu va ta katekisana ha yena; Matiko wontihe ma ta mu vitana loyi a katekileko. Gen. 12:3

Tisimu 99:6

Mosi na Aroni Va wa hi xikari ka vapristi vakwe, Na Samueli xikari ka lava va khongelako a vito gakwe; Va lo vitana ka Jehova, a va hlamula. Ekso. 8:12; Mitse. 16:20; 1 Sam. 7:9

Mavingu 10:22

A zikatekiso za Jehova za fumisa munhu; ima a nga engeteli wusiwana ha zona.

Mavingu 30:8

A kuxengetela ni mawunwa ngha ziva kule na mina; nga nzi nyiki wusweti hambu wukosi; zi phamele zakuga lezi zi nzi ringanako. 1 Tim. 6:8

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 41:17

Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Mateu 26:75

Pedro i lo alakanya a gezu ga Jesu ga ku ngalo: Na wu nga se kuba nkuku, u ta nzi kaneta kunharu. Yena i lo huma, a ya rila nguvu. Mar. 14:30; Lu. 22:61; Joh. 13:38

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Luka 19:42

aku: Loku wena u wa zi tivile nyamutlha lezi zi vangako kurula! Kanilezi makunu zi fihlilwe ka wena.

Johani 10:28

Nza ti nyika a wutomi ga pinzukelwa; cima ti nga tafa, ni kambe, a nga kona loyi a ta nga ti wutla canjeni ga mina. Xip. 6:37; 17:11, 12; 18:9

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

Va le Roma 16:19

Hakuva a kuingisa ka nwina ku la su gafe ka vanhu vontlhe. Hikwalaho nza tsaka ha nwina, kanilezi nza lava a kuva mu tlhariha zilweni zo saseka, muva lava va nga tlharihangiko ka lezo za kubiha. Mat. 10:16

1 Va le Korinte 1:2

ha losa a bandla ga Nungungulu legi gi nga le Korinte, lava va basisilweko ka Kristu Jesu, lava va vitilweko a kuva vobasa, zinwe ni vontlhe lava va khongelako hi vito ga Hosi ya hina Jesu Kristu matshanwini wontihe, yi nga Hosi yabye ni ya hina, hiku: Joh. 17:19; Rom. 3:22; Xip. 8:6; 2 Tim. 1:9

Va le Efesusi 1:3

A ku khesiwe Nungungulu tlhelo Dadani wa Hosi ya hina Jesu Kristu, loyi a hi katekisileko ka Kristu hi zikatekiso zontlhe za ka moya za le tilweni, Tis. 72:17

Va le Efesusi 3:20

Makunu ka yena loyi a zi kotako ku maha nguvunguvu ku hunza zontlhe lezi hi zi kombelako, kutani ku alakanya, hi ntamu lowu wu tirako ka hina,

Va le Efesusi 4:30

Mu nga vangeli wusiwana a Moya wa ku Basa wa Nungungulu, lowu mu nga fungiwa ha wona hi kota ya siku ga kutirulwa. Isa. 63:10; Rom. 8:23

2 Timote 4:18

Kunene a Hosi yi ta nzi hlanguta mitirweni yontlhe ya kubiha, yi nzi hanyisela a mufumo wa yona wa le tilweni. A wudzunzo a give ka yona kala kupinzuka ni kupinzuka. Amen! Tis. 121:7

Kuvululelwa 3:19

Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka. Mav. 3:11; Maheb. 12:5

1 Samueli 1:17

Zonake a hlamula, aku: Famba hi kurula, Nungungulu wa ka Israeli a ku nyike lezo u kombeleko.

1 Samueli 1:20

Ka gwalego lembe Hana i lo xura nyimba a pswala nwanana wa mufana, a mu chula vito ga Samueli, hakuva i te ngalo: Nzi mu kombelile ka Jehova.

1 Samueli 1:26

A wasati aku: Hosi yanga, khwatsi hi lezi a muhefemulo wa wena wu hanyako, nzi mina wasati loyi a nga yimile laha mahlweni ka wena, nzi khongela ka Jehova.

1 Samueli 1:27

Nzi lo kombela a nwanana loyi ka Jehova, a nzi nyika lexi nzi nga wa kombela xona.