1 Kronekele 3:2 - Tshwa Bible

² A wa wunharu hi Absalome wo belekwa hi Maaka nʼwana Talmai a hosi ya le Gexura; a wa wilmune hi Adonija wo belekwa hi Haggite;

1 Kronekele 3:2 Mawu Ofanana

2 Samueli 13:1

Anzhako ka lezo Absalome nʼwana Davida i wa hi ni makabye wa mbhuri, a vito gakwe a nga hi Tamara. Amnoni nʼwana Davida i lo mu ranza.

2 Samueli 13:38

Zinghaho Absalome i lo chavela le Gexura a ya tshama kona malembe manharu.

2 Samueli 14:23

Zinghaho Joabe i lo suka aya le Gexura a ya teka Absalome a wuya Jerusalema.

2 Samueli 14:32

Absalome aku ka Joabe: Mina nzi rumele gezu go ku vitanisa, nziku: Ngone nzi ta ku ruma ka hosi, u yaku: Nzi wuyele yini hi le Gexura? Ku wa nga hi chukwana loku nzi wa simamisile nzi tshama leyo ke? Hikwalaho mina nzi lava ku wona a nghohe ya hosi; loku nzi hi ni nanzu, a nzi daye.

2 Samueli 15:8

Hakuva a nanza ga wena, a xikhati lexi nzi nga wa tshamile le Gexura, tikweni ga Siria, nzi wa ti bohile hi kuhlambanya, nziku: Loku Jehova a nzi tlhelisa kambe nziya Jerusalema, mina nzi ta mu khozela. Gen. 28:20

2 Samueli 18:14

Joabe i lo hlamula aku kakwe: Nzi nga ta hungala hi ku wulawula na wena! Zonake i lo teka matlhari manharu a ya gwaza ha wona Absalome hi laha mbilwini, na a ha hanya lomu hehla ka nkuhlu.

2 Samueli 18:18

Makunu Absalome na ha hanya, i wa ti mahele a mhinga ya xialakanyiso le koveni wa hosi, hakuva i waku: A nzi na nʼwana wa mufana wa ku hlayisa xialakanyiso xa vito ga mina; hilezo i lo yi chula vito gakwe, yi vitanwa ku ngalo xialakanyiso xa Absalome kala ni lezi. Gen. 14:17

2 Samueli 18:33

Zonake a hosi yi lo xaniseka nguvu lomu mbilwini, yi kanziha yiya le ndlwini ya le hehla ka nyangwa, na yi kari yi rila; na a kari a famba, i wa wulawula, aku: Nwananga Absalome! Nwananga Absalome! Ku wa hi chukwana na ku file mina wutshanwini ga wena! Absalome nwananga, nwananga!

2 Samueli 3:3

A wa wumbiri hi Kileabe wo pswalwa hi Abigaili a sati wa Nabali a muKarmeli; a wa wunharu hi Absalome a nisanyana wa Maaka nʼwana Talmai, a hosi ya le Gexura.

2 Samueli 3:4

A wa wumune hi Adonija nʼwana Haggite; a wa wuntlhanu hi Xefatia nʼwana wa Abitali;

1 Tihosi 1:5

Zonake Adonija nʼwana Haggite i lo ti kulisa, aku: Mina nzi tava hosi! I lo ti lavela a tikareta ni vakhileli va mahaxi, ni 50 wa vavanuna lava va nga wa tsutsuma mahlweni kakwe. 2 Sam. 3:4; 1 Kro. 3:2

1 Tihosi 1:6

A raru wakwe a nga na nga mu kawuka, aku: Hi yini u maha lezo ke? Kanilezi yenawu kambe i wa sasekile nguvu mirini wakwe, na hi nzisana ka Absalome.

1 Tihosi 2:22

Hosi Solomoni i lo hlamula mamani wakwe, aku: Hikuyini u kombelela Adonija a kuva a nyikiwa Abixagi a muXuname ke? Mu kombelele kambe ni wuhosi, hakuva yena i nhonzo ya mina; hakunene u ta kombelela kambe na mupristi Abiatari, na Joabe nʼwana Zeruia!

1 Kronekele 2:23

Kanilezi a va ka Gexura ni va ka Arama va lo va wutlela a miti ya Jaira ni Kenati ni miti ya kona ya 60. Vontlhe lava va wa hi vana va Makira a raru wa Gileade.

1 Kronekele 3:1

Lava hi vana va Davida lava a nga pswalelwa le Hebroni: A matewula hi Amnoni wo belekwa hi Ahinoame a mu Jezreeli; ku gamela Danieli wo belekwa hi Abigaili a muKarmeli.

1 Kronekele 3:3

a wa wuntlhanu hi Xefatia wo belekwa hi Abitali; a wa wu 6 hi Itreama wo belekwa hi sati wakwe Egla.

Joxua 13:13

Kanilezi a vanana va ka Israeli a va khozisangi va ka Gexure ni va ka Makati. Hikwalaho Gexure na Makati va akile xikari ka vaIsraeli kala inyamutlha.