1 Kronekele 21:12 - Tshwa Bible

¹² A malembe manharu ya ndlala; kutani tihweti tinharu na u riziwa hi valala va wena na u kari u tlhabyiwa hi supado yabye; kutani masiku manharu lawa a supado ya Jehova ni ntungu zi ta ngava lomu tikweni ga ka Israeli, a ngelosi ya Jehova na yi kari yi rida tiko gontlhe ga ka Israeli. Alakanyela u nzi byela lezi nzi faneleko ku ya hlamula loyi a nzi rumileko.

1 Kronekele 21:12 Mawu Ofanana

2 Samueli 21:1

Makunu xikhatini xa Davida ku wa hi ni ndlala malembe manharu ma lanzelanako, na Davida i lo wutisa ka Jehova. Jehova i lo mu hlamula, aku: Ku na ni nanzu wa nkhata hi kota ya Saule ni yindlu yakwe, hakuva i dele maGibeoni. Mitse. 27:21

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

2 Tihosi 19:35

Zonake ka gwalego wusiku a ngelosi ya Jehova yi lo huma yi ya hlasela 185,000 wa vavanuna lomu wugovelweni ga maAsiria. A xikhati lexi a vanhu va nga vuka ni mixo, va lo kuma lezaku vontlhe va wa file.

2 Tihosi 8:1

Makunu Elixa i wa tivisile a wasati loyi a nga mu hanyisela a nʼwana wakwe, aku: Suka ni ngango wa wena u ya luvela lomu u ta nga ku kuma, hakuva Jehova i vitanile a ndlala lomu tikweni; yi tava kona 7 wa malembe. Rute 1:1; 2 Tih. 4:33

1 Kronekele 21:11

Zonake Gadi i lota ka Davida a taku kakwe; Jehova i ngalo: Hlawula lexi u xi lavako:

Tisimu 91:6

Hambu ni ntungu wu fambako xinyameni, Ge ni nzhere wu dayako ni hlikanhi.

Eksodusi 12:23

Hakuva Jehova i ta hunza kasi ku ya daya vaGipite; kasi loku a wona a nkhata lomu timhanzeni ta laha nyangweni ka tiyindlu ta nwina, i ta hunza basi hi lomu tinyangweni, na a nga vumeli mudayi ku enghena lomo a mu daya.

Isaya 66:16

Hakuva Jehova i ta lamula hi nzilo, A tsayisa a nyama yontlhe hi supado yakwe; Lava Jehova a ta nga va daya va tava vanyingi. Kuv. 19:20

Jeremia 12:12

A vahahluli va tile le zitsungeni zontlhe za xiwula, Hakuva a supado ya Jehova yi khadamula ku sukela magumo kala magumo manwani ya tiko; A ku na munhu ni munwe a tova ni kurula.

Jeremia 42:16

zonake a supado leyi mu yi chavako yi ta mu khamanyeta kwalomo tikweni ga Gipite, ni ndlala leyi mu yi tsutsumako yi ta mu lanzela yi mu tshingela kwalomo Gipite, mu fela kona.

Jeremia 47:6

Wena supado ya Jehova, u ta humula rini? Tlhelela kocelweni wa wena, humula u rutisa.

Mikosi 4:9

Lava va nga dawa hi supado i chukwana ku hunza lava va fako hi ndlala. Hakuva va jomoloka hi ku vumala zakuga za lomu masinwini.

Levi 26:10

Mu taga a mavele laya ma tshovelweko kale, kala mu ma humesa hi ku chela mavele ya maswa.

Levi 26:17

Nzi ta mu cuwukisa hi mahlo ya makayi, mu ta dawa hi valala va nwina, mu fumelwa hi lava va mu vengako; zonake mu ta tsutsuma na ku nga hi na muhlongolisi. Joba 36:12; Mav. 23:1

Luka 4:25

Mina nziku ka nwina: Ku wa hi kona tinoni to tala ka Israeli masikwini ya Elija, laha tilo gi nga wa valilwe a malembe manharu ni ntlhanu wa tihweti hi yinwe, kuva ni ndlala ya hombe tikweni gontlhe; 1 Tih. 17:9; 18:1; Jak. 5:17

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38

Deuteronome 28:15

Kanilezi loku u nga ingisi a gezu ga Jehova Nungungulu wa wena, ni ku hlayisa yontlhe milayo yakwe ni zontlhe zileletelo zakwe, lezi nzi ku leletelako zona inyamutlha, wontihe makhombo lawa ma tata hehla ka wena ma ku khubhunyeta. Mik. 2:17; Mal. 2:2

Deuteronome 28:22

Jehova i ta kuba hi mababyi ya xifuva, ni kuhisa ka miri, ni kuvimba, ni mumu wa hombe, ni supado, ni xipupuri, ni kukuruka ka timbewu; lawa makhombo ma ta ku panzanya kala u lobyiswa. Am. 4:9; Hag. 2:18

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9

Deuteronome 28:27

Jehova i ta kuba hi zidlayi za le Gipite; zinwe ni muna ni xigwere, ni tisalu, a zilo lezi u to kala u nga zi koti ku chumiwa ka zona.

Deuteronome 28:35

Jehova i ta ku lamata hi zilonza lomu madzolweni, ni lomu ka tinyonga hi zilonza zo karata lezi zi to kala zi nga holi ka wena, kusukela zirenzeni za wena kala le tshavatshaveni ga hloko ya wena.