1 Kronekele 19:2 - Tshwa Bible

² Davida i te ngalo; Nzi ta maha tipswalo ka Hanuna nʼwana Nahaxi, hakuva a raru wakwe i nzi mahele tipswalo. Zinghaho Davida i lo rumela a mitsumi a ku ya mu chavelela xungetano ni raru wakwe. A malanza ya Davida ma loya tikweni ga vana va ka Amoni ka Hanuna a ku ya mu chavelela.

1 Kronekele 19:2 Mawu Ofanana

2 Samueli 9:1

Davida i te ngalo: Xana i kona munhu a seleko lomu ndlwini ka Saule, kasi mina nza kombisa a wuxinji ka yena hi kota ya Jonatani ke?

2 Samueli 9:7

Davida aku kakwe: U nga chavi, hakuva nzi lava ku ku mahela tipswalo hi kota ya raru wa wena Jonatani. Nzi ku tlhelisela a sava gontlhe ga Saule a raru wa wena; kasike masiku wontihe wena u taga laha mezeni na mina.

2 Tihosi 4:13

Elixa i te ngalo ka Gehazi: Mu byele, uku: U hi amukele khwatsi; makunu xini nzi ta nga ku vuna ha xona ke? Xana u lava a kuva u wulawuliwa le hosini, kutani ka nduna ya yimpi ke? Yena aku: Mina nzi akile xikari ka vanhu va ka hina.

1 Kronekele 19:1

Anzhako ka lezo Nahaxi a hosi ya vana va ka Amoni i lofa; zonake a nʼwana wakwe i lo fuma xikhundleni xakwe.

1 Kronekele 19:3

Kanilezi a tihosana ta vana va ka Amoni ti te ngalo ka Hanuna; U alakanya lezaku Davida o rumela vachaveleli hi ku khatalela a raru wa wena ke? A ku zi woni lezaku a malanza yakwe ma tela ku ta hlola muti kasi ku wu khungumula, ni ku kamba a tiko ke?

Nehemia 13:1

A siku lego ku lo gonziwa a bhuku ga Mosi tindleveni ta vanhu; bhukwini lego ku lo kumeka na ku tsalilwe lezaku a vaAmoni ni vaMoabi ni kanwe va nga dzuki va enghena hlengeletanweni wa Nungungulu; Deut. 23:3

Nehemia 4:3

Makunu Tobia a muAmoni, loyi a nga wa hi kusuhi naye, aku: Zaleziya va zi akako, loku a hlathi gi kanziha hehla ka zona, gi ta khungumula a ligingisi leliya la maribye.

Nehemia 4:7

Kanilezi laha Sanballati, na Tobia, ni maArabia, ni vaAmoni, ni vaAxdodi, va ngazwa lezaku a ntiro wa ku aketa a ligingisi la Jerusalema wuya mahlweni, ni lezaku a mimole yi sangula ku valetelwa, va lo zangara nguvu.

Estere 6:3

A hosi yi wutisa yiku: Xini Mordekai a nga mahelwa xa ku mu dzunza ni ku mu bonga a ntiro lowo? A malanza lawa ma nga wa mu yimeletela maku ka hosi: A nga mahelwangi nchumu.

Mutshawuteli 9:15

Kanilezi lomu mutini ku wa hi ni tlhari ya xisiwana, leyi yi nga tlhatlhisa a muti lowo hi wutlhari ga yona; hambu zi hi tano, a nga alakanyiwi hi munhu.

Johani 11:19

A vaJuda vanyingi va wa tile ka Marta na Maria a ku ta va chavelela hi kota ya kufa ka makabye wabye.

1 Samueli 30:26

Laha Davida a nga wa chikele le Ziklagi, i lo rumela muphango ka masingalakati ya ka Juda ni lomu maxakeni yakwe, aku: Hi lexweni xinyikiwo xa nwina, xa muphango wa valala va Jehova.