1 Kronekele 13:6 - Tshwa Bible

⁶ Zonake Davida ni vontlhe va ka Israeli va lo kanziha vaya Baala le Kiriate-Jearimu legi gi nga ga ka Juda, va ya teka a arke ga Nungungulu, a Jehova loyi a tshamako xikari ka makerubima, laha ku khongeliwako a vito gakwe kona.

1 Kronekele 13:6 Mawu Ofanana

1 Tihosi 8:16

Kusukela lezi nzi nga humesa a vanhu va mina va ka Israeli le Gipite, cima a nzi langangi a muti xikari ka tixaka tontlhe ta ka Israeli, a kuva va nzi akela a yindlu yi lumbako a vito ga mina, kanilezi nzi langile Davida lezaku kasi yena a fumela a vanhu va mina va ka Israeli.

2 Tihosi 19:15

Hezekia i lo khongela ka Jehova, aku: Jehova Nungungulu wa ka Israeli, loyi a tshamileko hehla ka makerubima! Hi wena wece a Nungungulu wa matiko wontihe ya misava; hi wena u nga maha a tilo ni misava. 1 Sam. 4:4; Tis. 80:2; 99:1

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Tisimu 99:1

Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

Eksodusi 20:24

U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Eksodusi 23:21

Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka nwina, hakuva yona yi na ni vito ga mina.

Eksodusi 25:22

Nzi ta ti wonekisa ka wena kwalomo hi le xitshanwini xa wuxinji, xikari ka makerubima lawa ma nga hehla ka nghaxa ya xivumelwano, nzi wulawula na wena hi zileletelo zontlhe lezi nzi ta nga zi nyika vaIsraeli ha wena.

Isaya 37:16

Jehova wa tiyimpi, Nungungulu wa ka Israeli, loyi a tshamako xikari ka makerubima, wena wece u Nungungulu wa matiko wontihe ya misava; wena u mahile a tilo ni misava.

Mitsengo 6:27

Va ta vekisa lezo a vito ga mina hehla ka vanana va ka Israeli, zonake mina nzi ta va katekisa.

Mitsengo 7:89

Ku waku loku Mosi a enghena lomu ka tenda ga mutlhangano a ku ya wulawula na Nungungulu, azwa a gezu na gi wulawula naye, na gi zwala hi le xitshanwini xa wuxinji, lexi xi nga hehla ka arke ga xivumelwano, hi lomu xikari ka makerubima mambiri; zinghaho Jehova i lo wulawula naye.

Joxua 15:60

Kiriat-Baali, lowu wu nga Kiriat-Jearime, ni Raba: 2 wa miti ni zimitana za yona.

Joxua 15:9

Kusukela hehla ka xitsunga, a mbhingano wu famba kala le hlobyeni ya Neftoa, zonake wu kongoma ka miti ya xitsunga xa Efroni, zonake wu ya chikela le Baala ku nga kona Kiriat-Jearime;

Joxua 9:17

Ni vanana va ka Israeli va lo suka va famba, va lo chikela le mutini wabye hi siku ga wumbiri; ni miti yabye ku wa hi Gibeoni, na Kefira, na Beroti, na Kiriat-Jearime.

1 Samueli 4:4

Zinghaho va lo rumela vanhu le Xilo va ya teka a arke ga xivumelwano xa Jehova wa tiyimpi, loyi a tshamako xikari ka makerubima. A vana va Eli va vambiri, Hofeni na Fineasi, va lo lanza a arke ga xivumelwano xa Nungungulu. Ekso. 25:17

1 Samueli 6:21

Zonake va lo rumela a mitsumi a kuya ka vanhu va le Kiriate-Jearime, vaku ngalo: A vaFilistia va tlhelisile a arke ga Jehova, ngonani mu ta gi teka gita seyo ka nwina.