1 Kronekele 13:5 - Tshwa Bible

⁵ Zinghaho Davida i lo tsombanyisa vontlhe va ka Israeli, kusukela Congweni wa Xihore wa le Gipite kala nyangweni ya Hamate a kuva va ta neha a arke ga Nungungulu le Kiriat-Jearimu.

1 Kronekele 13:5 Mawu Ofanana

2 Samueli 6:1

Davida i lo engeta kambe a tsombanyisa tontlhe tinhenha ta ka Israeli, ti wa hi 30,000 wa vavanuna.

1 Tihosi 4:21

Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.

1 Tihosi 8:65

Ka xwalexo xikhati Solomoni ni va ka Israeli vontlhe va lo maha mubuzo; a hlengeletano wa hombe lowu wu humako kusukela tlhelo ga le Hamate kala le xicongwaneni xa le Gipite, va lo tsombana mahlweni ka Jehova Nungungulu wa hina 7 wa masiku, ni manwani 7 wa masiku, ma maha 14 wa masiku.

2 Tihosi 25:21

A hosi ya le Babuloni yi lo va daya le Ribla, le tikweni ga le Hamate. Zinghaho a vaJuda va lo yiswa le wukhumbini ga le kule ni tiko gabye.

1 Kronekele 13:4

A tlhangano wontihe wu lo vumela ku maha lezo, hakuva a timhaka leto ti wa lulamile mahlweni ka vanhu vontlhe.

1 Kronekele 13:6

Zonake Davida ni vontlhe va ka Israeli va lo kanziha vaya Baala le Kiriate-Jearimu legi gi nga ga ka Juda, va ya teka a arke ga Nungungulu, a Jehova loyi a tshamako xikari ka makerubima, laha ku khongeliwako a vito gakwe kona.

1 Kronekele 15:3

Davida i lo tsombanyisa vontlhe va ka Israeli le Jerusalema a ku yisa a arke ga Jehova wutshanwini lego a nga wa gi longisele.

Isaya 23:3

A matini ya hombe a mbewu ya Xihore, Ni lezi zi tshovelweko congweni wa Nilo zi wa hi bhinzu ga Tire; Gi wa hi ndale ya mifumo.

Jeremia 2:18

Ni makunu, u fambela yini hi ndlela ya Gipite, A ku yanwa a mati ya Nilo ke? U fambela yini hi ndlela ya Assiria, A ku yanwa a mati ya congo ke?

Joxua 9:17

Ni vanana va ka Israeli va lo suka va famba, va lo chikela le mutini wabye hi siku ga wumbiri; ni miti yabye ku wa hi Gibeoni, na Kefira, na Beroti, na Kiriat-Jearime.

1 Samueli 6:21

Zonake va lo rumela a mitsumi a kuya ka vanhu va le Kiriate-Jearime, vaku ngalo: A vaFilistia va tlhelisile a arke ga Jehova, ngonani mu ta gi teka gita seyo ka nwina.

1 Samueli 7:1

A vanhu va le Kiriate-Jearime va lo ta teka arke ga Jehova va famba nago, va ya gi enghenisa lomu ndlwini ya Abinadaba le xitsungeni. A mufana wakwe Eleazare i lo basiselwa a ntiro wa ku hlayisa a arke ga Jehova.

1 Samueli 7:2

A arke gi lo tshama le Kiriate-Jearime xikhati xa hombe nguvu, kala ku mbhela 20 wa malembe, na yontlhe yindlu ya ka Israeli yi kari yi rilela Jehova. Samueli a maha mulamuli wa ka Israeli.