1 Kronekele 11:10 - Tshwa Bible

¹⁰ Makunu leti hi tinhenha ta hombe ta Davida, leti ti mu tiyisetako lomu mufunweni wakwe, zinwe ni vontlhe va ka Israeli, a ku mu maha hosi, khwatsi hi lezi Jehova a wulileko xungetano ni va ka Israeli.

1 Kronekele 11:10 Mawu Ofanana

2 Samueli 3:21

Zonake Abneri i te ngalo ka Davida: Nzi ta famba nzi ya tsombanyisa vontlhe va ka Israeli ka hosi ya mina, kasi va fela ku maha xivumelwano na wena, kasi wena wa fela ku fumela kontlhe lomu u ku xuvako. Davida i lo salisana na Abneri, a mu fambisa hi kurula.

1 Kronekele 11:3

Zinghaho wontihe masingalakati ya ka Israeli ma lota ka hosi le Hebroni, Davida a maha xivumelwano navo mahlweni ka Jehova, zonake vona va tota Davida a kuva hosi ya va ka Israeli le Hebroni, khwatsi hi lezi Jehova a wulileko hi nomu wa Samueli.

1 Kronekele 12:21

Lava vanhu va lo vunetela Davida laha a nga walwa ni mabutho ya vaphangi, hakuva vontlhe va wa hi tinhenha, na va hi tinduna ta yimpi.

1 Kronekele 12:23

Leyi hi mitsengo ya vavanuna lava va nga wa hlomile matlhari, lava va ngaya ka Davida le Hebroni a ku ya mu wumbela wuhosi wutshanwini ya Saule, khwatsi hi lezi Jehova a leleteleko.

1 Kronekele 12:24

A vana va ka Juda lava va khomileko a zitlhangu ni matlhari va wa hi 6,800, va hlomileko kasi kuya yimpini.

1 Kronekele 12:38

Vontlhe lavo va wa hi vavanuna va yimpi, a zilwa-matlhari; va lota le Hebroni hi mbilu yinwe, a ku ta wumbela Davida a kuva hosi ya vontlhe va ka Israeli. Vontlhe va ka Israeli lava va nga wa sele va wa hi va mbilu yinwe a ku wumbela Davida a kuva hosi.

1 Kronekele 12:39

Zonake va lo ya tshama leyo masiku manhru zinwe na Davida, vaga, vanwa, hakuva a vanakulobye va wa va longisele zontlhe.

1 Kronekele 27:1

Lava hi vana va ka Israeli, hi tsengo wabye, a tihosana ta tinyangwa ni tinduna ta mazana ni ta makume mazana, ni malanza yabye ma tirelako a hosi timhakeni tontlhe ta mitlawa leyi yi enghenako ntirweni ni leyi yi humako ha kona, ka tontlhe tihweti ta lembe; a tlawa munwe ni munwani wu wa hi ni 24,000 wa vavanuna.

1 Kronekele 28:1

Davida i lo tsombanyisa tontlhe tihosana ta ka Israeli, a tihosana ta tinyangwa, ni tinduna ta mitlawa leyi yi tirelako hosi, ni tinduna ta 1,000, ni tinduna ta mazana, ni vahlayisi va titshomba tontlhe, ni vahlayisi va zifuyo zontlhe za hosi, ni vahlayisi va vanana vakwe, ni mithenwa, ni tinhenha, vontlhe va tsombana le Jerusalema.

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22