1 Kronekele 11:1 - Tshwa Bible

¹ Zonake vontlhe va ka Israeli va lo tsombana khatiginwe ka Davida le Hebroni, vaku kakwe: Languta, hina hi marambu ya wena ni nyama ya wena.

1 Kronekele 11:1 Mawu Ofanana

Genesisi 29:14

Labani aku ngalo ka yena: Hakunene u rambu ga mina, ni nyama ya mina. I lo tshama naye a hweti yinwe.

2 Samueli 15:10

Kanilezi Absalome i lo rumela mitsukano ka tontlhe tixaka ta ka Israeli, aku: Hi xikhanzakanya xa lezi mu ta ngazwa a kuvuma ka mpunzu, nwina mu ta ku ngalo: Absalome i fumile le Hebroni.

2 Samueli 2:1

Makunu anzhako ka lezo Davida i lo wutisa ka Jehova, aku: Nzi kanziha nziya ka munwe wa miti ya ka Juda ke? Jehova i te ngalo kakwe: Kanziha. A engeta aku ka Jehova: Nziya ka wihi muti? Jehova aku: Yana le Hebroni.

1 Tihosi 2:11

Davida i lo fumela va ka Israeli 40 wa malembe. Le Hebroni i lo fuma 7 wa malembe, le Jerusalema a fuma 33 wa malembe.

Mitsengo 13:22

Va lo kanziha hi le Dzongeni, kala va ya chikela le Hebroni, laho ku nga wa hi na Ahimani, na Xexai, na Talmai, a vazukulu va Anaki. A muti wa Hebroni wu rangile ku akiwa, hi mahlweni ka ntlhanu wa malembe ni mambiri na wu nga se ku akiwa Zoana wa Gipite.

Va le Efesusi 5:30

hakuva hina hi ziro za miri wakwe.

Deuteronome 17:15

hi zona, wena u ta ti yimisela a hosi leyi Jehova Nungungulu wa wena a ta nga yi hlawula. U ta teka munwe xikari ka vamakabye va wena, u mu yimisa a kuva hosi hehla ka nwina; kanilezi u nga yimisi a wamatiko, loyi a nga hiko munwe wa vamakabye va wena.

Valamuli 9:2

Wulawulani ni vanhu va Xekemi, muku: A ku fumelwa hi vontlhe vanana va Jerubaali va 70, ni ku fumelwa hi munhu munwe basi, lezi zi nga zinene hi zihi ke? Na mu alakanya kambe lezaku mina nzi marambu ya nwina ni nyama ya nwina.