तीतुस 3:5 - बुक्सा

⁵ तौ बानै हमकै मुक्‍ति दई, और जौ हमरे धरम के कामौ के कारन ना, पर अपनी दया के अनुसार उसनै हमरी रक्छा उस इसनान के दुआरा करी जिसमै हम फिर पैदा होवै हैं और पबित्‍तर आत्‍मा के दुआरा नए बनाए जावै हैं।

तीतुस 3:5 Mawu Ofanana

मत्‍ती 3:11

मैं तौ पानी सै तुमकै मन फिरानै को जल संस्कार देवौ हौं, पर जो मेरे बाद आनै बारो है, बौ मैंसै महान है, मैं तौ उसके जूता के फीता खोलनै के लायक बी ना हौं, बौ तुमकै पबित्‍तर आत्‍मा और आग सै जल संस्कार देगो।

लूका 1:50

और जो उसको आदर करै हैं उसकी दया उनके ऊपर पीड़ी सै पीड़ी तक बनी रैहबै है।

लूका 1:54

बानै अपने सेवक ईसराइल कै समार लओ कै अपनी बा दया कै याद करै,

लूका 1:72

और हमरे बाप-दादौं मै दया करकै अपने पबित्‍तर बादे कै याद करैगो।

लूका 1:78

हमरे परमेसर के दया सै हमनै सुरग सै एक नए दिन के हाँई मुक्‍ति की रौसनी पाई है।

रोमियो 11:14

ताकि किसी तरै सै मैं अपने लोगौ मै जरन पैदा करबाकै उनमै सै कईऔ कै मुक्‍ति दौं।

रोमियो 11:6

और अगर जौ परमेसर के किरपा सै भओ है, तौ जौ हमकै काम सै ना मिलो है अगर काम सै मिलतो तौ किरपा, किरपा ना रैहती।

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

रोमियो 3:20

कैसेकै नियम के कामौ सै कोई आदमी परमेसर के सामने धरमी ना ठैरैगो, पर नियम सै पाप की पैचान होवै है।

रोमियो 3:28

कैसेकै हम मानै हैं कै आदमी नियम के कामौ सै ना, पर बिसवास सै धरमी ठैराओ जावै है।

रोमियो 4:5

अगर कोई आदमी नियम के कामौ कै कन्‍नै के बजाए उस परमेसर मै बिसवास करै है, जो लोगौ के पापौं कै मिटा देवै है, तौ उसको बिसवासई उसकै धरमी ठैरागो।

रोमियो 9:11

तौ बालकौ के पैदा होनै सै पैले और उनको कुछ बी भलो बुरो कन्‍नै सै पैले परमेसर नै उनके करमौ के अनुसार ना छाँटो पर परमेसर नै अपनी मरजी सै एक बौ चुनो जिस्सै बाकी मरजी पूरी हो जाऐ।

रोमियो 9:16

इसताँई जौ सब कुछ आदमी की मरजी या उसकी मैहनत के ऊपर ना, बलकन दया कन्‍नै बारे परमेसर के हात मै है।

रोमियो 9:30

तौ फिर हम का कैंऐ? जौ कै गैर यहूदी लोगौ कै जो धारमिकता की खोज मै ना हे, उनौनै धारमिकता कै पा लओ, जो बिसवास सै मिलै है।

1 कुरन्‍थियों 6:11

और तुम्मै सै बी कुछ लोग ऐंसेई हे, पर अब परभु ईसु मसी के नाम सै और हमरे परमेसर की आत्‍मा सै धोकै, पबित्‍तर और धरमी ठैरे हौ।

गलातिऔ 2:16

पर हम जौ बात जानै हैं कै आदमी नियम के काम सैई धरमी ना ठैरै है, पर ईसु मसी मै बिसवास कन्‍नै के दुआराई धरमी ठैरै है। इसताँई हम मसी ईसु मै बिसवास करै हैं, और बिसवास कन्‍नै की बजै सै मसी हमकै धरमी ठैरागो, ना कै नियम के काम की बजै सै। कैसेकै कोई बी आदमी नियम के काम कन्‍नै की बजै सै धरमी ना ठैराओ जा सकै है।

इफिसिऔ 2:4

पर परमेसर जो दया को सेट है, बानै अपने बड़े पियार की बजै सै हम सै इत्‍तो पियार करो है कै,

इफिसिऔ 4:23

तुमरो दिल और आत्‍मा पूरी तरै सै नओ बन्‍तो जाऐ।

इफिसिऔ 5:26

जिस्सै कै बौ बचन के दुआरा पानी से नभा धुबा कै बाकै सुद्‍द करकै पबित्‍तर बनाऐ।

कुलुसिऔं 3:10

और एक नओ सौभाब कै पैहर लओ है, जो तुमकै बनानै बारे के हाँई है जो बाकै जान्‍नै की ओर अग्गे बढ़ानै के ताँई नओ होतो रैहबै है।

2 तीमुथियुस 1:9

बानै हमकै मुक्‍ति दई है और हमकै पबित्‍तर जिन्‍दगी जीनै के ताँई बुलाओ है, जौ सबई कुछ हमरे कामौ की बजै सै ना पर बा मकसद और किरपा की बजै सै भओ है। जौ बरकत हमकै जा दुनिया के बन्‍नै सै पैलेई ईसु मसी मै देर खाई है।

तीतुस 3:4

पर जब हमरे मुक्‍तिदाता परमेसर की किरपा और लोगौं मै उसको पियार परकट भओ,

इबरानिओ 10:22

तौ आऔ, बिसवास के पूरे भरोसे के संग और अपने दिल कै बुरे मन सै सुद्‍द करकै और अपने सरीर कै साप जल सै धोकै सच्‍चे दिल सै परमेसर के धौंरे जांऐ।

इबरानिओ 4:16

इसताँई आऔ, हम बी बा किरपा के सिंगासन की ओर चलैं, जिस्सै कै हमकै जरूरत के बखत सायता कन्‍नै के ताँई दया मिलै।

इबरानिओ 6:6

अगर बे भटक गए हैं, तौ उनको फिर सै मन फिरानो मुसकल है। कैसेकै बे लोग अपने ताँई परमेसर के लौंड़ा कै फिर कुरूस मै चढ़ा रए हैं और बाकी बेजती खुले आम कर रए हैं।

1 पतरस 1:3

हमरे परभु ईसु मसी के परम पिता परमेसर को धन्‍नबाद होए, जिसनै ईसु मसी कै मरे भएऔं मै सै जिन्‍दो कन्‍नै के दुआरा, अपनी बड़ी दया सै हमकै एक जिन्‍दी आस के ताँई नओ जलम दओ है।

1 पतरस 2:10

एक बखत ऐंसो हो कै तुम परमेसर के लोग ना हे पर अब बाके लोग हौ, पैले तुमरे ऊपर दया ना ही, पर अब परमेसर की दया भई है।

1 पतरस 3:21

जौ पानी बा जल संस्कार के हाँई है जिस्सै अब तुमकै मुक्‍ति मिलै है; जल संस्कार को मतलब सरीर को मैल धोनो ना हैं बलकन सच्‍चे मन सै परमेसर के संग बादो कन्‍नो है। जौ जल संस्कार ईसु मसी के फिर सै जिन्‍दे होनै के दुआरा हमरी मुक्‍ति करै है।