तीतुस 3:1 - बुक्सा

¹ लोगौ कै याद दिब्बातो रैह, कै बे राजाऔं और अधकारिऔं के आधीन रैंह, और उनकी आगियाँ मानै, और हर एक अच्‍छे काम के ताँई तईयार रैंह,

तीतुस 3:1 Mawu Ofanana

मत्‍ती 22:21

उनौनै उस्सै कैई, “कैसर को।” तब उसनै उनसै कैई, “तौ जो कैसर को है, उसकै कैसर कै दो और जो परमेसर को है, बौ परमेसर कै।”

1 कुरन्‍थियों 15:58

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

इफिसिऔ 2:10

कैसेकै हम परमेसर की कलाकारी हैं, और हमकै ईसु मसी मै भले काम कन्‍नै के ताँई बनाओ गओ है जिसकी योजना परमेसर नै हमरे ताँई पैलेई बनार खाई ही।

फिलिप्‍पीऔ 1:11

और परमेसर की बड़ाई और तारीफ के ताँई तुम बा धारमिकता के फल सै भरपूर होते जाँय जो ईसु मसी के दुआरा मिलै है।

कुलुसिऔं 1:10

ताकि तुमरो चाल-चलन बैसोई होए जैसो परभु कै परसन्‍द है, जिस्सै बौ खुस होए और तुम्मै हर तरै के भले काम के फल लगैं और परमेसर के गियान मै मजबूत होते जाऔ।

1 तीमुथियुस 2:2

राजाऔं और सिगरे अधकारिऔं के ताँई पिराथना कन्‍नी जरूरी है कै हम चैन और सान्‍ति के संग जिन्‍दगी जीऐं और भक्‍ति और ईमानदारी के संग रैंह।

1 तीमुथियुस 4:6

अगर तू बिसवासी लोगौ कै इन बातौं कै याद दिब्बातो रैहगो, तौ तू ईसु मसी को अच्‍छो सेवक बनो रैहगो। और बिसवास और बा सई उपदेस की बातौं कै जिनकै तू सच्‍चे दिल सै मानते भओ आओ है।

1 तीमुथियुस 5:10

और जो अपने भले कामौ की बजै सै जानी जाय, और जो अपने बालकौ को अच्‍छे ढंग सै खयाल रक्‍खै, और पौंहनेऔ की अच्‍छे सै सेवा करै और परमेसर के लोगौ के पाँऐ धोए और परेसान लोगौ की सायता करै और हर तरै के अच्‍छे कामौ मै मन लगाऐ।

2 तीमुथियुस 1:6

इसताँई मैं तुमकै जौ याद दिब्बाबौ हौं कै तू परमेसर के बा बरदान कै इस्तमाल कर जो तुमरे ऊपर मेरे हात रखनै सै मिलो है।

2 तीमुथियुस 2:14

उनकै इन बातौं की याद दिब्बातो रैहईए और परमेसर के सामने चितौनी देईए कै छोटी छोटी बातौं मै बैहैस बाजी कन्‍नै सै कोई फाएदा ना है, पर जो इनकै सुनै है, बे बी नास हो जावै हैं।

2 तीमुथियुस 2:21

अगर कोई अपने आपकै गलत बातौं सै दूर रखैगो, तौ बौ इज्‍जत को बरतन बनैगो और पबित्‍तर ठैरैगो, और मालिक के काम मै आगो और हर अच्‍छे काम के ताँई तईयार रैहगो।

तीतुस 1:16

बे कैबै हैं कै हम परमेसर कै जानै हैं, पर अपने कामौ सै उसको इनकार करैं हैं, कैसेकै बे नफरत कन्‍नै बारे और आगियाँ ना माननै बारे हैं, और किसी अच्‍छे काम के लायक ना हैं।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

तीतुस 3:14

जिस्सै हमरे लोग बी जरूरतौं कै पूरी कन्‍नै के ताँई अच्‍छे कामौ मै लगे रैहनो सीकैं जिस्सै बे बेकार ना रैंह।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

इबरानिओ 13:21

अपनी इच्‍छा कै पूरी कन्‍नै के ताँई परमेसर हर एक अच्‍छी चीजौ सै तुमकै भरै, और ईसु मसी के दुआरा जो परमेसर कै अच्‍छो लगै है बौ बाकै तुमरे भीतर करै। ईसु मसी की बड़ाई हमेसा-हमेसा होती रैह। ऐंसोई होए।

2 पतरस 1:12

इसताँई तुम लोग इन बातौं कै जानौ हौ और बा सच्‍चाई मै पक्‍के बने भए हौ, फिर बी मैं तुमकै इन बातौं कै हमेसा याद दिब्बातो रैहंगो।

यहूदा 1:5

मैं तुमकै याद दिब्बानो चाँहौ हौं, बलकन तुम उन बातौं कै पैलेई सै जानौ बी हौ कै परभु मिसर देस सै ईसराइली लोगौ कै बचाकै लाओ और बाद मै जिन्‍नै बिसवास ना करो हो उन लोगौ कै नास करो।