तीतुस 2:2 - बुक्सा

² मतलब बुड्‍ढे आदमी, चौकस और गम्‍भीर और संयमी हौं, और उनको बिसवास, पियार और उनकी सैनसीलता पक्‍की होनी चँईऐ।

तीतुस 2:2 Mawu Ofanana

मरकुस 5:15

और बे ईसु के धौंरे आए और जौ देखकै डर गए कै बौ दुसट आत्‍मा सै परेसान, जिसमै दुसट आत्‍माऔ की सैना समाई पड़ी ही, लत्‍ता पैहरे भए सान्‍ति सै बैठो भओ है।

लूका 8:35

तब लोग जो कुछ भओ हो उसकै देखनै लिकरे और ईसु के धौंरे आए। और उनौनै उस आदमी कै जिसमै सै दुसट आत्‍मा लिकरी हीं सान्‍ति सै लत्‍ता पैहरे भए ईसु के चरनौ मै बैठे भए देखो। बाको दिमाक एकदम सई हो, इस्सै बे सबई डर गए।

चेलौ के काम 24:25

जब पौलुस परमेसर की अच्‍छाई, सबर और परमेसर के आनै बारे नियाय की बात कर रओ हो तौ तबई फेलिक्‍स डर गओ और कैई कै, “अबी तू जा और बखत आनै मै मैं तेकै फिर बुलांगो।”

रोमियो 12:3

कैसेकै मैं उस किरपा के दुआरा जो मैंकै देओ गओ है, तुम्मै सै हर एक कै कैबौ हौं, कै जैसो समजनो चँईऐ, उस सै जादा कोई बी अपने आपकै ना समजै, पर परमेसर नै हर एक कै जितनो जितनो बिसवास दओ है, बैसेई सोच समजनै के बाद अपने आपकै समजै।

1 कुरन्‍थियों 15:34

होस मै आकै सई तरीका सै सोचौ, और पाप कन्‍नो छोड़ौ। कैसेकै तुम्मै सै कुछ ऐंसे हैं, जो परमेसर के बारे मै कुछ बी ना जानै हैं। मैं जौ सबई इसताँई कैरओ हौं कै तुमकै सरम आय।

1 कुरन्‍थियों 9:25

खेल मै हिस्सा लैनै बारे खिलाड़ी अपने सरीर के ऊपर काबू करकै धियान सै खुद कै तईयार करै है। बौ बी ऐंसे ईनाम के ताँई जो जादा बखत के ताँई ना रैहबै है। पर हम ऐंसे ईनाम के ताँई करै हैं, जो हमेसा रैहबै है।

2 कुरन्‍थियों 5:13

कैसेकै अगर हम पागल के हाँई दिखाई देवै हैं तौ परमेसर के ताँई, और अगर समजदार हैं तौ बौ तुमरे ताँई हैं।

गलातिऔ 5:23

नमर सौभाब और खुद के ऊपर काबू रखनो। और ऐंसी बातौं के खिलाप मै कोई नियम ना है।

फिलिप्‍पीऔ 4:8

हे भईयौ, जो बात सच हैं, और जो बात इज्‍जत बारी हैं, और जो सई हैं, और जो बात पबित्‍तर हैं, और जो बात पियारी हैं, और जो बात मन कै पियारी लगै हैं, यानी जो बी भौत अच्‍छी और बड़ाई की बात हैं, उनई मै मन लगाए करौ।

1 थिसलुनीकियौ 5:6

इसताँई औरौं के हाँई हमकै सोते भए ना रैहनो है, बलकन जगते और होसिआर रैहनो है।

1 थिसलुनीकियौ 5:8

पर हम दिन के हैं और हमकै खुद के ऊपर काबू रखनो चँईऐ। और बिसवास और पियार को कबज पैहरकै और मुक्‍ति की उमीद को टोप कै पैहरलो।

1 तीमुथियुस 1:10

और बईयरौं और आदमिऔ के संग सरीर सै गलत काम कन्‍नै बारौ के, और गुलाम लोगौ कै बेचनै बारौ के, झूँटी बात बोलनै बारौ के, झूँटी कसम खानै बारौ कै, और बे सिगरे लोग जो सच्‍ची सिक्‍छा को बिरोद करै हैं, उनके ताँई जौ नियम ठैराओ गओ है।

1 तीमुथियुस 1:14

और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।

1 तीमुथियुस 1:5

मेरे हुकम को मकसद पियार है जो सच्‍चे दिल सै और सुद्‍द मन सै और बा बिना खोट के बिसवास सै तुम्मै पैदा होए।

1 तीमुथियुस 3:11

और उनकी बईयर बी इज्जतदार होनी चँईऐ, बुरे बोल बोलनै बारी ना होए और अपने ऊपर काबू रखनै बारी होए और सिगरी बातौं मै बिसवास लायक होए।

1 तीमुथियुस 3:2

पर जो अगुबा है, बामै कोई गलती ना होनी चँईऐ और बाकी एकई बईयर होए, और अपने ऊपर काबू रखनै बारो होनो चँईऐ, और समजदारी सै रैहनै बारो और इज्जतदार होए और पौंहनेऔ की इज्‍जत कन्‍नै बारो, और लोगौ कै अच्‍छे सै सिकानै बारो होए।

1 तीमुथियुस 3:4

बौ अपने टब्बर की अच्‍छे सै देखभाल कन्‍नै बारो होए, और बाके सबई बालक बाकी बात माननै बारे हौं, और बाकी पूरी इज्‍जत कन्‍नै बारे हौं।

1 तीमुथियुस 3:8

इसताँई बिसवासिऔ की मंडली के लोगौ की सेवा कन्‍नै बारो, इज्जतदार होए, दोगलो आदमी ना होए, दारू पीनै बारो ना होए, बुरी कमाई को लालची ना होए।

1 तीमुथियुस 5:1

किसी बी बड़े-बू़़ढ़े आदमी कै ना डाँटौ पर बाकै अपने अब्बा की उमर को समज कै समजाऔ, और अपने सै छोटेऔ के संग पियार सै भईया के हाँई बरताब करौ।

तीतुस 1:13

जौ गभाई सच है, इसताँई उनकै कड़ाई सै डाँट फटकार, कै बे बिसवास मै पक्‍के हो जाँय,

तीतुस 1:8

पर पौंहनेऔ की खातरदारी कन्‍नै बारो, नेकी को चाहनै बारो, संयमी, धरमी, पबित्‍तर और अपने आपकै बस मै रखनै बारो होनो चँईऐ।

तीतुस 2:7

सब बातौं मै अपने आपकै भले कामौ को नमूना बना। तेरे उपदेस मै सपाई, गम्‍भीरता,

फिलेमौन 1:9

फिर बी उस पियार के कारन मैं तुमसै बिनती कन्‍नो ठीक समजौ हौं। मैं पौलुस, जो अब बुड्‍ढो हो गओ हौं और मसी ईसु के ताँई अब कैदी बी बन चुको हौं।

1 पतरस 1:13

इसताँई तुम चौकन्‍ने और खुद के ऊपर काबू रक्‍खौ और बा किरपा की ओर पूरी उमीद रक्‍खौ, जो ईसु मसी के परकट होनै के बखत तुमकै मिलनै बारी है।

1 पतरस 4:7

बौ बखत आनै बारौ है जब सबई कुछ नास हो जागो, इसताँई तुम सबई चौकस और खुद के ऊपर काबू रक्‍खौ ताकि तुम पिराथना कर सकौ।

1 पतरस 5:8

होसिआर रौह और जगते रौह, कैसेकै तुमरो दुसमन सैतान एक दहाड़ते भए सेर के हाँई इतै-उतै घूमतो भओ जा मौके मै रैहबै है कै किसकै फाड़ खांऔ।

2 पतरस 1:6

और गियान मै अपने ऊपर काबू, और अपने ऊपर काबू मै सबर, और सबर मै भक्‍ति।