तीतुस 1:9 - बुक्सा

⁹ और उस बिसवासजोग बचन मै, जो धरम के उपदेस के अनुसार है, खड़ो रैह, कै खरी सिक्‍छा सै उपदेस और हिम्मत दे सकै और बिरोदिऔं को मौह बी बन्‍द कर सकै।

तीतुस 1:9 Mawu Ofanana

चेलौ के काम 18:28

और बानै पबित्‍तर सास्तर की बातौं सै यहूदी लोगौ को मौह बन्‍द कर दओ, कैसेकै बौ पबित्‍तर सास्तर सै पढ़कै जौ सबूत देवै हो कै ईसुई मसी है।

1 कुरन्‍थियों 14:24

पर अगर सिगरे लोग परमेसर की ओर सै बोल रए हैं, और तबई अबिसवासी या बाहार के आदमी भीतर आ जाँय, तौ उनकै अपने पापौं के बारे मै पतो लग जागो, और जो बात उन्‍नै सुनी हैं, उनको हिसाब उनकै दैनो है।

1 थिसलुनीकियौ 5:21

पर सिगरी बातौं कै परखौ और जो अच्‍छी हैं उनकै मजबूती सै पकड़े रौह।

2 थिसलुनीकियौ 2:15

इसताँई ओ पियारे भईयौ और बहनौ, पक्‍के रौह और उन सिक्‍छाऔ कै थामे रौह जो तुमनै हम सै और चिट्‌ठी के दुआरा सिकीं।

1 तीमुथियुस 1:10

और बईयरौं और आदमिऔ के संग सरीर सै गलत काम कन्‍नै बारौ के, और गुलाम लोगौ कै बेचनै बारौ के, झूँटी बात बोलनै बारौ के, झूँटी कसम खानै बारौ कै, और बे सिगरे लोग जो सच्‍ची सिक्‍छा को बिरोद करै हैं, उनके ताँई जौ नियम ठैराओ गओ है।

1 तीमुथियुस 1:15

जौ बात सच्‍ची है और हर तरै सै बिसवास के लायक है कै ईसु मसी जा दुनिया मै पापी लोगौ कै बचानै के ताँई आओ, और उन पापी लोगौ मै सबई सै बड़ो पापी मैं हौं।

1 तीमुथियुस 1:19

ईसु मसी के बिसवास मै अग्गे बढ़ और अपने भीतर के मन कै साप रख। कैसेकै कुछ लोग अपने भीतर के मन मै धियान ना देवै हैं, और अपने बिसवास कै खो कै नास कर देवै हैं।

1 तीमुथियुस 4:9

जौ बात हर तरै सै बिसवास बारी और सच्‍ची है।

1 तीमुथियुस 6:3

अगर कोई उनके हाँई सिक्‍छा देवै है और हमरे परभु ईसु मसी की सच्‍ची बातौं कै और हमरी धरम की सिक्‍छा कै ना मानै है,

2 तीमुथियुस 1:13

जो खरी बात तुमनै मैंसै सुनी है, बाकै बा बिसवास और पियार सै जो ईसु मसी मै है, थामे रौह।

2 तीमुथियुस 2:2

और जिन बातौं कै तैनै भौस्से गभाऔ के सामने मैंसै सुनो है, उनकै ऐंसे लोगौ कै सौंपीए जो बिसवास बारे हौं और दूसरौं कै सिकानै बारे बी हौं।

2 तीमुथियुस 2:25

जो बिरोद करै उनकै पियार सै समजाऔ, का पतो, परमेसर बाकै बाके पाप सै मन फिरानै को मन देए, जिस्सै कै बे बी सच्‍चाई कै पैचान सकैं,

2 तीमुथियुस 3:14

पर तैनै जो बात सीकीं हैं और जो पक्‍को बिसवास तू करै है, बामै टिको रैह, तू जानै है कै जे बात तैनै किन लोगौ सै सीकीं हैं।

2 तीमुथियुस 4:3

कैसेकै ऐंसो दिन आगो जब लोग सई सिक्‍छा कै सुन्‍नोई ना चाँहंगे, पर बे अपनी इच्‍छा के हिसाब सै ऐंसे सिकानै बारे लोगौ कै लांगे, जो उनकै बेई बात बताऐ जो उनकै अच्‍छी लगै हैं।

तीतुस 1:11

इनको मौह बन्‍द कन्‍नो चँईऐ। जे लोग नीच कमाई के ताँई जो बात ना सिकानी चँईऐ उन बातौं कै बी सिकाकै घर के घर बिगाड़ देवै हैं।

तीतुस 2:1

पर तू ऐंसी बात कैह कर, जो खरी सिक्‍छा के लायक हैं।

यहूदा 1:3

पियारे सातिऔं, मैं उस मुक्‍ति के बारे मै लिखनै की कोसिस कर रओ हो जिसमै हम सब सामिल हे, पर जौ मैंनै लिखनो और बिनती कन्‍नो जरूरी समजो कै तुम बा बिसवास के ताँई बड़े जोस सै कोसिस करते रौह जो हमेसा के ताँई परमेसर के पबित्‍तर लोगौ कै देओ गओ हो।

परकासन 2:25

पर जो सिक्‍छा तुमरे धौंरे है, मेरे आनै तक उसकै मजबूती सै थामे रैहऔ।

परकासन 3:11

“मैं जल्दी आनै बारो हौं। जो कुछ तेरे धौंरे है, बाकै थामे रैह कै कोई तेरो मुकट छीन ना ले।

परकासन 3:3

इसताँई याद कर, कै तैनै कैसी सिक्‍छा पाई ही और सुनी ही, और उनमै बनो रैह और मन फिरा। अगर तू जगो ना रैहगो तौ मैं चोर के हाँई आ जांगो और तू जान ना सकैगो कै मैं किस घड़ी तेरे धौंरे आ गओ।