रोमियो 9:30 - बुक्सा

³⁰ तौ फिर हम का कैंऐ? जौ कै गैर यहूदी लोगौ कै जो धारमिकता की खोज मै ना हे, उनौनै धारमिकता कै पा लओ, जो बिसवास सै मिलै है।

रोमियो 9:30 Mawu Ofanana

फिलिप्‍पीऔ 3:9

और बाके संग पूरी तरै सै एक हो जांऔ; मेरी बा धारमिकता सै ना जो नियम कै माननै सै मिलै है, पर बा धारमिकता सै जो मसी मै बिसवास कन्‍नै सै मिलै है, जो परमेसर की ओर सै आवै है, जो बिसवास मै टिकी है।

इबरानिओ 11:7

बिसवास की बजै सैई परमेसर नै नूह कै जब उन बातौं की चितौनी दई जो नूह नै ना देखी ही, तब बानै बातौं कै मानकै अपने टब्बर कै बचानै के ताँई एक पानी को जिहाज बनाओ। बाके बिसवास के दुआरा बानै दुनिया कै दोसी ठैराओ और बा बिसवास सैई बौ धारमिकता को बारिस बनो।

गलातिऔ 2:16

पर हम जौ बात जानै हैं कै आदमी नियम के काम सैई धरमी ना ठैरै है, पर ईसु मसी मै बिसवास कन्‍नै के दुआराई धरमी ठैरै है। इसताँई हम मसी ईसु मै बिसवास करै हैं, और बिसवास कन्‍नै की बजै सै मसी हमकै धरमी ठैरागो, ना कै नियम के काम की बजै सै। कैसेकै कोई बी आदमी नियम के काम कन्‍नै की बजै सै धरमी ना ठैराओ जा सकै है।

रोमियो 4:11

खतना होनै सै पैलेई इब्राहिम कै बिसवास के दुआरा धरमी ठैराओ गओ। बाकै धारमिकता साबित कन्‍नै के ताँई छाप मिली। इसताँई बौ उन सबको अब्बा ठैरो, जो बिना खतना के बिसवास करैं हैं जिस्सै कै बे धरमी ठैराए जाँय।

इफिसिऔ 2:12

याद रक्‍खौ कै पैले तुम बिना मसी के हे, और ईसराइल के बिरादरी सै बी बाहार हे। तुम बा करारनामे सै जो परमेसर नै अपने लोगौ के संग करो हो अनजान हे, और जा दुनिया मै तुम बगैर आस के और बिना परमेसर के जी रए हे।

गलातिऔ 5:5

पर हम पबित्‍तर आत्‍मा और बिसवास के दुआरा परमेसर के सामने धरमी होनै की आस रखते भए पैंड़ो देखै हैं।

रोमियो 10:20

फिर यसाया हिम्मत के संग कैबै है, “जो मैंकै ना ढूंड़ै हे, उनौनै मै पा लओ। और जो मेरे बारे मै पूँछै बी ना हैं, उनमै मैं परकट भओ।”

रोमियो 10:6

पर जो धारमिकता बिसवास सै मिलै है, बौ जौ कैबै है कै, “तू अपने मन मै जौ मत कैईए कै, कौन सुरग जागो?” यानी मसी कै नीचे लानै के ताँई,

रोमियो 9:14

तौ फिर हम का कैंऐ? का परमेसर अनियाय कन्‍नै बारो है? बिलकुल ना!

1 पतरस 4:3

कैसेकै तुम लोग अबिसवासी आदमिऔ के हाँई बैबिचार, बुरी इच्‍छा, पियकड़ लोग, ऐंसी दाबतौं मै जानो जहाँ कुकरम और बैबिचार होवै हैं, और दारू पीनै की दाबत और बेकार की मूरती पूजा कन्‍नै मै बौ बखत बिता चुके हौ।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

गलातिऔ 3:24

इस तरै मसी के आनै तक नियम हमरी देखरेख कन्‍नै बारो हो, जिस्सै कै हम बिसवास के दुआरा धरमी ठैरैं।

गलातिऔ 3:8

पबित्‍तर सास्तर मै जौ बात पैलेई सै लिखी भई है कै, “परमेसर सिगरी जाति के लोगौ कै बिसवास के दुआरा धरमी ठैरागो।” इसताँई पैले परमेसर नै इब्राहिम कै अच्‍छी खबर सुनाई, और कैई कै तेरे दुआरा दुनिया की सैरी जातिऔं कै आसीस मिलैगी।

रोमियो 10:10

दिल सै बिसवास कन्‍नै सै आदमी को रिस्ता परमेसर के संग सई हो जावै है और मौह सै माननै सै उसकै मुक्‍ति मिलै है।

रोमियो 9:31

मगर ईसराइल के लोग जो ऐंसे नियम मै चलनो चाँहै हे जो उनकै धरमी बनाबै है, बे उसके अनुसार ना जी सके।

रोमियो 5:1

परमेसर नै हमरे बिसवास के कारन हमकै धरमी मानो है। परभु ईसु मसी के दुआरा हमरो परमेसर सै मेल हो गओ है।

रोमियो 4:22

इस बिसवास की बजै सैई परमेसर नै इब्राहिम कै धरमी मानो है।

रोमियो 4:13

इब्राहिम या उसके बंस कै जौ बादो मिलो कै बे दुनिया के हकदार ठैरंगे, जौ नियम सै ना बलकन उस धारमिकता सै, जो बिसवास सै मिलै है।

रोमियो 4:9

तौ का जौ आसीस खतना बारौ केई ताँई है या उनके ताँई बी है, जिनको खतना ना भओ है? कैसेकै हम कैबै हैं, कै इब्राहिम नै बिसवास करो और बौ धरमी गिनो गओ।

रोमियो 3:5

इसताँई अगर हमरे बुरे काम परमेसर के अच्‍छे काम कै दिखामै हैं, तौ हम का करैं? मैं आदमी की सोच के हिसाब सै कैरओ हौं कै, का परमेसर को हमरे ऊपर घुस्सा कन्‍नो, गलत है?