रोमियो 9:11 - बुक्सा

¹¹ तौ बालकौ के पैदा होनै सै पैले और उनको कुछ बी भलो बुरो कन्‍नै सै पैले परमेसर नै उनके करमौ के अनुसार ना छाँटो पर परमेसर नै अपनी मरजी सै एक बौ चुनो जिस्सै बाकी मरजी पूरी हो जाऐ।

रोमियो 9:11 Mawu Ofanana

रोमियो 4:17

पबित्‍तर सास्तर मै लिखो है, “मैंनै तेकै भौस्सी जातिऔं को अब्बा ठैराओ है।” उस परमेसर की नजरौ मै जिसके ऊपर इब्राहिम नै बिसवास करो हो, जो मरे भएऔं कै जिन्‍दो करै है और जो चीज हैई ना, बौ परमेसर के कैनै सैई बन जावै है।

इफिसिऔ 2:3

एक बखत हो जब हम बी अपने सरीर की गलत इच्‍छाऔं के हिसाब सै दिन काटै हे, और सरीर और मन की मरजी कै पूरी कन्‍नै मै लगे रैहबै हे, और सबई लोगौ के हाँई सौभाब सैई हम बी परमेसर के घुस्सा के लायक हे।

इफिसिऔ 2:9

और नाई जौ किसी अच्‍छे करमौ को फल है, इसताँई कोई बी आदमी घमंड ना करै।

इफिसिऔ 3:11

परमेसर नै अपने मन मै जौ मकसद हमेसा सै रखर खाओ हो, बौ बानै हमरे परभु ईसु मसी के दुआरा पूरो करो।

1 थिसलुनीकियौ 1:4

ओ पियारे भईयौ और बहनौ, हम जानै हैं कै परमेसर तुमसै पियार करै है और बानै तुमकै चुन लओ है।

1 थिसलुनीकियौ 2:12

बैसेई हम तुम सबई कै बी उपदेस, और सान्‍ति देवै हैं, और समजाबै बी हैं कै तुमरो चाल-चलन परमेसर कै परसन्‍द आनै बारो होए, जो तुमकै अपने राज और महिमा मै बुलाबै है।

2 तीमुथियुस 1:9

बानै हमकै मुक्‍ति दई है और हमकै पबित्‍तर जिन्‍दगी जीनै के ताँई बुलाओ है, जौ सबई कुछ हमरे कामौ की बजै सै ना पर बा मकसद और किरपा की बजै सै भओ है। जौ बरकत हमकै जा दुनिया के बन्‍नै सै पैलेई ईसु मसी मै देर खाई है।

तीतुस 3:5

तौ बानै हमकै मुक्‍ति दई, और जौ हमरे धरम के कामौ के कारन ना, पर अपनी दया के अनुसार उसनै हमरी रक्छा उस इसनान के दुआरा करी जिसमै हम फिर पैदा होवै हैं और पबित्‍तर आत्‍मा के दुआरा नए बनाए जावै हैं।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

2 पतरस 1:10

इसताँई हे भईयौ, तुम जौ बात जाननै के ताँई हमेसा तईयार रौह, कै परमेसर नै तुमकै सच्‍ची मैई बुलाओ और चुनो है। कैसेकै अगर तुम इन बातौं कै करौ हौ तौ तुम कबी ठोकर ना खाऔगे।

परकासन 17:14

बे मैमना के संग लड़ाई करंगे, पर मैमना अपने बुलाए भए और चुने भए और बिसवासिऔ के संग उनकै हरा देगो। कैसेकै बौ राजाऔं को राजा और परभुऔं को परभु है।”