रोमियो 8:16 - बुक्सा

¹⁶ बौ आत्‍मा खुद हमरी आत्‍मा के संग मिलकै गभाई देवै है, कै हम परमेसर की औलाद हैं।

रोमियो 8:16 Mawu Ofanana

मत्‍ती 5:9

धन्‍न हैं बे, जो मेल करबाबै हैं, बे परमेसर की औलाद कैलांगे।

लूका 20:36

बे फिर मरनै के बी ना हैं, कैसेकै बे सुरगदूतौं के जैसे हौंगे, और मरे भए मै सै जी उठनै सै परमेसर की बी औलाद हौंगे।

यहून्‍ना 1:12

पर जितनौ नै बाकै अपनाओ, और जो लोग बाके नाम मै बिसवास करैं हैं, उन सबकै बानै परमेसर की औलाद होनै को हक दओ।

चेलौ के काम 5:32

जा बात के हम गभा हैं और बौ पबित्‍तर आत्‍मा बी है जिसकै परमेसर नै अपने हुकम माननै बारौ कै देर खाओ है।”

रोमियो 8:14

जो परमेसर की आत्‍मा के हिसाब सै चलैं हैं, बे परमेसर की औलाद हैं।

रोमियो 8:19

कैसेकै जौ दुनिया बड़ी आस के संग उस टैम को पैंड़ो देख रई ही, जब परमेसर की औलाद कै परकट करो जागो।

रोमियो 8:23

और ना सिरप बेई पर हम बी जिनकै आत्‍मा को पैलो फल मिलो है, खुदई अपने भीतर कैंखैं हैं। कैसेकै हम परमेसर की औलाद बन्‍नै को और अपने सरीर की मुक्‍ति पानै को पैंड़ो देख रए हैं।

रोमियो 8:26

इसी तरीका सै आत्‍मा बी हमरी कमजोरी मै सायता करै है, कैसेकै हम ना जानै हैं कै हम कैसे पिराथना करैं। पर आत्‍मा खुदई हमरे ताँई कैंखते भए बिनती करै है, जो बात हम बोलई ना सकैं हैं।

रोमियो 9:26

और, “जिस जघै बानै उनसै जौ कैई ही, ‘तुम मेरी परजा ना हौ।’ बाई जघै मै बे ‘जिन्‍दे परमेसर की औलाद कैलांगे।’”

रोमियो 9:8

यानी सरीर की औलाद परमेसर की औलाद ना हैं, बलकन परमेसर के बादे के अनुसार जो पैदा भए हैं बेई इब्राहिम की सच्‍ची औलाद हैं।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

2 कुरन्‍थियों 1:22

और बाई परमेसर नै हमरे ऊपर मौहर बी लगा दई है, और हमरे भीतर बियाने के रूप मै पबित्‍तर आत्‍मा बी दई है।

2 कुरन्‍थियों 5:5

जिसनै हमकै जा बात के ताँई तईयार करो है, बौ परमेसर है, और बानै हमकै बियाने मै पबित्‍तर आत्‍मा दई है।

गलातिऔ 3:26

मसी ईसु मै बिसवास कन्‍नै के दुआरा तुम सिगरे परमेसर की औलाद हौ।

गलातिऔ 4:6

तुम अब परमेसर की औलाद हौ, इसताँई परमेसर नै अपने लौंड़ा की आत्‍मा कै तुमरे दिल मै बसाओ है, जिस्सै कै तुम “हे अब्बा, हे पिता” कैह कै बुलाबौ हौ।

इफिसिऔ 1:13

तुम लोगौ नै सच्‍चाई को बचन अपनी मुक्‍ति की अच्‍छी खबर कै सुन्‍नै के बाद मसी मै बिसवास करो, और तुमरे ऊपर परमेसर नै मौहर के रूप मै पबित्‍तर आत्‍मा दओ जिसको बादो परमेसर नै करो हो।

इफिसिऔ 4:30

परमेसर की पबित्‍तर आत्‍मा कै दुखी मत करौ जिस्सै कै तुम्मै आजाद होनै के दिन के ताँई मौहर लगार खाई है।

1 यहून्‍ना 3:1

देखौ परम पिता परमेसर नै हम सै कितनो पियार करो है, कै हम बाकी औलाद कैलाए, और हम हैं बी। दुनिया हमकै ना जानै है, कैसेकै दुनिया नै परमेसर कै ना जानो।

1 यहून्‍ना 3:10

परमेसर की औलाद और दुसट की औलाद की पैचान जौ है, कै हर एक आदमी जो धरम के काम ना करै है, और अपने भईयौ सै पियार ना रक्‍खै है, बौ परमेसर की औलाद ना है।

1 यहून्‍ना 3:2

मेरे पियारे भईयौ, अब हम परमेसर की औलाद हैं, मगर जौ अबी तक परकट ना भओ है कै हम का बनंगे। हम इतनो जानै हैं कै जब परमेसर को लौंड़ा परकट होगो, तौ हम बाके जैसेई हो जांगे, कैसेकै हम बाकै बैसेई देखंगे जैसो बौ है।

1 यहून्‍ना 4:13

इसई सै हम जानै हैं कै हम बामै बने रैहबैं हैं, और बौ हम्मै, कैसेकै बानै अपनी आत्‍मा मै सै हमकै दओ है।

1 यहून्‍ना 5:10

जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।

परकासन 21:7

जो जीतैगो, बो उन सब चीजौ को मालिक बनैगो। मैं उसको परमेसर हौंगो और बौ मेरो लौंड़ा होगो।