रोमियो 7:23 - बुक्सा

²³ पर मैं अपने सरीर मै दूसरे नियम कै काम करते देखौ हौं जौ मेरी मन के नियम सै लड़ाई करै है, और जो मैंकै पाप के नियम सै बांध लेबै है जो मेरे सरीर मै है।

रोमियो 7:23 Mawu Ofanana

रोमियो 6:13

तुम अपने सरीर के अंगौ कै अधरम के औजारौं जैसे पाप के हवाले मत करौ, बलकन मरे भएऔं मै सै जी उठनै बारौं के जैसे परमेसर के हवाले कर दो। और अपने सरीर के अंगौ कै धरम के औजारौं के रूप मै परमेसर के हवाले कर दो।

रोमियो 6:19

मैंनै तुमकै जौ उदाहरन इसताँई दओ कैसेकै जौ बात समजनी तुमरे ताँई मुसकल है। जैसे तुमनै बुराई के ताँई अपने सरीर के अंगौ कै असुद्‍द और गलत कामौ को दास बनाओ, बैसेई अब तुम पबित्‍तर होनै के ताँई अपने सरीर के अंगौ कै धारमिकता को दास बनाओ।

रोमियो 7:14

कैसेकै हम जानै हैं कै नियम आत्‍मिक है, पर मैं सिरप एक आदमी हौं जिसकै पाप के हात मै बेच दओ है।

रोमियो 7:21

इसताँई मैं जौ नियम देखो हौं, कै जब मैं अच्‍छे कामौ कै कन्‍नो चाँहौ हौं, तौ मैंकै बुराई नजर आवै है।

रोमियो 7:25

अपने परभु ईसु मसी के दुआरा मैं परमेसर को धन्‍नबाद करौ हौं। इसताँई मैं अपने मन सै तौ परमेसर के नियम को, पर सरीर सै पाप के नियम सै गुलाम हौं।

रोमियो 7:5

कैसेकै जब हम आदमी के सौभाब मै जी रए हे, उस बखत नियम के बजै सै पाप की इच्‍छा आवै ही, बौ मौत को फल पैदा कन्‍नै के ताँई हमरे सरीर के अंगौ मै काम करै ही।

रोमियो 8:2

कैसेकै आत्‍मा के नियम नै, जो ईसु मसी दुआरा जिन्‍दगी देवै है, मैंकै पाप के नियम और मौत सै आजाद करो है।

गलातिऔ 5:17

कैसेकै सरीर की इच्‍छा आत्‍मा के बिरोद मै है, और आत्‍मा की इच्‍छा सरीर के बिरोद मै है। जे दौनौ आपस मै बिरोदी हैं। इसताँई कै जो तुम कन्‍नो चाँहौ हौ, बाकै ना कर पावौ हौ।

इबरानिओ 12:4

तुमनै पाप सै लड़ते भए ऐंसो मुकाबलो ना करो है कै तुमरो खून बैहओ होए।

याकूब 3:2

इसताँई कै हम सै भौस्सी बातौं मै गलती हो जावै हैं। जो कोई बोलनै मै गलती ना करै है, तौ बौ सिद्‍द है; और बौ अपने सिगरे सरीर कै बस मै कर सकै है।

याकूब 4:1

तुमरे बीच मै लड़ाई और बैहसबाजी की बजै का है? कहीं जौ तुमरे भीतर की बुरी इच्‍छा की बजै सै तौ ना है?

1 पतरस 2:11

पियारे भईयौ, तुम परदेसी और यातरी हौ इसताँई मैं तुमसै बिनती करौ हौं कै तुम अपने सरीर की बुरी इच्‍छा सै बचे रौह जो आत्‍मा के बिरोद मै लड़ाई के ताँई उठै हैं।