रोमियो 7:18 - बुक्सा

¹⁸ कैसेकै मैं जानौ हौं कै मेरे भीतर यानी मेरे सरीर मै कोई बी अच्‍छी चीज ना बसै है। अच्‍छे काम कन्‍नै की इच्‍छा तौ मेरे भीतर है पर अच्‍छे काम मैंसै ना होवै हैं।

रोमियो 7:18 Mawu Ofanana

मत्‍ती 15:19

कैसेकै बुरे बिचार, कतल, पराई बईयर के संग गलत काम और जुलम, चोरी, झूँटी गभाई और चुगली जे सब मन सैई लिकरै हैं।

लूका 11:13

जब तुम बुरे होते भए बी, अपने बालकौ कै अच्‍छी चीज दैनो चाँहौ हौ, तौ तुमरो सुरग मै रैहनै बारो पिता अपने माँगनै बारौ कै सबसै अच्‍छो ईनाम पबित्‍तर आत्‍मा काए ना देगो?”

यहून्‍ना 3:6

कैसेकै जो सरीर सै जलमो है बौ सरीर है, और जो आत्‍मा सै जलमो है बौ आत्‍मा है।

रोमियो 13:14

बलकन परभु ईसु मसी कै अपने भीतर बसालो, और अपने सरीर की इच्‍छाऔं कै पूरो कन्‍नै मै मत लगे रैहऔ।

रोमियो 7:15

मैं ना जानौ हौं कै मैं का कर रओ हौं कैसेकै मैं जो कन्‍नो चाँहौ हौं, बौ ना करौ हौं, बलकन जिस्सै मैंकै नफरत होवै है मैं बौई करतो आ रओ हौं।

रोमियो 7:19

कैसेकै जो अच्‍छे काम मैं कन्‍नो चाँहौ हौं, मैं ना कर पावौं हौं बलकन जो मैं ना कन्‍नो चाँहौ हौं, बेई बुरे काम मैं करौ हौं।

रोमियो 7:25

अपने परभु ईसु मसी के दुआरा मैं परमेसर को धन्‍नबाद करौ हौं। इसताँई मैं अपने मन सै तौ परमेसर के नियम को, पर सरीर सै पाप के नियम सै गुलाम हौं।

रोमियो 7:5

कैसेकै जब हम आदमी के सौभाब मै जी रए हे, उस बखत नियम के बजै सै पाप की इच्‍छा आवै ही, बौ मौत को फल पैदा कन्‍नै के ताँई हमरे सरीर के अंगौ मै काम करै ही।

गलातिऔ 5:17

कैसेकै सरीर की इच्‍छा आत्‍मा के बिरोद मै है, और आत्‍मा की इच्‍छा सरीर के बिरोद मै है। जे दौनौ आपस मै बिरोदी हैं। इसताँई कै जो तुम कन्‍नो चाँहौ हौ, बाकै ना कर पावौ हौ।

गलातिऔ 5:24

और जो लोग मसी ईसु के हैं, उनौनै अपने सरीर कै गहरी इच्‍छा और बुरी इच्‍छा के संग कुरूस मै चढ़ा दओ है।

फिलिप्‍पीऔ 2:13

और जैसो परमेसर कै अच्‍छो लगो है बैसेई बौ उन बातौं कै पूरो कन्‍नै के ताँई इच्‍छा और तागत तुमरे भीतर पैदा करै है।

फिलिप्‍पीऔ 3:12

इसको जौ मतलब ना है, कै मैं अपनो मकसद पूरो कर चुको, या सिद्‍द हो चुको हौं, पर बा मकसद कै पूरो कन्‍नै के ताँई अग्गे बढ़तो जाबौ हौं, जिसके ताँई मसी ईसु नै मैंकै अपनो बनाओ है।

तीतुस 3:3

कैसेकै हम बी पैले, मूरख और आगियाँ ना माननै बारे, और भरम मै पड़े भए और हर तरै की बुरी बासनाऔ और सुकबिलास के गुलाम हे, बैरभाव, जरन और नफरत कन्‍नै मै जिन्‍दगी बिता रए हे, हम सै लोग नफरत करै हे, और हम बी एक दूसरे सै बैर रक्‍खै हे।

1 पतरस 4:2

ताकि अग्गे की जो जिन्‍दगी बची है बाकै लालच और पापी आदमी के हाँई ना पर जैसो परमेसर चाँहै है, बैसेई जीऐं।