रोमियो 7:15 - बुक्सा

¹⁵ मैं ना जानौ हौं कै मैं का कर रओ हौं कैसेकै मैं जो कन्‍नो चाँहौ हौं, बौ ना करौ हौं, बलकन जिस्सै मैंकै नफरत होवै है मैं बौई करतो आ रओ हौं।

रोमियो 7:15 Mawu Ofanana

लूका 11:48

इस्सै तुम जौ दिखाबौ हौ कै अपने बाप-दादौं के कामौ मै सामिल हौ; कैसेकै उनौनै तौ बे मार डारे और तुम उनकी कबर बनाबौ हौ।

यहून्‍ना 15:15

अब सै मैं तुमकै गुलाम ना कैंगो, कैसेकै गुलाम ना जानै है कै बाको मालिक का करै है, पर मैंनै तुमकै दोस्त कैई है, कैसेकै बे सब बात जो मैंनै अपने अब्बा सै सुनी हैं तुमकै बता दंई हैं।

रोमियो 12:9

तुमरो पियार सच्‍चो हो। बुराई सै तुम नफरत करौ, और भलाई सै जुड़े रौह।

रोमियो 14:22

अपने बिसवास कै परमेसर और अपनेई बीच मै रख। धन्‍न है बौ, जो जिन बातौं कै ठीक समजै है, उन बातौं की बजै सै खुद कै दोसी ना ठैराऐ।

रोमियो 7:16

और अगर मैं बौई करौ हौं, जो मैं ना कन्‍नो चाँहौ हौं, तौ मैं मानौ हौं कै नियम अच्‍छो है।

गलातिऔ 5:17

कैसेकै सरीर की इच्‍छा आत्‍मा के बिरोद मै है, और आत्‍मा की इच्‍छा सरीर के बिरोद मै है। जे दौनौ आपस मै बिरोदी हैं। इसताँई कै जो तुम कन्‍नो चाँहौ हौ, बाकै ना कर पावौ हौ।

2 तीमुथियुस 2:19

पर कुछ बी होए परमेसर की बुनियाद पक्‍की और मजबूत है और बामै जौ लिखो पड़ो है कै, “परभु अपने लोगौ कै जानै है।” और जो ऐंसो कैबै हैं कै, “मैं परभु को हौं, तौ बाकै बुरे काम सै बचकै रैहनो चँईऐ।”

इबरानिओ 1:9

तैनै नेक कामौ सै पियार और बुरे कामौ सै दुसमनी रक्‍खी है। इस बजै सै परमेसर, तेरे परमेसर नै तेकै चुनो और तेरे सातिऔं सै जादा तेकै आदर दओ जिस्सै कै तू खुसी मनाऐ।”

याकूब 3:2

इसताँई कै हम सै भौस्सी बातौं मै गलती हो जावै हैं। जो कोई बोलनै मै गलती ना करै है, तौ बौ सिद्‍द है; और बौ अपने सिगरे सरीर कै बस मै कर सकै है।

यहूदा 1:23

दूसरे लोगौ कै नरक की आग सै खैंच कै बचाऔ और डर के संग औरौं के ऊपर दया करौ; पर जो लोग सरीर की बुरी इच्‍छाऔं के हिसाब सै चलै हैं उनके लत्‍तौ सै बी नफरत करौ जिनके गलत कामौ के दाग उनके लत्‍तौ के ऊपर दिखाई देवै हैं।