18 तुम पाप सै आजाद करे गए हौ और धारमिकता के दास बन गए हौ।
“परभु की आत्मा मैं मैई समाई है और उसनै मैंकै चुनो है जिस्सै मैं गरीबौ कै अच्छी खबर सुनाऔं। और मैं इसताँई भेजो गओ हौं कै कैदिऔ कै छुटकारे को और अन्धौ कै देखनै की अच्छी खबर बताऔं और दबे भएऔं कै छुड़ाऔं
और तुम सच्चाई कै जानौगे और बौ सच्चाई तुमकै आजाद करैगी।”
अगर लौंड़ा तुमकै आजाद करैगो तौ तुम सचमुच आजाद हो जाऔगे।
तुम लोगौ के ऊपर पाप को कोई हक ना रैहगो, कैसेकै अब तुम नियम के बस मै ना हौ बलकन परमेसर की किरपा के बस मै हौ।
मगर अब तुम पाप सै आजाद होकै परमेसर के दास बन गए हौ। और तुमकै फल मिलैगो बौ तुमकै सुद्द बनागो उसको अन्त को फल हमेसा की जिन्दगी है।
कैसेकै जो मर गओ है, बौ पाप की गुलामी सै आजाद हो गओ है।
कैसेकै आत्मा के नियम नै, जो ईसु मसी दुआरा जिन्दगी देवै है, मैंकै पाप के नियम और मौत सै आजाद करो है।
मसी नै हमकै आजाद कर दओ है, जिस्सै हम आजादी पांऐ। इसताँई बिसवास मै पक्के रौह और तुम फिर सै गुलामी मै ना दबिओ।
आजाद आदमी के हाँई जिऔ पर अपनी आजादी कै बुरे कामौ कै छिपानै के ताँई अपनो साधन ना बनाऔ बलकन परमेसर के दास के हाँई जिन्दगी जिऔ।
