रोमियो 6:16 - बुक्सा

¹⁶ का तुम जौ ना जानौ हौ कै जब तुम किसी की आगियाँ माननै के ताँई अपने आपकै दासौं के हाँई सौंप देवौ हौ। तौ तुम उसई के दास हौ। फिर चाँहे तुम पाप के दास बनौ, जो तुमकै मौत की ओर ले जागो। चाँहे परमेसर की आगियाँ माननै बारे दास बनौ, जो तुमकै धारमिकता की ओर ले जागी।

रोमियो 6:16 Mawu Ofanana

मत्‍ती 20:4

तब उसनै उनसै कैई, ‘तुम बी मेरे अंगूर के बगीचा मै जाऔ, मैं तुमकै ठीक ठाक डिहाड़ी दे दंगो’ और बे बहाँ काम कन्‍नै चले गए।

मत्‍ती 6:24

“कोई बी एक संग दो मालिकौं की सेवा ना कर सकै है, बौ या तौ एक सै बैर और दूसरे सै पियार करैगो, या एक को आदर और दूसरे की बेजती करैगो, तुम परमेसर और धन दौनौ की सेवा एक संग ना कर सकौ हौ।

यहून्‍ना 8:34

ईसु नै उनकै जबाब दओ, “मैं तुमसै सच-सच कैबौ हौं, जो कोई पाप करै है बौ पाप को गुलाम है।

रोमियो 11:2

परमेसर नै अपने लोगौ कै ना छोड़ो, जिनकै बानै पैलेई सै चुनो हो। और का तुम ना जानौ हौ, कै पबित्‍तर सास्तर एलिया के बारे मै का कैबै है, कै एलिया ईसराइल के खिलाप परमेसर सै पिराथना कर रओ हो।

रोमियो 12:1

इसताँई हे भईयौ, परमेसर की दया कै याद करबाकै मैं तुमसै बिनती करौ हौं, कै अपने सरीर कै जिन्‍दो, पबित्‍तर और जैसो परमेसर कै अच्‍छो लगै है बैसो बलिदान करकै चढ़ाऔ, और जौई तुमरे ताँई सई सेवा है।

रोमियो 6:17

पर परमेसर को धन्‍नबाद हो, कै तुम जो पाप के दास हे, तौबी तुम मन सै उस सिक्‍छा मै चलल लगे, जो तुमकै देई गई हैं।

1 कुरन्‍थियों 3:16

का तुम जौ बात ना जानौ हौ कै तुम परमेसर के मन्‍दर हौ और परमेसर को आत्‍मा तुम्मै रैहबै है?

1 कुरन्‍थियों 5:6

तुमरो घमंड कन्‍नो ठीक ना है। का तुम जौ ना जानौ हौ, कै थोड़ो सो बासी चून सिगरे नए माड़े भए चून कै खट्‍टो बना देवै है।

1 कुरन्‍थियों 6:2

का तुम जौ ना जानौ हौ कै, परमेसर के पबित्‍तर लोग जा दुनिया को फैसला करंगे? जब तुमकै जा दुनिया को फैसला कन्‍नो है, तौ का तुम छोटे से छोटी लड़ाईऔं को बी फैसला कन्‍नै के लायक ना हौ?

1 कुरन्‍थियों 6:3

का तुम जौ ना जानौ हौ कै, हम सुरगदूतौं को बी फैसला करंगे? तौ का हम जा दुनिया की बातौं को फैसला कन्‍नै के लायक ना हैं?

1 कुरन्‍थियों 6:9

का तुम जौ ना जानौ हौ कै बुरे काम कन्‍नै बारे परमेसर के राज के बारिस ना हौंगे? धोको ना खाऔ: कुकरम कन्‍नै बारे, मूरती पूजा कन्‍नै बारे, बईयरौं के संग गलत काम कन्‍नै बारे, आदमी आदमी के संग गलत काम कन्‍नै बारे,

1 कुरन्‍थियों 9:13

का तुम ना जानौ हौ? कै मन्‍दर मै काम कन्‍नै बारौं कै रोटी मन्‍दर मैई सै मिलै है। बेदी की सेवा कन्‍नै बारे बेदी के चढ़ाबे मै हिस्सेदार हैं।

1 कुरन्‍थियों 9:24

का तुम लोग जौ ना जानौ हौ कै दौड़ मै तौ सबई भाजै हैं, पर ईनाम सिरप एकई आदमी कै मिलै है? तुम बी ऐंसे भाजौ कै जीत तुमरी हो।

2 पतरस 2:19

बे उनकै आजाद होनै के ताँई बादो करै हैं, पर बे खुद पाप के दास हैं कैसेकै जो आदमी जिस्सै हार गओ बौ बाको दास बन जावै है।