रोमियो 5:17 - बुक्सा

¹⁷ अगर एक आदमी की गलती के कारन, मौत नै उस एकई के दुआरा राज करो, तौ उस्सै बढ़कै बी जो लोग परमेसर के किरपा और धारमिकता के बरदान कै जादा सै जादा पावै हैं, उस एकई ईसु मसी के दुआरा जिन्‍दगी मै राज करंगे।

रोमियो 5:17 Mawu Ofanana

मत्‍ती 25:34

“तब राजा अपने खाने हात बारे लोगौ सै कैगो, हे मेरे अब्बा के धन्‍न लोगौ, आऔ और उस राज के हकदार बन जाऔ, जो दुनिया के सुरू सैई तुम लोगौ के ताँई तईयार करो गओ है।

यहून्‍ना 10:10

चोर सिरप चोरी कन्‍नै, हत्‍तिया कन्‍नै और नास कन्‍नै आवै है। मैं इसताँई आओ हौं कै बे भरपूर जिन्‍दगी पा सकैं।

रोमियो 5:12

एकई आदमी के दुआरा दुनिया मै पाप आओ और पाप के दुआरा मौत और ऐंसे मौत सब आदमिऔ मै फैल गई, कैसेकै सबनै पाप करौ हो।

रोमियो 5:15

पर परमेसर को बरदान आदम की गलती के जैसो ना हो। कैसेकै जब एक आदमी की गलती के बजै सै भौस्से मर गए, तब उस्सै बी जादा परमेसर के किरपा और ईसु मसी के किरपा को बरदान भौतौं कै मिलो है।

रोमियो 5:20

नियम इसताँई आओ कै पाप बढ़ सकै। मगर जहाँ पाप बढ़ो, बहाँ परमेसर की किरपा और बी जादा बढ़ी।

रोमियो 6:14

तुम लोगौ के ऊपर पाप को कोई हक ना रैहगो, कैसेकै अब तुम नियम के बस मै ना हौ बलकन परमेसर की किरपा के बस मै हौ।

रोमियो 6:23

पाप की डिहाड़ी तौ मौत है, मगर परमेसर को बरदान हमरे परभु ईसु मसी मै हमेसा की जिन्‍दगी है।

रोमियो 8:39

ना ऊपर ना नीचे, और ना दुनिया की कोई बी चीज हमकै परमेसर के उस पियार सै दूर ना कर सकै है, जो हमकै परभु ईसु मसी सै मिलै है।

1 कुरन्‍थियों 15:49

जैसो हमनै मट्‍टी सै बनो भओ आदमी को रूप पाओ। बैसेई जो सुरग सै आओ हम बाको रूप बी पांगे।

1 कुरन्‍थियों 4:8

तुमकै बे सिगरी चीज मिल गंई, जो तुमकै चँईऐ हीं। तुम सेट हो गए हौ, हमरे बिना तुम राजा बन गए हौ। कितनो अच्‍छो होतो अगर तुम सच्‍ची मैई राजा बन जाते तौ हम बी तुमरे संग राज करते।

फिलिप्‍पीऔ 3:9

और बाके संग पूरी तरै सै एक हो जांऔ; मेरी बा धारमिकता सै ना जो नियम कै माननै सै मिलै है, पर बा धारमिकता सै जो मसी मै बिसवास कन्‍नै सै मिलै है, जो परमेसर की ओर सै आवै है, जो बिसवास मै टिकी है।

1 तीमुथियुस 1:14

और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।

2 तीमुथियुस 2:12

अगर हम सबर बी रखै हैं और बाके संग दुख बी उठाबै हैं, तौ हम बाके संग राज बी करंगे। और अगर हम बाकै पैचान्‍नै सै मनैह करै हैं, तौ बौ बी हमकै पैचान्‍नै सै मनैह करैगो।

याकूब 2:5

हे मेरे पियारे भईयौ सुनौ; का परमेसर नै जा दुनिया के गरीब लोगौ कै ना चुनो कै बे बिसवास मै पक्‍के और मसी के राज के अधकारी हौं, जिसको बादो बानै अपने पियार कन्‍नै बारौ से करो है?

1 पतरस 2:9

पर तुम एक चुनो भओ बंस, राज कन्‍नै बारे बड़े पुजारी को समाज, पबित्‍तर लोग, और परमेसर के अपने लोग हौ। इसताँई तुम परमेसर की अच्‍छाई के बारे मै बोलौ, जिसनै तुमकै इन्धेरे सै अपनी एक अनौखी जोती मै बुलाओ है।

परकासन 1:6

उसनै हमकै अपने पिता परमेसर के ताँई राज और पुजारिऔं को समू बनाओ, उसई की महिमा और पराकरम युगौं-युगौं तक रैह। ऐंसोई होए।

परकासन 20:4

फिर मैंनै सिंगासनौ कै देखो जिनमै कुछ लोग बैठे हे। उन लोगौ कै नियाय कन्‍नै को अधकार देओ गओ हो, और मैंनै उन लोगौ की आत्‍माऔ कै बी देखो, जिनकी खोपड़ी ईसु की गभाई दैनै और परमेसर के बचन के कारन काटी गंई हीं। और जिनौनै उस जनाबर या उसकी मूरती की कबी पूजा ना करी ही, और अपने हातौ या माथे मै उसको निसान ना लगाओ हो। बे फिर सै जिन्‍दे हो गए और उनौनै मसी के संग एक हजार बरस तक राज करो।

परकासन 20:6

बौ धन्‍न और पबित्‍तर है जो पैले जी उठनै मै सामिल हो रओ है। इन आदमिऔ मै दूसरी मौत को कोई अधकार ना मिलैगो। बलकन बे तौ परमेसर और मसी के अपने पुजारी हौंगे और उसके संग एक हजार बरस तक राज करंगे।

परकासन 22:5

बहाँ फिर कबी रात ना होगी, उनकै दिया या सूरज के उज्‍जेरे की जरूरत ना होगी, कैसेकै परभु परमेसर अपनो उज्‍जेरो उनकै देगो, और बे हमेसा के ताँई राज करंगे।

परकासन 3:21

“जो जीत जागो उसकै मैं अपने संग अपने सिंगासन मै बैठांगो, जैसे मैं बी जीत पाकै अपने अब्बा के संग बाके सिंगासन मै बैठ गओ।