रोमियो 5:14 - बुक्सा

¹⁴ आदम आनै बारे मसी को चिन्‍न हो मगर आदम सै लेकै मूसा के टैम तक मौत सबके ऊपर राज करती रैहई। और बैसेई उनके ऊपर बी राज करो जिनौनै आदम के जैसे आगियाँ तोड़कै पाप ना करो।

रोमियो 5:14 Mawu Ofanana

रोमियो 5:12

एकई आदमी के दुआरा दुनिया मै पाप आओ और पाप के दुआरा मौत और ऐंसे मौत सब आदमिऔ मै फैल गई, कैसेकै सबनै पाप करौ हो।

रोमियो 5:17

अगर एक आदमी की गलती के कारन, मौत नै उस एकई के दुआरा राज करो, तौ उस्सै बढ़कै बी जो लोग परमेसर के किरपा और धारमिकता के बरदान कै जादा सै जादा पावै हैं, उस एकई ईसु मसी के दुआरा जिन्‍दगी मै राज करंगे।

रोमियो 5:21

ताकि जैसे मौत के दुआरा पाप नै राज करो, ठीक बैसेई हमरे परभु ईसु मसी के दुआरा हमेसा की जिन्‍दगी लानै के ताँई परमेसर के किरपा नै धारमिकता के दुआरा राज करो।

रोमियो 8:20

कैसेकै सिगरी दुनिया बेकार बन गई, और जौ दुनिया की मरजी सै ना पर परमेसर की मरजी सै भओ। फिर बी एक उमीद ही,

रोमियो 8:22

कैसेकै हम जानै हैं कै आज तक सिगरी दुनिया बालक जननै बारे दरद सै कैंखै है।

1 कुरन्‍थियों 15:22

कैसेकै हम सबई आदम सै हैं और मौत हमकै बाई सै मिली है, और बैसेई मसी के दुआरा सबई कै फिर सै जिन्‍दो करो जागो।

1 कुरन्‍थियों 15:45

पबित्‍तर सास्तर मै लिखो है, “पैलो आदमी आदम एक जिन्‍दो आदमी बनो, पर आखरी आदम जो मसी है बौ जिन्‍दगी दैनै बारो आत्‍मा है।”

इबरानिओ 9:27

और जैसे आदमिऔ के ताँई एक दफै मरनो और बाके बाद नियाय को होनो पक्‍को है,