रोमियो 3:30 - बुक्सा

³⁰ परमेसर एकई है। इसताँई जिनको खतना भओ है उनकै बिसवास के दुआराई धरमी ठैरागो, और जो गैर यहूदी हैं उनकै बी बिसवास के दुआराई धरमी ठैरागो।

रोमियो 3:30 Mawu Ofanana

रोमियो 2:26

इसताँई बिना खतना बारो गैर यहूदी आदमी अगर नियम मै चलै है, तौ का बाकी बिना खतना की हालत खतना के बराबर ना गिनी जागी?

रोमियो 2:27

पर जो आदमी सरीर सै बिना खतना बारो है, अगर बौ नियम कै पूरो करै है, तौ बौ तुमकै दोसी ठैरागो, कैसेकै लिखित नियम और खतना होनै के बाद बी तुम नियम कै तोड़ौ हौ।

रोमियो 3:22

ईसु मसी मै बिसवास कन्‍नै सै परमेसर सबई बिसवासी लोगौ कै धरमी बनाबै है। इसमै कोई फरक ना है।

रोमियो 3:28

कैसेकै हम मानै हैं कै आदमी नियम के कामौ सै ना, पर बिसवास सै धरमी ठैराओ जावै है।

रोमियो 4:16

इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

रोमियो 4:9

तौ का जौ आसीस खतना बारौ केई ताँई है या उनके ताँई बी है, जिनको खतना ना भओ है? कैसेकै हम कैबै हैं, कै इब्राहिम नै बिसवास करो और बौ धरमी गिनो गओ।

गलातिऔ 3:20

और बिचौंदिया की जरूरत तब है जब एक सै जादा पक्‍छ हौं, पर परमेसर तौ एकई है।

गलातिऔ 3:28

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।

गलातिऔ 3:8

पबित्‍तर सास्तर मै जौ बात पैलेई सै लिखी भई है कै, “परमेसर सिगरी जाति के लोगौ कै बिसवास के दुआरा धरमी ठैरागो।” इसताँई पैले परमेसर नै इब्राहिम कै अच्‍छी खबर सुनाई, और कैई कै तेरे दुआरा दुनिया की सैरी जातिऔं कै आसीस मिलैगी।

गलातिऔ 5:6

पर मसी ईसु के संग रिस्ता रखनै के ताँई खतना होनो या खतना ना होनो दौनौ की कुछ ऐहमियत ना है, ऐहमियत सिरप बिसवास की है, जो पियार के दुआरा काम करै है।

गलातिऔ 6:15

कैसेकै ना तौ खतना को कुछ मतलब है और ना बगैर खतना को, और मतलब है तौ बौ जा बात को कै का हम नई रचना बने हैं या ना।

फिलिप्‍पीऔ 3:3

कैसेकै हम जो सच्‍ची आत्‍मा सै परमेसर की बड़ाई करै हैं, हमई सच्‍चे खतना बारे हैं और हम सरीर की बातौं मै ना पर मसी ईसु मै गर्ब करै हैं।

1 तीमुथियुस 2:5

कैसेकै परमेसर एकई है और परमेसर और आदमी के बीच मै एकई बिचौंदिया है, और बौ आदमी ईसु मसी है।