रोमियो 3:27 - बुक्सा

²⁷ तौ फिर घमंड कन्‍नो कहाँ रैहओ? बौ तौ खतम हो गओ। पर किस बजै सै? का करमौं के बजै सै? ना! पर बिसवास के नियम सै।

रोमियो 3:27 Mawu Ofanana

मरकुस 16:16

जो बिसवास करै और जल संस्कार लै उनकै मुक्‍ति मिलैगी, पर जो बिसवास ना करै बौ दोसी ठैराओ जागो।

यहून्‍ना 3:36

जो लौंड़ा मै बिसवास करै है, हमेसा की जिन्‍दगी बाई की है, पर बौ जो लौंड़ा की ना मानै है बाकै जिन्‍दगी ना मिलैगी, और परमेसर को घुस्सा बाके ऊपर बनो रैहगो।

रोमियो 10:5

कैसेकै मूसा नै जौ लिखो है कै जो आदमी उस धारमिकता मै चलैगो जो नियम सै है, तौ इन नियमौ की आगियाँ माननै सै बौ जिन्‍दो रैहगो।

रोमियो 11:6

और अगर जौ परमेसर के किरपा सै भओ है, तौ जौ हमकै काम सै ना मिलो है अगर काम सै मिलतो तौ किरपा, किरपा ना रैहती।

रोमियो 2:17

अगर तू यहूदी कैलाबै है, और नियम मै भरोसो रक्‍खै है, और परमेसर के बारे मै घमंड करै है।

रोमियो 2:23

तू जो नियम के बारे मै घमंड करै है, तौ नियम कै तोड़कै परमेसर की बेजती काए करै है?

रोमियो 3:19

हम जानै हैं कै नियम जो कुछ कैबै है, बौ उनई लोगौं सै कैबै है जो नियम कै मानै हैं, इसताँई कै हर एक मौह बन्‍द करो जा सकै और सैरी दुनिया के लोगौं कै परमेसर के सामने अपनो अपनो हिसाब देनो होगो।

रोमियो 3:26

जौ उसनै इसताँई करो कै इस टैम मै उसकी धारमिकता परकट होए, कै जिस्सै बौ खुद बी धरमी ठैरै, और जो ईसु के ऊपर बिसवास करै है, उसकै बी धरमी ठैरानै बारो हो।

रोमियो 4:2

कैसेकै अगर इब्राहिम अपने करमौ के बजै सै धरमी ठैराओ गओ, तौ बौ अपने ऊपर घमंड कर सकै है। मगर बौ परमेसर के सामने ऐंसो ना कर सकै है।

रोमियो 7:21

इसताँई मैं जौ नियम देखो हौं, कै जब मैं अच्‍छे कामौ कै कन्‍नो चाँहौ हौं, तौ मैंकै बुराई नजर आवै है।

रोमियो 7:23

पर मैं अपने सरीर मै दूसरे नियम कै काम करते देखौ हौं जौ मेरी मन के नियम सै लड़ाई करै है, और जो मैंकै पाप के नियम सै बांध लेबै है जो मेरे सरीर मै है।

रोमियो 7:25

अपने परभु ईसु मसी के दुआरा मैं परमेसर को धन्‍नबाद करौ हौं। इसताँई मैं अपने मन सै तौ परमेसर के नियम को, पर सरीर सै पाप के नियम सै गुलाम हौं।

रोमियो 8:2

कैसेकै आत्‍मा के नियम नै, जो ईसु मसी दुआरा जिन्‍दगी देवै है, मैंकै पाप के नियम और मौत सै आजाद करो है।

रोमियो 9:11

तौ बालकौ के पैदा होनै सै पैले और उनको कुछ बी भलो बुरो कन्‍नै सै पैले परमेसर नै उनके करमौ के अनुसार ना छाँटो पर परमेसर नै अपनी मरजी सै एक बौ चुनो जिस्सै बाकी मरजी पूरी हो जाऐ।

रोमियो 9:31

मगर ईसराइल के लोग जो ऐंसे नियम मै चलनो चाँहै हे जो उनकै धरमी बनाबै है, बे उसके अनुसार ना जी सके।

रोमियो 9:32

ऐंसो काए भओ? कैसेकै ईसराइली बिसवास सै ना, बलकन अपने करमौ सै पानै की कोसिस कर रए हे, उनौनै उस पत्‍थर सै ठोकर खाई, जो “ठोकर को पत्‍थर” है।

1 कुरन्‍थियों 4:7

कौन कैबै है कै तू दूसरौं सै जादा अच्‍छो है? और जो कुछ बी तेरे धौंरे है, बौ सिगरो परमेसर की ओर सै देर खाओ है। जो बी तेकै देर खाओ है तौ तू बाके ऊपर घमंड काए करै है, जैसे कै मानौ तुमकै दओई ना होए?

गलातिऔ 2:16

पर हम जौ बात जानै हैं कै आदमी नियम के काम सैई धरमी ना ठैरै है, पर ईसु मसी मै बिसवास कन्‍नै के दुआराई धरमी ठैरै है। इसताँई हम मसी ईसु मै बिसवास करै हैं, और बिसवास कन्‍नै की बजै सै मसी हमकै धरमी ठैरागो, ना कै नियम के काम की बजै सै। कैसेकै कोई बी आदमी नियम के काम कन्‍नै की बजै सै धरमी ना ठैराओ जा सकै है।

गलातिऔ 3:22

पर पबित्‍तर सास्तर जौ कैबै है कै जौ सिगरी दुनिया पाप की गुलाम है। जिस्सै कै जो बरदान को बादो ईसु मसी मै बिसवास कन्‍नै के दुआरा दओ जावै है, बौ बिसवास कन्‍नै बारौ कै मिलै।