25 परमेसर नै अपनो नियाय कै दिखानै के ताँई ईसु मसी कै बलि होनै के ताँई दओ जिस्सै उसकी मौत के ऊपर बिसवास कन्नै सै लोगौ कै पाप की माफी मिलै। कैसेकै परमेसर नै अपने सबर के बजै सै लोगौ के पैले करे भए पापौं की सजा ना दई।
बासी खट्टो चून कै लिकार फैंकौ, जिस्सै कै तुम नए माड़े भए चून के हाँई सुद्द बन जाऔ, जैसे तुम हकिकत मै हौ, कैसेकै मसी फसै को मैमना है, जिसको बलिदान करो गओ है।
बिसवास की बजै सैई जब परमेसर इब्राहिम कै परख रओ हो तौ बानै अपने लौंड़ा इसहाक कै बलि चढ़ानै के ताँई दे दओ और जिस इब्राहिम नै बादेऔ कै पाओ हो बौई अपने एकई लौंड़ा की बलि चढ़ानै के ताँई तईयार हो।
बिसवास की बजै सैई परमेसर नै नूह कै जब उन बातौं की चितौनी दई जो नूह नै ना देखी ही, तब बानै बातौं कै मानकै अपने टब्बर कै बचानै के ताँई एक पानी को जिहाज बनाओ। बाके बिसवास के दुआरा बानै दुनिया कै दोसी ठैराओ और बा बिसवास सैई बौ धारमिकता को बारिस बनो।
बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।
पियार की पैचान जौ है कै हमनै पैले परमेसर कै ना, बलकन परमेसर नै हम सै पियार करो है और हमरे पापौं कै मिटानै के ताँई बानै अपनो लौंड़ा बलि होनै के ताँई भेजो।
ईसु मसी की ओर सै जो बिसवासजोग गभाई, मरे भएऔं मै सै पैलो जी उठनै बारो और धरती के राजाऔं को राजा है, तुमकै किरपा और सान्ति मिलती रैह। बौ जो हम सै पियार रक्खै है, और बानै अपने खून के दुआरा हमरे पापौं सै हमकै छुड़ाओ है।
बे जौ नओ गीत गाल लगे, “तू इस किताब कै लैनै और इसकी मौहर खोलनै के लायक है, कैसेकै तैनै बलि होकै अपने खून सै हर एक गोत और भासा और लोग और जाति मै सै परमेसर के ताँई लोग मोल लए हैं।