जब उनौनै परमेसर को सच्चो गियान पानो सई ना समजो, तौ परमेसर नै बी उनकै जो ना सोचनो चँईऐ, बौई सोचनै के ताँई और जो ना कन्नो चँईऐ बौई कन्नै के ताँई छोड़ दए।
हम जानै हैं कै नियम जो कुछ कैबै है, बौ उनई लोगौं सै कैबै है जो नियम कै मानै हैं, इसताँई कै हर एक मौह बन्द करो जा सकै और सैरी दुनिया के लोगौं कै परमेसर के सामने अपनो अपनो हिसाब देनो होगो।
तौ फिर का भओ? का हम यहूदी लोग गैर यहूदी लोगौ सै अच्छे हैं? बिलकुल ना, कैसेकै हमनै जौ दिखार खाओ है कै चाँहे हम यहूदी हौं या गैर यहूदी सबके सब पाप के बस मै हैं।
पर पबित्तर सास्तर जौ कैबै है कै जौ सिगरी दुनिया पाप की गुलाम है। जिस्सै कै जो बरदान को बादो ईसु मसी मै बिसवास कन्नै के दुआरा दओ जावै है, बौ बिसवास कन्नै बारौ कै मिलै।
बैसेई हम तुम सबई कै बी उपदेस, और सान्ति देवै हैं, और समजाबै बी हैं कै तुमरो चाल-चलन परमेसर कै परसन्द आनै बारो होए, जो तुमकै अपने राज और महिमा मै बुलाबै है।
इसताँई जब तक परमेसर की ठैराई भई आराम कन्नै की जघै मै जानै को बादो अबी बी बनो भओ है तब तक हमकै चौकस रैहनो चँईऐ जिस्सै कै कोई बी आदमी बा बादे सै छुट ना जाऐ।
मैं बी एक बिसवासिऔ की मंडली को मुखिया हौं और मसी के दुखौ को गभा हौं; बाकी आनै बारी महिमा मै साजेदार हौं और तुमरे मुखियौं कै हिम्मत देते भए जौ बिनती करौ हौं कै।
अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्द, पक्के, सकतिसाली और तागत बारो बनागो।
