रोमियो 3:21 - बुक्सा

²¹ पर अब बिना नियम के परमेसर लोगौ कै कैसे धरमी बनाबै है जौ बात परकट भई है, इसकी गभाई नियम और नबी देवै हैं।

रोमियो 3:21 Mawu Ofanana

लूका 24:44

फिर बानै उनसै कैई, “जे मेरी बेई बात हैं, जो मैंनै तुमरे संग रैहते भए तुमसै कैई हीं, कै जरूरी है कै जितनी बात मूसा के नियम और नबिऔ और भजनौ की किताबौ मै, मेरे बारे मै लिखी हैं, सब पूरी हौं।”

यहून्‍ना 1:45

फिलिप्‍पुस नतनैल सै मिलो और बासै कैई, “जिसके बारे मै मूसा नै नियम मै और दूसरे नबिऔ नै बी लिखो है, बौ हमकै मिल गओ और बौ यूसप को लौंड़ा ईसु, जो नासरत सैहर सै है।”

चेलौ के काम 10:43

परमेसर की ओर सै सिगरे नबिऔ नै बाके बारे मै जौ गभाई दई कै जो कोई बी बाके ऊपर बिसवास करैगो तौ ईसु के नाम सै बा आदमी के पाप माफ हो जांगे।”

चेलौ के काम 15:11

पर हमरो बिसवास तौ जौ है कै परभु ईसु मसी के किरपा के दुआरा हमकै मुक्‍ति मिली है और उनकै बी मिलैगी।”

चेलौ के काम 26:22

पर परमेसर की सायता सै मैं आज छोटे और बड़े सबई लोगौ के सामने गभाई दैनै के ताँई खड़ो हौं। जो होनै बारो है उन बातौं के बारे मै नबिऔ नै और मूसा नै कैओ हो, मैंनै उन बातौं कै छोड़कै और कुछ ना कैओ।

चेलौ के काम 28:23

तबई उन्‍नै बाके ताँई एक दिन ठैराओ और बहाँ भौस्से लोग इखट्‍टे भए जहाँ पौलुस रुको हो। पौलुस नै परमेसर के राज के बारे मै गभाई दई और मूसा के नियम और नबिऔ की किताबौ सै ईसु के बारे मै सुबे सै रात तक समजातो रैहओ।

रोमियो 1:17

कैसेकै अच्‍छी खबर जौ बताबै है कै परमेसर के संग आदमी को सई रिस्ता कैसे बनै है। जौ रिस्ता सुरू सै लेकै आखरी तक बिसवास मै टिको है, जैसो लिखो है, “धरमी आदमी बिसवास सै जिन्‍दो रैहगो।”

रोमियो 1:2

मैं उन सबई के नाम जौ चिट्‌ठी लिख रओ हौं, जो रोम मै परमेसर के पियारे हैं और जो पबित्‍तर होनै के ताँई बुलाए गए हैं, हमरे पिता परमेसर और परभु ईसु मसी की ओर सै तुमकै किरपा और सान्‍ति मिलती रैह।

रोमियो 16:26

अनन्‍त परमेसर नै अब अपनी आगियाँ के दुआरा नबिऔ की किताबौ मै सैरी जातिऔं कै उस लुके भए राज कै परकट करो है जिस्सै कै बे सब बिसवास करैं और उसकै मानै।

रोमियो 3:28

कैसेकै हम मानै हैं कै आदमी नियम के कामौ सै ना, पर बिसवास सै धरमी ठैराओ जावै है।

रोमियो 5:19

कैसेकै जैसे एक आदमी के आगियाँ ना माननै सै भौस्से लोग पापी ठैरे, बैसेई एक आदमी के आगियाँ माननै सै भौस्से लोग धरमी ठैरे हैं।

रोमियो 5:21

ताकि जैसे मौत के दुआरा पाप नै राज करो, ठीक बैसेई हमरे परभु ईसु मसी के दुआरा हमेसा की जिन्‍दगी लानै के ताँई परमेसर के किरपा नै धारमिकता के दुआरा राज करो।

रोमियो 9:30

तौ फिर हम का कैंऐ? जौ कै गैर यहूदी लोगौ कै जो धारमिकता की खोज मै ना हे, उनौनै धारमिकता कै पा लओ, जो बिसवास सै मिलै है।

1 कुरन्‍थियों 1:30

परमेसर की बजै सै तुम लोग ईसु मसी के अंग बन गए हौ, और परमेसर की ओर सै ईसु मसी हमरे ताँई बुद्‍धि ठैरो। मसी की बजै सै हम परमेसर मै सई ठैराए गए और बाके पबित्‍तर लोग बन गए और हमकै पाप सै छुटकारो मिलो।

2 कुरन्‍थियों 3:9

कैसेकै जब दोसी ठैरानै बारो नियम इत्‍तो चमक बारो हो तौ धरमी ठैरानै बारो नियम और बी जादा चमक बारो काए ना होगो?

2 कुरन्‍थियों 5:21

मसी नै कोई पाप ना करो हो, पर बाकै हमरे ताँई परमेसर नै पाप बना दओ जिस्सै कै हम परमेसर की धारमिकता मै साजेदार हौं।

गलातिऔ 3:8

पबित्‍तर सास्तर मै जौ बात पैलेई सै लिखी भई है कै, “परमेसर सिगरी जाति के लोगौ कै बिसवास के दुआरा धरमी ठैरागो।” इसताँई पैले परमेसर नै इब्राहिम कै अच्‍छी खबर सुनाई, और कैई कै तेरे दुआरा दुनिया की सैरी जातिऔं कै आसीस मिलैगी।

गलातिऔ 5:5

पर हम पबित्‍तर आत्‍मा और बिसवास के दुआरा परमेसर के सामने धरमी होनै की आस रखते भए पैंड़ो देखै हैं।

फिलिप्‍पीऔ 3:9

और बाके संग पूरी तरै सै एक हो जांऔ; मेरी बा धारमिकता सै ना जो नियम कै माननै सै मिलै है, पर बा धारमिकता सै जो मसी मै बिसवास कन्‍नै सै मिलै है, जो परमेसर की ओर सै आवै है, जो बिसवास मै टिकी है।

1 पतरस 1:10

जा मुक्‍ति के बारे मै उन नबिऔ नै भौत मैहनत के संग खोजबीन और जाँच पड़ताल करी, जिनौनै उस किरपा के बारे मै जो तुमरे ऊपर होनै बारी ही, बाकी भबिसबानी करी ही।

2 पतरस 1:1

मैं समौन पतरस जो ईसु मसी को सेवक और भेजो भओ चेला हौं, जौ चिट्‌ठी मैं उन लोगौ के नाम लिख रओ हौं जो हमरे हाँई हमरे परमेसर और मुक्‍ति दैनै बारे ईसु मसी की धारमिकता के दुआरा सै बिसवास पावै हैं।