रोमियो 2:13 - बुक्सा

¹³ कैसेकै परमेसर की नजर मै नियम के सुन्‍नै बारे धरमी ना, पर नियम मै चलनै बारे धरमी ठैराए जांगे।

रोमियो 2:13 Mawu Ofanana

लूका 18:14

फिर ईसु नै उनसै कैई, “जौई आदमी परमेसर की नजर मै धरमी होकै अपने घर लौहटो। ना कै बौ फरीसी कैसेकै जो कोई आदमी अपने आपकै बड़ो बनागो, बौ छोटो करो जागो; और जो अपने आपकै छोटो बनागो, बौ बड़ो करो जागो।”

लूका 8:21

बानै जबाब दओ, “मेरी अईया और मेरे भईया बेई हैं, जो परमेसर को बचन सुनै और बाकै मानै हैं।”

यहून्‍ना 13:17

तुम इन बातौं कै जानौ हौ, अगर बामै चलौगे तौ परमेसर की बरकत तुमरे ऊपर रैहगी।

रोमियो 10:5

कैसेकै मूसा नै जौ लिखो है कै जो आदमी उस धारमिकता मै चलैगो जो नियम सै है, तौ इन नियमौ की आगियाँ माननै सै बौ जिन्‍दो रैहगो।

रोमियो 2:25

अगर तू नियम मै चलै तौ खतना सै फाएदा तौ है, पर अगर तू नियम कै तोड़ै है तौ तू खतना बारो होते भए बी बिना खतना बारे गैर यहूदी आदमी के जैसो है।

रोमियो 3:20

कैसेकै नियम के कामौ सै कोई आदमी परमेसर के सामने धरमी ना ठैरैगो, पर नियम सै पाप की पैचान होवै है।

रोमियो 3:23

कैसेकै सब लोगौ नै पाप करो है और परमेसर की महिमा कै पा ना सके।

रोमियो 3:30

परमेसर एकई है। इसताँई जिनको खतना भओ है उनकै बिसवास के दुआराई धरमी ठैरागो, और जो गैर यहूदी हैं उनकै बी बिसवास के दुआराई धरमी ठैरागो।

1 कुरन्‍थियों 4:4

कैसेकै मेरो मन मैंकै किसी बात मै दोसी ना ठैराबै है। पर इसको मतलब जौ ना है कै मैं निरदोस हौं, कैसेकै मेरो नियाय कन्‍नै बारो परभु है।

गलातिऔ 2:16

पर हम जौ बात जानै हैं कै आदमी नियम के काम सैई धरमी ना ठैरै है, पर ईसु मसी मै बिसवास कन्‍नै के दुआराई धरमी ठैरै है। इसताँई हम मसी ईसु मै बिसवास करै हैं, और बिसवास कन्‍नै की बजै सै मसी हमकै धरमी ठैरागो, ना कै नियम के काम की बजै सै। कैसेकै कोई बी आदमी नियम के काम कन्‍नै की बजै सै धरमी ना ठैराओ जा सकै है।

गलातिऔ 5:4

अगर तुम जौ सोचौ हौ कै हम नियम की लिखी भई बातौं कै मानकै धरमी बन जांगे, तौ तुम अपनो रिस्ता मसी सै तोड़ौ हौ और परमेसर के किरपा के लायक बी ना रैहओगे।

याकूब 1:27

हमरे परम पिता परमेसर की नजरौ मै सुद्‍द और बिना दोस की भक्‍ति जौ है, कै मुसीबतौं मै पड़े अनाथौं और राँड़ौ की सायता करौ, और दुनिया के कलंक सै खुद कै बचाए रक्‍खौ।

1 यहून्‍ना 2:29

अगर तुम जौ जानौ हौ कै बौ धरमी है तौ तुम जौ बी जानौ हौ कै जो कोई धरम के काम करै है, बौ परमेसर की औलाद है।

1 यहून्‍ना 3:7

हे बालकौ, किसी के बैहकाने मै मत अईओ। जो धरम के काम करै है, बौ मसी के हाँई धरमी है।