रोमियो 14:3 - बुक्सा

³ और हर किसम को खानो खानै बारो आदमी साग-सब्जी खानै बारे आदमी कै बेकार ना समजै। बैसेई बौ जो कुछ चीज ना खावै है, उसके ऊपर बौ आदमी दोस ना लगाऐ जो सब कुछ खावै है। कैसेकै परमेसर नै उसकै अपना लओ है।

रोमियो 14:3 Mawu Ofanana

मत्‍ती 18:10

“चौकस रैहऔ, इन छोटौ मै सै एक कै बी बेकार ना समजौ, मैं तुमसै कैरओ हौं, उनके दूत सुरग मै लगातार मेरे सुरग के अब्बा के दरसन करैं हैं।

मत्‍ती 9:14

तब जल संस्कार दैनै बारे यहून्‍ना के चेलौ नै ईसु के धौंरे आकै कैई, का कारन है कै, “हम और फरीसी इतने बरत रक्‍खैं हैं, पर तेरे चेला बरत ना रक्‍खैं हैं?”

लूका 18:9

फिर ईसु नै उन लोगौ के ताँई बी जो अपने आपकै धरमी समजै हे, और किसी कै कुछ ना समजै हे, जौ दासतान सुनाई।

चेलौ के काम 10:34

तबई पतरस नै कैई कै, “अब मैं सच्‍ची मैई समज गओ हौं कै परमेसर किसी के संग बी भेदभाब ना करै है।

चेलौ के काम 10:44

पतरस जे बात कैई रओ हो कै, तबई बहाँ बैठे भए जित्‍ते लोग अच्‍छी खबर सुन रए उनमै पबित्‍तर आत्‍मा उतरो।

चेलौ के काम 28:2

और बहाँ के रैहनै बारे लोगौ नै हमरे संग अच्‍छो बरताब करो। कैसेकै बरखा हो रई ही और जाड़े की बजै सै उनौनै आग पजारकै हम सबई को सुआगत करो।

रोमियो 11:15

कैसेकै अगर उनकै छोड़नै की बजै सै दुनिया सै परमेसर के संग मेल-मिलाब पैदा होवै है, तौ फिर परमेसर के दुआरा यहूदी लोगौ कै अपनाऐ जानै सै मरे भएऔं मै सै जिन्‍दो कन्‍नै के बराबर ना होगो?

रोमियो 14:1

अगर कोई बिसवास मै कमजोर है, तौ उसकै अपने संग-संग लेकै चलौ मगर उनसै बैहैस ना करौ।

रोमियो 14:10

तू अपने भईया मै काए दोस लगाबै है? या तू फिर काए अपने भईया कै बेकार समजै है? हम सबकै फैसला के ताँई परमेसर के सिंगासन के सामने खड़ो होनो पड़ैगो।

रोमियो 14:13

हम आपस मै दोस लगानो बंद करैं और ठान लैं कै अपने भईया के रस्ता मै टांग ना अड़ांगे और नाई उसके पाप की बजै बनंगे।

रोमियो 14:15

कैसेकै तेरे खाने के कारन अगर तेरे भईया कै दुख पौंचो है, तौ तू उस्सै पियार ना करै है, जिसके ताँई मसी मरो उसकै तू अपने खाने के कारन नास ना कर।

रोमियो 14:21

भलो तौ जौ है कै तू ना तौ मीठ खाऐ, और ना दारू पिऐ और ना कोई ऐंसो काम करै जो तेरे भईया के ताँई पाप की बजै बन जाऐ।

रोमियो 15:7

इसताँई एक दूसरे कै अपनाऔ जैसे मसी नै तुमकै परमेसर की महिमा के ताँई अपनाओ।