रोमियो 13:4 - बुक्सा

⁴ कैसेकै बे तुमरी भलाई के ताँई परमेसर के सेवक हैं। पर अगर तुम बुरे काम करौ हौ, तौ उनसै डरौ, कैसेकै बे तरवार कै बेकार मैई ना लेए फिरै हैं। बे परमेसर के सेवक हैं, जो बुरे काम कन्‍नै बारौ कै परमेसर की ओर सै सजा देवै हैं।

रोमियो 13:4 Mawu Ofanana

रोमियो 12:19

ओ मेरे पियारे भईयौ और बहनौ किसी सै तुम खुद बदलो मत लो। बलकन उसकै परमेसर की घुस्सा के ऊपर छोड़ दो कैसेकै पबित्‍तर सास्तर मै लिखो है, परभु नै कैई है, “बदलो लेनो मेरो काम है, बदलो मैंई देंगो।”

रोमियो 13:6

इसताँई तौ तुम लोग लगान बी चुकाबौ हौ कैसेकै अधकारी परमेसर के सेवक हैं, और बे हमेसा इनई कामौ मै लगे रैहबैं हैं।

1 थिसलुनीकियौ 4:6

इसताँई तुम बी बिसवासी भईया या बहन के संग पाप ना करिओ और ना गलत फाएदा उठईओ, कैसेकै परभु इन सिगरी बातौं को बदलो लेगो। जे सिगरी बात मैंनै तुमकै पैलेई बता दंई और ढंग सै समजा बी दंई हैं।

1 पतरस 2:14

या राजपालौ के आधीन कैसेकै बे गलत काम कन्‍नै बारौ कै सजा और अच्‍छे काम कन्‍नै बारौ कै ईनाम दैनै के ताँई उसकी ओर सै ठैराए गए हैं।