रोमियो 13:12 - बुक्सा

¹² रात लगभग बीतई चुकी है, दिन लिकर नैई बारो है, इसताँई हम उन कामौ कै छोड़ दैं जो इन्धेरे के हैं। आऔ हम उज्‍जेरे के औजारौं कै ले लैं।

रोमियो 13:12 Mawu Ofanana

रोमियो 13:14

बलकन परभु ईसु मसी कै अपने भीतर बसालो, और अपने सरीर की इच्‍छाऔं कै पूरो कन्‍नै मै मत लगे रैहऔ।

1 कुरन्‍थियों 10:11

जे सबई बात इसताँई भई हीं कै हमरे ताँई उदाहरन रैंह। जे हमकै होसिआर कन्‍नै के ताँई लिखी गंई, जो आखरी बखत मै जी रए हैं।

1 कुरन्‍थियों 7:29

हे भईयौ और बहनौ, मैं तुमसै जौ कैरओ हौं, कै बखत कम है, इसताँई जो बिहाले हैं, बे ऐंसे रैह मानौ कै उनको बिहई ना भओ है।

2 कुरन्‍थियों 10:4

कैसेकै जिन हतियारौं सै हम लड़ै हैं, बे जा दुनिया के ना हैं पर किलौ कै ढै दैनै बारे, परमेसर की सकति बारे हतियार हैं।

2 कुरन्‍थियों 6:7

और अपनी सच्‍चाई को सन्‍देसो और परमेसर की सकति सै धारमिकता के हतियारौं कै खाने हात और बाँऐ हात मै लेए भए;

इफिसिऔ 4:22

कै तुम अपने पुराने चाल-चलन और सौभाब कै बदल दो कैसेकै बौ भटकानै बारी इच्‍छाऔं की बजै सै भरस्ट होतो जावै है।

इफिसिऔ 5:11

जो लोग इन्धेरे के गलत काम करै हैं, तुम उनके कामौ मै सात मत देईयो और उनके गलत कामौ कै सबई के सामने लाऔ।

इफिसिऔ 5:8

कैसेकै पैले एक बखत हो जब तुम इन्धेरे मै हे। पर अब परभु के चेला बन्‍नै सै तुम जोती मै हौ, इसताँई अब तुम जोती की औलाद के हाँई जिन्‍दगी जिऔ।

इबरानिओ 10:25

और एक दूसरे सै मिलनो ना छोड़िओ जैसो कै भौस्से लोग करै हैं और जैसो तुम जानौ हौ कै मसी के आनै को दिन धौंरेई है। तौ तुम एक दूसरे को हौसला बढ़ाते रैहऔ।

इबरानिओ 12:1

इसताँई जब गभाऔ की इत्‍ती बड़ी भीड़ हमकै घेरे भए है, तौ आऔ हम हर एक रुकाबट और उलझानै बारे पापौं सै छुट कै जो दौड़ हमकै दौड़नी है, बाकै सबर के संग दौड़ने मै लगे रैंह।

याकूब 1:21

इसताँई सिगरो मैलोपन और जो बुराई फैली हैं बाकै दूर करकै, बा बचन कै अपनाऔ जो तुमरे दिल मै बोओ गओ है और जो तुमरे पिरान कै बचा सकै है।

याकूब 5:8

तुम लोग बी सबर रक्‍खौ, और हिम्मत ना हारौ, कैसेकै परभु को फिर सै आनै को बखत धौंरेई है।

1 पतरस 2:1

इसताँई तुम अपनी हर तरै की बुराई, चालाँकी, कपट, जरन और बदनामी सै दूर रैहते भए,

1 पतरस 4:7

बौ बखत आनै बारौ है जब सबई कुछ नास हो जागो, इसताँई तुम सबई चौकस और खुद के ऊपर काबू रक्‍खौ ताकि तुम पिराथना कर सकौ।

2 पतरस 3:11

जब जे सबई चीज ऐंसेई नास होनै बारी हैं, तौ सोचौ तुमकै कैसो आदमी होनो चँईऐ और तुमरो चाल-चलन पबित्‍तर और तुमरी जिन्‍दगी परमेसर कै परसन्‍द आनै बारी हो।

2 पतरस 3:9

परभु अपने बादे कै पूरो कन्‍नै के ताँई देर ना करै है, जैसो कै कुछ लोग समजै हैं, पर बौ तुमरे ओर सबर रक्‍खै है कै कोई बी नास ना होए, पर सबई कै पापौं सै मन फिरानै को मौको मिलै।

1 यहून्‍ना 2:18

हे बालकौ, जौ आखरी घड़ी है, और जैसो कै तुमनै सुनो है कै मसी बिरोदी आ रओ है। और अब बी भौस्से मसी बिरोदी आ चुके हैं, इस्सै हम जानै हैं कै आखरी घड़ी आ गई है।

परकासन 1:3

धन्‍न है बौ जो इस भबिसबानी के बचनौ कै पढ़कै सुनावै है, और धन्‍न हैं बे जो सुनै हैं और जामै लिखी भई बातौं कै मानै हैं, कैसेकै बौ टैम धौंरे आ गओ है।

परकासन 22:10

फिर उसनै मैंसै कैई, “इस किताब की भबिसबानी की बातौं कै बन्‍द मत कर, कैसेकै टैम आ गओ है।