रोमियो 12:12 - बुक्सा

¹² उमीद सै खुस रैहऔ, तुम मुसीबत मै हौसला रक्‍खौ और हमेसा पिराथना मै लगे रौह।

रोमियो 12:12 Mawu Ofanana

मत्‍ती 5:12

तब खुस और मगन होईयो, कैसेकै तुमरे ताँई सुरग मै बड़ो महान ईनाम है। इसताँई कै उनौनै बे नबी बी जो तुमसै पैले हे इसई रीती सै सताए हे।

लूका 10:20

तौबी इस्सै खुस मत होओ, कै दुसट आत्‍मा तुमरी आगियाँ मानै है, पर इस्सै खुस होओ कै तुमरे नाम सुरग मै लिखे हैं।”

लूका 21:19

तुमरे सबर रखनै सै, तुमरी जान बी बची रैहगी।

लूका 8:15

पर अच्‍छी जमीन मै गिरे भए बे लोग हैं, जो बचन सुनकै उसकै अच्‍छे और सच्‍चे मन सै मानै हैं, और अपने धीरज के मारे बे फल लाबैं हैं।

चेलौ के काम 1:14

इनौके संग कुछ बईयरैं और ईसु की अईया मरियम और ईसु के भईया बी हे। जे सबई एक मन होकै पिराथना करे करै हे।

चेलौ के काम 12:5

जब पतरस कै जेल मै रक्‍खो गओ, तबई बिसवासिऔ की मंडली के लोगौ नै बाके ताँई एक मन होकै परमेसर सै पिराथना कन्‍नी सुरू करी।

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

चेलौ के काम 6:4

और हम पिराथना और परमेसर के बचन के परचार मै लगे रैहंगे।”

रोमियो 15:13

उमीद को सोत परमेसर है, और बौ तुम लोगौ कै पूरी खुसी और सान्‍ति सै भर दे जैसो कै तुमरो बिसवास उसमै है। ताकि पबित्‍तर आत्‍मा की सकति सै तुमरी उमीद बढ़ती जाऐ।

रोमियो 15:4

पबित्‍तर सास्तर मै जो कुछ पैले लिखो गओ हो, बौ हमकै सिकानै के ताँई लिखो गओ हो कै जो सबर और बढ़ाबो हमकै पबित्‍तर सास्तर मै लिखी भई बातौं सै मिलै है हमकै उस्सै उमीद मिलै है।

रोमियो 2:7

जो लोग धीरज के संग भलाई करते भए महिमा और आदर और अमर जिन्‍दगी की खोज मै हैं, उनकै बौ हमेसा की जिन्‍दगी देगो।

रोमियो 8:25

हम उसकी उमीद करै हैं, जिस चीज कै हम ना देख रए हैं। इसताँई हम सबर के संग उसको पैंड़ो देखंगे।

1 कुरन्‍थियों 13:13

पर अबी तौ बिसवास, उमीद और पियार जे तीनौ बने रैहबैं हैं। पर इन तीनौ मै पियार सबई सै बड़ो है।

2 कुरन्‍थियों 12:8

और जा मुसीबत सै दूर होनै के ताँई मैंनै परभु सै तीन दफै बिनती करी कै जा काँटे कै लिकार दे।

फिलिप्‍पीऔ 3:1

इसताँई हे मेरे भईयौ, परभु मै खुस रौहौ, उनई बातौं कै बेरमबेरा लिखनै मै मैंकै तौ कोई दुख ना होवै है, और जौ तुमकै बचाकै रखैगो।

फिलिप्‍पीऔ 4:4

तुम लोग परभु मै हमेसा खुस रौह, मैं फिर कैबौ हौं, खुस रैहऔ।

कुलुसिऔं 1:11

तुम परमेसर की महिमा की सकति के हिसाब सै हर तरै की सकति सै मजबूत होते जाऔ, जिस्सै कै तुम सब तरै के सबर कै दिखा सकौ और सैह सकौ।

कुलुसिऔं 1:27

परमेसर उनकै दिखानो चाँहै है कै गैर यहूदी लोगौ मै महिमा की गुप्‍त बात का है? और बौ जौ है कै, मसी जो महिमा की आस है बौ तुमरे भीतर रैहबै है।

कुलुसिऔं 4:12

इपफरास जो तुमरे हिंया को है, बौ मसी ईसु को सेवक है, तुमकै नमस्कार कैबै है। बौ तुमरे ताँई हमेसा जौ पिराथना करतो रैहबै है कै तुम परमेसर की सिगरी मरजी के बारे मै पूरे तरीका सै समजकै और पक्‍के होकै टिके रौह।

कुलुसिऔं 4:2

तुम लोग पिराथना मै चौकस होकै लगे रौह, और परमेसर को धन्‍नबाद करते रौह।

1 थिसलुनीकियौ 1:3

और हम अपने परमेसर और अब्बा के सामने तुमरे बिसवास के काम, और पियार की मैहनत और हमरे परभु ईसु मसी मै उमीद के सबर कै हमेसा याद करै हैं।

1 थिसलुनीकियौ 5:8

पर हम दिन के हैं और हमकै खुद के ऊपर काबू रखनो चँईऐ। और बिसवास और पियार को कबज पैहरकै और मुक्‍ति की उमीद को टोप कै पैहरलो।

2 थिसलुनीकियौ 1:4

इसताँई परमेसर के बिसवासिऔ की मंडलिऔ मै हम घमंड करै हैं कै जो कसट और सताब तुमनै झेलो हो, उन सब मै तुमरो सबर और बिसवास देखो है।

2 थिसलुनीकियौ 3:5

परभु तुमरे दिल कै परमेसर के पियार और मसी के सबर के संग अग्गे बढ़नै मै सायता करै।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

2 तीमुथियुस 3:10

तीमुथियुस तू जानै है कै, मैंनै का सिकाओ और मैं कैसे जी रओ हौं और मेरे जीनै को मकसद का है। तैनै मेरो बिसवास, पियार, सबर और सबर रखनै की तागत देखर खाई है।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

तीतुस 3:7

जिस्सै हम बाकी किरपा सै धरमी होकै, हमेसा की जिन्‍दगी की उमीद के अनुसार बारिस बनै।

इबरानिओ 10:32

अपने बे पुराने दिन याद करौ जब तुमरे ऊपर परमेसर को उज्‍जेरो चमको हो तब दुख और परेसानिऔ कै सैहते भए कैसे तुम टिके रैहए।

इबरानिओ 10:36

तुमकै सबर रखनै की जरूरत है जिस्सै कै तुम परमेसर की इच्‍छा कै पूरो कर सकौ और बा बादे कै तुम पा सकौ जो परमेसर नै करर खाओ है।

इबरानिओ 12:1

इसताँई जब गभाऔ की इत्‍ती बड़ी भीड़ हमकै घेरे भए है, तौ आऔ हम हर एक रुकाबट और उलझानै बारे पापौं सै छुट कै जो दौड़ हमकै दौड़नी है, बाकै सबर के संग दौड़ने मै लगे रैंह।

इबरानिओ 3:6

पर मसी परमेसर को लौंड़ा होते भए बाके घराने के सामने बिसवासजोग हो। अगर हम हिम्मत रक्‍खै और जो आस मसी मै है बाकै ना छोड़ै तौ तबई हम परमेसर के घराने के हैं।

इबरानिओ 5:7

जब ईसु सरीर मै जिन्‍दो हो तौ बानै चिल्‍ला-चिल्‍लाकै और रो रो कै परमेसर सै बिनती करी, जो बाकै मौत सै बचा सकै हो और ईसु की भक्‍ति की बजै सै बाकी पिराथना सुनी गई।

इबरानिओ 6:12

हम ऐंसो ना चाँहै हैं कै तुम आलसी बनौ पर तुम उनके हाँई करौ जो बिसवास और सबर के संग परमेसर के दए भए बादेऔ के बारिस हैं।

इबरानिओ 6:15

तब इब्राहिम नै सबर रक्‍खो और परमेसर के बादेऔ कै पा लओ।

याकूब 5:7

इसताँई मेरे भईयौ, परभु ईसु मसी के फिर सै आनै तक सबर रक्‍खौ, देखौ, किसान जो अपने खेत की फसल कै पकनै को पैंड़ो देखै है, तौ बा सुरू की बरखा सै लेकै बाद की बरखा के आनै तक सबर रक्‍खै है।

1 पतरस 4:13

तुम जितने मसी के दुख मै सामिल होबौ हौ, उत्‍तोई तुम खुस होईयो और जब बाकी महिमा परकट होगी तौ तुम खुसी के मारे आपेमै ना रैहओगे।

1 पतरस 4:7

बौ बखत आनै बारौ है जब सबई कुछ नास हो जागो, इसताँई तुम सबई चौकस और खुद के ऊपर काबू रक्‍खौ ताकि तुम पिराथना कर सकौ।

2 पतरस 1:6

और गियान मै अपने ऊपर काबू, और अपने ऊपर काबू मै सबर, और सबर मै भक्‍ति।

परकासन 13:10

जिसकै पकड़नो है उनकै पकड़ो जागो। और जिसकै तरवार सै मरनो है बौ तरवार सै मारो जागो। और अब पबित्‍तर लोगौ को सबर और बिसवास की घड़ी है।