रोमियो 12:1 - बुक्सा

¹ इसताँई हे भईयौ, परमेसर की दया कै याद करबाकै मैं तुमसै बिनती करौ हौं, कै अपने सरीर कै जिन्‍दो, पबित्‍तर और जैसो परमेसर कै अच्‍छो लगै है बैसो बलिदान करकै चढ़ाऔ, और जौई तुमरे ताँई सई सेवा है।

रोमियो 12:1 Mawu Ofanana

लूका 7:47

इसताँई मैं तेकै कैरओ हौं कै इसको जादा पियार बता रओ है कै इसके भौस्से पाप माफ कर दए गए हैं। पर बौ जिसकै थोड़े पापौं की माफी मिली है, बौ थोड़ो पियार करैगो।”

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

रोमियो 15:16

यानी मैं गैर यहूदिऔं के ताँई ईसु मसी को सेवक बनकै परमेसर की अच्‍छी खबर के ताँई एक पुजारी के हाँई परचार करौं जिस्सै कै गैर यहूदी लोग पबित्‍तर आत्‍मा के दुआरा पबित्‍तर करे जाने के बाद, परमेसर के ताँई गिरैहन जोग भेंट बन सकंगे।

रोमियो 15:30

हे भईयौ, हमरे परभु ईसु मसी की ओर सै और पबित्‍तर आत्‍मा के पियार सै, मैं तुमसै बिनती करौ हौं, कै मेरी परेसानी मै मेरे ताँई परमेसर सै पिराथना कन्‍नै मै मेरे संग लगे रैहओ।

रोमियो 2:4

का तू परमेसर की महान दया, सैनसीलता और धीरज कै नकारै है? तू ना समजै है कै परमेसर की दया तेकै गलत काम सै मन फिरानै की ओर ले जावै है।

रोमियो 6:13

तुम अपने सरीर के अंगौ कै अधरम के औजारौं जैसे पाप के हवाले मत करौ, बलकन मरे भएऔं मै सै जी उठनै बारौं के जैसे परमेसर के हवाले कर दो। और अपने सरीर के अंगौ कै धरम के औजारौं के रूप मै परमेसर के हवाले कर दो।

रोमियो 6:16

का तुम जौ ना जानौ हौ कै जब तुम किसी की आगियाँ माननै के ताँई अपने आपकै दासौं के हाँई सौंप देवौ हौ। तौ तुम उसई के दास हौ। फिर चाँहे तुम पाप के दास बनौ, जो तुमकै मौत की ओर ले जागो। चाँहे परमेसर की आगियाँ माननै बारे दास बनौ, जो तुमकै धारमिकता की ओर ले जागी।

रोमियो 6:19

मैंनै तुमकै जौ उदाहरन इसताँई दओ कैसेकै जौ बात समजनी तुमरे ताँई मुसकल है। जैसे तुमनै बुराई के ताँई अपने सरीर के अंगौ कै असुद्‍द और गलत कामौ को दास बनाओ, बैसेई अब तुम पबित्‍तर होनै के ताँई अपने सरीर के अंगौ कै धारमिकता को दास बनाओ।

रोमियो 9:23

जो दया के लोग बानै अपनी महिमा के ताँई पैलेसैई तईयार करे हे, उनके ऊपर बानै अपनी महिमा भरपूरी सै चमकाई।

1 कुरन्‍थियों 1:10

अब हे भईयौ और बहनौ परभु ईसु मसी के नाम सै, मेरी तुम लोगौ सै जौ बिनती है। तुम सबई जनी एकई सोच रक्‍खौ और तुम्मै आपस मै फूट ना पड़ै, पर तुम एक मन होकै एक दूसरे सै मेल-जोल रखते भए रैहऔ।

2 कुरन्‍थियों 10:1

मैं पौलुस जो मसी की दीनता और दया की बजै सै तुमसै बिनती करौ हौं। पर कुछ लोग कैबै हैं कै जब मैं तुमरे धौंरे होबौ हौं तौ नमर हौं पर जब दूर हौं तौ कठोर हौं।

2 कुरन्‍थियों 4:1

कैसेकै परमेसर की दया सै जौ सेवा हमकै मिली है, जिसके ताँई हम हिम्मत ना हारै हैं।

2 कुरन्‍थियों 4:16

चाँहे हमरे सरीर को नास होतो जा रओ होए, पर हमरे भीतर की आत्‍मा रोज नई होती जावै है, इसताँई हम हिम्मत ना हारै हैं।

2 कुरन्‍थियों 5:20

इसताँई हम मसी के दूत हैं, और परमेसर हमरे दुआरा तुमकै समजाबै है। और हम मसी की ओर सै तुमसै बिनती करै हैं कै तुम परमेसर के संग मेल करौ।

2 कुरन्‍थियों 6:1

हम परमेसर के संग मिलकै काम कन्‍नै बारे साती हैं। इसताँई हम तुमसै बिनती करै हैं कै तुम परमेसर के किरपा कै बेकार ना जान दो।

इफिसिऔ 4:1

इसताँई मैं परभु मै होनै की बजै सै जेल मै हौं, और तुम लोगौ सै बिनती करौ हौं कै तुमकै अपनी जिन्‍दगी बैसेई जीनी चँईऐ जैसे परमेसर नै तुमकै बुलार खाओ है।

इफिसिऔ 5:10

तुम हर बखत जौ जान्‍नै मै लगे रौह कै परभु कै का अच्‍छो लगै है।

फिलिप्‍पीऔ 1:20

मेरी इच्‍छा और आस जौई है कै चाँहे मैं मरौं या जिन्‍दो रैहऔ मेरी किसी बात मै बेजती ना होए, पर मेरे सरीर सै हमेसा पूरी हिम्मत के संग मसी की महिमा होती रैहऐ जैसी हमेसा होवै है, और अब्बी हो रई है।

फिलिप्‍पीऔ 2:17

और अगर मैंकै तुमरे बिसवास के बलिदान और सेवा के संग अपनो खून बी बहानो पड़ै तौबी मैं खुस हौं और तुम सबके संग खुसी मनांगो।

फिलिप्‍पीऔ 4:18

अबी मेरे धौंरे सब कुछ है और जरूरत सै बी जादा, तुमनै इपफरूदितुस के हात सै जो दान भेजो हो, बाकै लेकै मेरी सिगरी जरूरत पूरी हो गंई, बौ खसबोई बारो भातो भओ बलिदान के हाँई है जिस्सै परमेसर खुस होवै है।

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।

1 थिसलुनीकियौ 4:10

और जौ सच है कै तुम मकिदुनिया के सिगरे मसी भईयौ और बहनौ के संग ऐंसोई पियार रक्‍खौ हौ। पर हे भईयौ और बहनौ हम तुमकै समजाबै हैं कै पियार मै और बी बढ़ते जाऔ।

1 थिसलुनीकियौ 5:12

ओ भईयौ और बहनौ, हम तुमसै बिनती करै हैं कै, जो लोग तुमरे ताँई बेसानी मैहनत करै हैं और परभु मै तुमकै रस्ता दिखाबै हैं और तुमकै सिकाबै हैं, उनकी इज्‍जत करौ।

1 तीमुथियुस 2:3

इसई तरै की पिराथना हमकै बचानै बारे परमेसर कै अच्‍छी लगै हैं और परसन्‍द बी हैं।

1 तीमुथियुस 5:4

पर किसी राँड़ बईयर के बालक या नाती पोता हौं, तौ बे बालक सबसै पैले अपने धरम के काम करते भए अपने टब्बर कै लेकै बाके संग अच्‍छो बरताब करैं, कैसेकै बा राँड़ अईया नै उनकी देखभाल करी ही, कैसेकै इस्सै परमेसर खुस होवै है।

फिलेमौन 1:10

मैं अपने बालक उनेसिमुस के ताँई बिनती करौ हौं, जो तब मेरो लौंड़ा बनो हो, जब मैं जेल मै कैद हो।

फिलेमौन 1:9

फिर बी उस पियार के कारन मैं तुमसै बिनती कन्‍नो ठीक समजौ हौं। मैं पौलुस, जो अब बुड्‍ढो हो गओ हौं और मसी ईसु के ताँई अब कैदी बी बन चुको हौं।

इबरानिओ 13:22

पियारे भईयौ और बहनौ, मैं तुमसै बिनती करौ हौं कै इन सिकानै बारी बातौं कै तुम बरदास करौ कैसेकै मैंनै तुमकै जौ चिट्‌ठी थोड़ेई सब्दौ मै लिखी है।

1 पतरस 2:20

अगर बुरे काम की बजै सै तुमकै पीटो जावै है और बा बखत तुम सबर रक्‍खौ हौ तौ जामै बड़ाई की का बात है? पर तुमकै तुमरे भले कामौ की बजै सै सताओ जावै है और तुम सबर रक्‍खौ हौ तौ जौ परमेसर के सामने बड़ाई की बात है।

1 पतरस 2:5

तुम बी खुद जिन्‍दे पत्‍थरौं के हाँई हौ और आत्‍मिक घर बनते जाबौ हौ, जिस्सै कै पुजारिऔं को पबित्‍तर समाज बनकै, ऐंसे आत्‍मिक बलिदान चढ़ाऔ, जो परभु ईसु मसी के दुआरा परमेसर कै परसन्‍द हौं।