रोमियो 11:2 - बुक्सा

² परमेसर नै अपने लोगौ कै ना छोड़ो, जिनकै बानै पैलेई सै चुनो हो। और का तुम ना जानौ हौ, कै पबित्‍तर सास्तर एलिया के बारे मै का कैबै है, कै एलिया ईसराइल के खिलाप परमेसर सै पिराथना कर रओ हो।

रोमियो 11:2 Mawu Ofanana

मरकुस 12:26

मरे भए के जी उठनै के बारे मै का तुमनै मूसा की किताब मै झाँड़ी जरनै बारी बात ना पढ़ी, कै परमेसर नै उस्सै का कैई, मैं इब्राहिम को परमेसर, और इसहाक को परमेसर, और याकूब को परमेसर हौं?

लूका 4:1

फिर ईसु पबित्‍तर आत्‍मा सै भरो भओ यरदन नद्‍दी सै लौहटो और आत्‍मा उसकै बियाबान जघै मै ले गओ,

यहून्‍ना 4:11

बईयर नै ईसु सै कैई, “हे परभु, तेरे धौंरे तौ पानी लिकान्‍नै के ताँई कुछ बी ना है, और कुआँ गैहरो है, तौ फिर बौ जिन्‍दगी को जल तेरे धौंरे कहाँ सै आओ?

चेलौ के काम 13:48

जौ बात सुनकै गैर यहूदी लोग खुस भए और परभु के बचन की बड़ाई करल लगे, पर जितनेऔ कै हमेसा की जिन्‍दगी के ताँई छाँटकै रखर खाओ हो उन्‍नै बिसवास करो।

चेलौ के काम 15:18

जौ बात कै बौई परभु कैबै है, जो युगौं-युगौं सै इन बातौं की खबर देतो आओ है।’”

चेलौ के काम 3:17

“हे भईयौ, अब मैं जानौ हौं कै जौ काम तुमनै मूरखता सै करो है, बैसेई तुमरे नेताऔं नै बी करो।

चेलौ के काम 7:40

और तबई उन्‍नै हारून सै कैई कै, ‘हमरे ताँई एक ऐंसो देबता बना जो हमकै रस्ता दिखाऐ। कैसेकै जौ मूसा जो हमकै मिसर देस सै लिकारकै लाओ है, हमकै ना पतो है कै बाके संग का भओ है।’

रोमियो 6:16

का तुम जौ ना जानौ हौ कै जब तुम किसी की आगियाँ माननै के ताँई अपने आपकै दासौं के हाँई सौंप देवौ हौ। तौ तुम उसई के दास हौ। फिर चाँहे तुम पाप के दास बनौ, जो तुमकै मौत की ओर ले जागो। चाँहे परमेसर की आगियाँ माननै बारे दास बनौ, जो तुमकै धारमिकता की ओर ले जागी।

रोमियो 9:23

जो दया के लोग बानै अपनी महिमा के ताँई पैलेसैई तईयार करे हे, उनके ऊपर बानै अपनी महिमा भरपूरी सै चमकाई।

रोमियो 9:6

इसको मतलब जौ ना है कै परमेसर नै अपनो बचन पूरो ना करो है, कैसेकै ईसराइल के बंस मै पैदा सबई लोग सच्‍चे ईसराइली ना हैं।

1 कुरन्‍थियों 6:2

का तुम जौ ना जानौ हौ कै, परमेसर के पबित्‍तर लोग जा दुनिया को फैसला करंगे? जब तुमकै जा दुनिया को फैसला कन्‍नो है, तौ का तुम छोटे से छोटी लड़ाईऔं को बी फैसला कन्‍नै के लायक ना हौ?

1 कुरन्‍थियों 8:3

पर अगर कोई परमेसर सै पियार रक्‍खै है, तौ परमेसर बाकै जानै है।

फिलिप्‍पीऔ 1:22

अगर मैं जिन्‍दो रैहते भए फाएदे मन्‍द बारे काम करतो रैहबौ हौं तौ मैं ना जानौ हौं कै किसकै चुनौ।

इबरानिओ 1:1

पुराने जमाने मै परमेसर नै नबिऔ के दुआरा हमरे बापदादौं के संग बेरमबेर और अगल अगल तरीका सै बात करीं।

1 पतरस 1:2

तुमकै परम पिता परमेसर पैलेई सै जानै हो और बानै तुमकै दूसरे लोगौ सै अगल छाँटो और पबित्‍तर आत्‍मा दुआरा पबित्‍तर करो गओ, ताकि तुम बाकी बात मानै और ईसु मसी के खून सै तुम साप हो जांऐ। तुमकै परमेसर की भौस्सी किरपा और सान्‍ति मिलती रैह।