रोमियो 10:9 - बुक्सा

⁹ और अगर तू अपने मौह सै कैए, “ईसु मसी परभु है,” और तू अपने दिल मै जौ बिसवास करै, कै परमेसर नै उसकै मरे भएऔं मै सै जिन्‍दो करो है, तौ तुमकै मुक्‍ति मिल जागी।

रोमियो 10:9 Mawu Ofanana

लूका 12:8

“पर मैं तुमसै कैरओ हौं जो कोई आदमी सबई के सामने मैंकै मान लेगो, आदमी को लौंड़ा बी उस आदमी कै परमेसर के सुरगदूतौं के सामने मान लेगो।

यहून्‍ना 9:22

बाके अईया-अब्बा नै ऐंसो इसताँई कैई कैसेकै बे यहूदिऔं सै डरै हे। यहूदी पैलेई सै एक संग हो चुके हे कै अगर कोई बाकै मसी मानैगो तौ पिराथना घर सै लिकार दओ जागो।

चेलौ के काम 16:31

उन्‍नै कैई कै, “परभु ईसु मै बिसवास कर तबई तेकै और तेरे टब्बर कै मुक्‍ति मिलैगी।”

चेलौ के काम 2:24

पर बाई कै परमेसर नै मौत के हातौ सै छुटाकै जिन्‍दो करो। कैसेकै जौ होई ना सकै है कै ईसु मौत के बस मै रैह।

चेलौ के काम 2:32

“जाई ईसु कै परमेसर नै फिर सै जिन्‍दो करो, जिसके हम सबई गभा हैं।

चेलौ के काम 8:36

रस्ता मै चलते चलते बे एक पानी की जघै मै पौंचे, तबई बा अधकारी नै फिलिप्‍पुस सै कैई कै, “देख, हिंया पानी बी है। और अब मैंकै जल संस्कार लैनै मै का दिक्‍कत है?”

रोमियो 10:10

दिल सै बिसवास कन्‍नै सै आदमी को रिस्ता परमेसर के संग सई हो जावै है और मौह सै माननै सै उसकै मुक्‍ति मिलै है।

रोमियो 14:11

पबित्‍तर सास्तर मै लिखो है, “परभु नै कैई है, मेरी जिन्‍दगी की कसम हर कोई मेरे सामने घूंटे टेकैगो, और हर जबान परमेसर कै मानैगी।”

रोमियो 14:9

मसी इसताँई मरो और जिन्‍दो भओ कै बौ मरे भएऔं और जिन्‍देऔं, दौनौ को परभु हो सकै।

रोमियो 4:24

बलकन हमरे ताँई बी है। जो परमेसर के ऊपर बिसवास करै है, बौ धरमी ठैरै है। परमेसर नै हमरे परभु ईसु कै फिर सै जिन्‍दो करो।

रोमियो 8:34

फिर कौन है जो सजा की आगियाँ देगो? मसी ईसु बौ हो जो मर गओ पर बौ मुरदौं मै सै फिर जी उठो, और परमेसर के खाने हात की ओर बैठो है, और हमरे ताँई बिनती बी करै है।

1 कुरन्‍थियों 12:3

इसताँई मैं तुमकै बताए देवौ हौं, कै कोई बी परमेसर की आत्‍मा की ओर सै ऐंसो कबी ना बोल सकै है कै, “ईसु सरापित है।” और ना कोई पबित्‍तर आत्‍मा के बिना ऐंसो कैह सकै है कै, “ईसु परभु है।”

फिलिप्‍पीऔ 2:11

और पिता परमेसर की महिमा के ताँई सब आदमी जौ मान लंगे कै ईसु मसी ई परभु है।

1 पतरस 1:21

मसी की बजै सै तुम परमेसर के ऊपर बिसवास करौ हौ; जिसनै बा मरे भए कै जिन्‍दो करो, और महिमा दई कैसेकै तुमरो बिसवास और आस परमेसर के ऊपर है।

1 यहून्‍ना 4:15

और जो कोई जौ मान लेबै है कै, “ईसुई परमेसर को लौंड़ा है” तौ परमेसर बामै बनो रैहबै है, और बौ परमेसर मै।

2 यहून्‍ना 1:7

दुनिया मै भौस्से ऐंसे बैहकानै बारे आए हैं, जो जौ ना मानै हैं कै जा धरती मै आदमी बनकै ईसु मसी आओ, ऐंसे लोग बैहकानै बारे और मसी बिरोदी हैं।