रोमियो 10:2 - बुक्सा

² कैसेकै मैं गभाई देवौ हौं कै बे परमेसर के ताँई बड़ो जोस दिखाबै हैं पर अकल के संग ना।

रोमियो 10:2 Mawu Ofanana

यहून्‍ना 16:2

बे तुमकै पिराथना घर सै बाहार कर दंगे, पर बौ टैम आ रओ है कै जो कोई तुमकै मार डारैगो, बौ जौ समजैगो कै परमेसर की सेवा कर रओ हौं।

चेलौ के काम 21:20

बाकी बात सुनकै उन्‍नै परमेसर की बड़ाई करी और बासै कैई कै, “हे भईया पौलुस, तू देख सकै है कै यहूदी लोगौ मै सै कितने हजार लोग हैं जिन्‍नै बिसवास करो, जो अपने नियम के ताँई बफादार हैं।

चेलौ के काम 21:28

तबई बे चिल्‍लाकै कैललगे कै, “हे ईसराइली लोगौ हमरी सायता करौ, जौ बौई आदमी है, जो सिगरी जघै मै जाकै सबई लोगौ कै नियम के खिलाप, ईसराइली लोगौ के खिलाप और जा मन्‍दर के खिलाप सिकातो रैहबै है। अब तौ जौ यूनानी लोगौ कै मन्‍दर मै लाकै जा पबित्‍तर जघै कै बी असुद्‍द करै है।”

चेलौ के काम 22:22

हिंया तक तौ सबई लोग पौलुस की बातौं कै धियान सै सुनते रैहए पर तबई उन्‍नै जोर सै चिल्‍लानो सुरू कर दओ कै, “जा आदमी कै मार दो, कैसेकै जाकै जिन्‍दो रैहनै को कोई हक ना है।”

चेलौ के काम 22:3

“मैं तौ एक यहूदी आदमी हौं जो किलिकिया के तरसुस मै पैदा भओ, पलो और ऐरूसलेम मै गमलीएल के धौंरे पढ़ो और अपने बापदादौं के नियमौ कै अच्‍छे सै सीको। मैं बी परमेसर को ऐंसो भक्‍त हौं जैसे तुम अब हौ।

रोमियो 10:1

हे भईयौ! मेरे दिल की इच्‍छा और परमेसर सै मेरी पिराथना जौ है कै ईसराइल के लोग मुक्‍ति पांऐ

रोमियो 10:3

कैसेकै बे उस धारमिकता कै ना जानै हे जो परमेसर सै मिलै है मगर बे अपनी धारमिकता कै पक्‍को कन्‍नै मै लगे रैहबैं हैं, इसताँई उनौनै परमेसर की धारमिकता ना अपनाई।

2 कुरन्‍थियों 4:4

सैतान जा दुनिया को देबता है, और बानै उन लोगौ की बुद्‍धि बन्‍द करर खाई है, और बे मसी मै बिसवास ना करै हैं जो परमेसर को रूप है, जो मसी की अच्‍छी खबर की महिमा की चमक कै ना देख सकै हैं।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

2 कुरन्‍थियों 8:3

मैं उनके बारे मै गभाई देवै हौं कै, जितनो उनके बस मै हो उत्‍तोई ना पर बासै बी जादा दिल खोलकै दओ।

गलातिऔ 1:14

मेरे उमर के लोगौ मै यहूदी धरम के नियम कै माननै के ताँई मैं अग्गे हो, और जो रीति-रिबाज बापदादौं सै चले आ रए हे, उनके ऊपर चलनै मै मैं भौत जोसीलो हो।

गलातिऔ 4:15

तौ तुमरी बा खुसी को का भओ? मैं जा बात को गभा हौं कै अगर जौ हो सकतो तौ तुम अपनी आँख कै लिकारकै मैंकै दे देते।

फिलिप्‍पीऔ 1:9

और मैं जौ पिराथना करौ हौं कै तुमरो पियार, पूरो गियान और सब तरै की समज मै और बी जादा बढ़तो जाऐ।

फिलिप्‍पीऔ 3:6

मेरे भीतर इत्‍तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो।

कुलुसिऔं 4:13

मैं बाकी जा बात को गभा हौं कै बौ तुमरे ताँई और लौदीकिया के लोगौ के ताँई और हिरापुलिस जघै के लोगौ के ताँई हमेसा बड़ी मैहनत करतो रैहबै है।