रोमियो 1:5 - बुक्सा

⁵ और मरे भए मै सै जी उठनै सै पबित्‍तर आत्‍मा दुआरा सकति के संग परमेसर को बेटा ठैराओ गओ, और बौ हमरो परभु ईसु मसी है।

रोमियो 1:5 Mawu Ofanana

यहून्‍ना 1:16

कैसेकै बाकी दया और सच्‍चाई की भरपूरी मै सै हम सबनै किरपा के ऊपर किरपा पाई है।

चेलौ के काम 1:25

कै बौ जा सेवा के काम कै और भेजे भए चेला की जघै कै पूरी करै, जिस्सै आजाद होकै यहूदा सजा काटनै के ताँई चलो गओ जो बाके ताँई चुनी गई ही।”

चेलौ के काम 15:14

समौन नै बताई ही कै परमेसर नै सुरू सैई गैर यहूदी लोगौ कै अपने नाम के ताँई छाँटकै उनके ऊपर पियार दिखाओ।

चेलौ के काम 6:7

तबई परमेसर को बचन फैलतो गओ और ऐरूसलेम मै चेलौ की संखिया भौत बढ़ती गई। भौस्से यहूदी पुजारिऔं नै बी ईसु मसी मै बिसवास करो।

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

रोमियो 12:3

कैसेकै मैं उस किरपा के दुआरा जो मैंकै देओ गओ है, तुम्मै सै हर एक कै कैबौ हौं, कै जैसो समजनो चँईऐ, उस सै जादा कोई बी अपने आपकै ना समजै, पर परमेसर नै हर एक कै जितनो जितनो बिसवास दओ है, बैसेई सोच समजनै के बाद अपने आपकै समजै।

रोमियो 16:26

अनन्‍त परमेसर नै अब अपनी आगियाँ के दुआरा नबिऔ की किताबौ मै सैरी जातिऔं कै उस लुके भए राज कै परकट करो है जिस्सै कै बे सब बिसवास करैं और उसकै मानै।

रोमियो 3:29

का परमेसर सिरप यहूदिऔं कोई परमेसर है? का बौ गैर यहूदिऔं को ना है? पर हाँ! बौ गैर यहूदिऔं को बी परमेसर है।

1 कुरन्‍थियों 15:10

पर मैं जो कुछ बी हौं, बौ परमेसर की किरपा सै हौं। बाकी किरपा जो मेरे ऊपर भई, बौ बेकार ना गई। पर मैंनै सबई सै जादा मैहनत करी, तौबी जौ मेरी ओर सै ना पर परमेसर की किरपा सै भओ, जो मेरे ऊपर ही।

1 कुरन्‍थियों 9:2

अगर मैं दूसरौं के ताँई भेजो भओ चेला ना हौं, तौ तुमरे ताँई तौ हौं। कैसेकै तुम मेरे सबूत हौ कै मैं परभु को चुनो भओ चेला हौं।

इफिसिऔ 1:12

जिस्सै कै हम बाकी बड़ाई की बजै बन सकैं। और मसी मै बिसवास कन्‍नै बारे सबई सै पैले हम हे।

इफिसिऔ 1:6

परमेसर की महिमा सै भरी भई किरपा की बड़ाई हो, और बौ किरपा हमकै बाके लौंड़ा के दुआरा मिली है जिस्सै बौ पियार करै है।

इबरानिओ 5:9

और बौ बड़ो पुजारी बनकै उन सबई लोगौ के ताँई हमेसा की मुक्‍ति को सोता बन गओ, जो बाकी बातौं कै मानै हैं।