रोमियो 1:18 - बुक्सा

¹⁸ परमेसर को कोप सुरग सै उन लोगौ के सब तरै के अधरम और अनियाय मै परकट होवै है, जो बुराई के दुआरा सच्‍चाई कै दबाए रक्‍खै हैं।

रोमियो 1:18 Mawu Ofanana

रोमियो 1:19

परमेसर उन लोगौ कै सजा देवै है, कैसेकै बाके बारे मै बे अच्‍छे सै जानै हैं, और अपने बारे मैं परमेसर नै उनके ऊपर परकट कर दओ है।

रोमियो 1:28

जब उनौनै परमेसर को सच्‍चो गियान पानो सई ना समजो, तौ परमेसर नै बी उनकै जो ना सोचनो चँईऐ, बौई सोचनै के ताँई और जो ना कन्‍नो चँईऐ बौई कन्‍नै के ताँई छोड़ दए।

रोमियो 1:32

बे तौ परमेसर को जौ नियम जानै हैं, कै ऐंसे ऐंसे काम कन्‍नै बारे मौत की सजा के लायक हैं, तौबी ना केबल खुदई ऐंसे काम करैं हैं, पर बैसेई काम कन्‍नै बारौ की पीठ थप थपामै हैं।

रोमियो 2:3

ऐ आदमी तू जो ऐंसे ऐंसे काम कन्‍नै बारौं मै दोस लगाबै है, और खुद बेई काम करै है, तू का जौ समजै है कै परमेसर की डन्ड की आगियाँ सै बच जागो?

रोमियो 3:9

तौ फिर का भओ? का हम यहूदी लोग गैर यहूदी लोगौ सै अच्‍छे हैं? बिलकुल ना, कैसेकै हमनै जौ दिखार खाओ है कै चाँहे हम यहूदी हौं या गैर यहूदी सबके सब पाप के बस मै हैं।

रोमियो 4:15

नियम तौ घुस्सा कै लेकै आवै है मगर जहाँ नियमई ना हैं तौ बहाँ नियम कै का तोड़ैं?

रोमियो 5:6

कैसेकै हम जब कमजोर हे, तौ सई टैम मै हम अधरमी लोगौं के ताँई मसी नै अपनी जान दई।

रोमियो 5:9

कैसेकै अब जब हम ईसु के खून के दुआरा धरमी हो गए हैं तौ अब उसके दुआरा परमेसर की घुस्सा सै हम जरूरई बचाए जांगे।

रोमियो 6:13

तुम अपने सरीर के अंगौ कै अधरम के औजारौं जैसे पाप के हवाले मत करौ, बलकन मरे भएऔं मै सै जी उठनै बारौं के जैसे परमेसर के हवाले कर दो। और अपने सरीर के अंगौ कै धरम के औजारौं के रूप मै परमेसर के हवाले कर दो।

इफिसिऔ 5:6

देखौ, कोई बी तुमकै बेकार की बातौं कै बोलकै धोके मै फसा ना पाऐ। कैसेकै इन सबई बातौं की बजै सै परमेसर की घुस्सा उनके ऊपर पड़ै है जो बाको हुकम ना मानै हैं।

कुलुसिऔं 3:6

इनई बातौं के बजै से परमेसर को घुस्सा उन लोगौ के ऊपर पड़ो है, जो बाको हुकम ना मानै है।

2 थिसलुनीकियौ 2:10

और सिगरे नास होनै बारौ कै पाप कन्‍नै के ताँई हर तरै को लालच देगो, कैसेकै उन्‍नै सच्‍चाई कै पियार ना करो, जिस्सै उनकै मुक्‍ति मिलती।

2 थिसलुनीकियौ 2:6

तुम तौ अब जा बात कै जानौ हौ कै बाकै कोई रोके भए है, जिस्सै कै बौ अपने ठैराए बखत मै परकट होए।