रोमियो 1:13 - बुक्सा

¹³ हे भईयौ, मैं जौ चाँहौ हौं कै तुम जौ बात जानलो कै जैसे मैंनै गैर यहूदिऔं मै मसी के ताँई लोगौ कै चेला बनाओ, बैसेई तुमरे बीच मै बी लोगौ कै मसी के चेला बनानै के ताँई तुमरे धौंरे भौत दफै आनो चाँह रओ हो, पर कुछ ना कुछ मुसीबत की बजै सै आ ना सकै हो।

रोमियो 1:13 Mawu Ofanana

यहून्‍ना 12:24

मैं तुमसै सच-सच कैबौ हौं कै जब तक गैहूं को दानो जमीन मै गिरकै मर ना जावै है, तब तक बौ एकई रैहबै है, पर जब बौ मर जावै है तौ भौत अनाज देवै है।

यहून्‍ना 15:16

तुमनै मैं ना चुनो, पर मैंनै तुम चुने और तुमकै ठैराओ बी है, कै तुम फल लाऔ और तुमरो फल बनो रैह, कै तुम मेरे नाम सै जो कुछ अब्बा सै माँगौ बौ तुमकै देगो।

यहून्‍ना 4:36

काटनै बारे कै अब मजदूरी मिल रई है और बौ हमेसा की जिन्‍दगी के ताँई फसल इखट्‍टी कर रओ है, कै बोनै बारो और काटनै बारो दौनौ मिलकै खुसी मना सकैं।

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 14:27

बे जब बहाँ पौंचे तौ उन्‍नै बिसवासिऔ की मंडली के लोगौ कै इखट्‍टो करो, और परमेसर नै जो कुछ उनके संग करो, बे बात उन लोगौ कै बताँई और जौ बात बी बताई कै गैर यहूदी लोगौ के ताँई बी परमेसर नै बिसवास को मौहड़ो खोल दओ है।

चेलौ के काम 15:12

बरनबास और पौलुस की बातौं कै सिगरे जनी चुपचाप सुन रए हे कै परमेसर नै उनके दुआरा गैर यहूदी लोगौ मै कैसे बड़े-बड़े चिन्‍न और ताजुब के काम करे हैं।

चेलौ के काम 19:21

जौ सब होनै के बाद पौलुस नै अपने दिल मै मकिदुनिया और अखाया इलाके सै होते भए ऐरूसलेम जानै की ठान लई और कैई कै, “बहाँ जानै के बाद मेरो रोम मै जानो बी सई होगो।”

चेलौ के काम 21:19

तब पौलुस नै उनकै नमस्कार कन्‍नै के बाद उन सिगरे कामौ के बारे मै बताओ जिसकै परमेसर नै बाकी सेवा के दुआरा गैर यहूदी लोगौ के बीच मै करबाए।

चेलौ के काम 28:14

बहाँ कुछ बिसवासी भईया हमकै मिले और उन्‍नै हमकै अपने संग रुकनै के ताँई कैई और हम उनके संग सात दिन रुके और इस तरै सै हम रोम मै पौंचे।

रोमियो 1:12

मतलब, हम उस बिसवास के दुआरा जो मैं मै और तुम्मै है एक दूसरे सै हिम्मत लैं।

रोमियो 11:25

हे भईयौ, कहीं ऐंसो ना हो जाऐ, कै तुम अपने आपकै होसिआर समजल लगौ, इसताँई मैं ना चाँहौ हौं कै तुम इस राज सै अनजान रैहऔ, कै जब तक गैर यहूदी लोग पूरी तरै सै परमेसर के टब्बर के हिस्सा ना बन जावै हैं तब तक ईसराइली लोग ऐंसेई कठोर रैहंगे।

रोमियो 7:1

हे भईयौ, तुम तौ नियम कै जानौ हौ, मैं तुमसै बोल रओ हौं, जब तक आदमी जिन्‍दो है, तब तक उस आदमी के ऊपर नियम को अधकार रैहबै है?

1 कुरन्‍थियों 1:10

अब हे भईयौ और बहनौ परभु ईसु मसी के नाम सै, मेरी तुम लोगौ सै जौ बिनती है। तुम सबई जनी एकई सोच रक्‍खौ और तुम्मै आपस मै फूट ना पड़ै, पर तुम एक मन होकै एक दूसरे सै मेल-जोल रखते भए रैहऔ।

1 कुरन्‍थियों 10:1

हे भईयौ और बहनौ, मैं चाँहौ हौं कै तुम जौ जानलो कै हमरे सबई बुजरगौं नै बादर की छाँई के आड़ मै होते भए लाल समन्‍दर पार करो हो।

1 कुरन्‍थियों 12:1

हे भईयौ और बहनौ, मैं ऐंसो ना चाँहौ हौं कै तुम परमेसर के आत्‍मा के बरदान सै अनजान रौह।

1 कुरन्‍थियों 14:20

अरे भईयौ और बहनौ, तुम समज मै छोटे बालक ना बनौ, पर बुराई मै छोटे नादान बालक के हाँई बने रौह, और सोच-समज मै सिआने बनौ।

1 कुरन्‍थियों 14:26

अरे भईयौ और बहनौ, फिर का कन्‍नो चँईऐ? जब तुम इखट्‍टे होबौ, तौ तुम्मै सै कोई भजन गावै, कोई कुछ सिकानै की बात, कोई परमेसर की ओर सै खास सन्‍देसो बताबै, और कोई किसी दूसरी दूसरी भासा मै बोलै है, तौ कोई बाको मतलब बताबै। जे सिगरी बात बिसवासी लोगौ कै आत्‍मिक रूप सै बढ़नै के ताँई होनी चँईऐ।

1 कुरन्‍थियों 9:2

अगर मैं दूसरौं के ताँई भेजो भओ चेला ना हौं, तौ तुमरे ताँई तौ हौं। कैसेकै तुम मेरे सबूत हौ कै मैं परभु को चुनो भओ चेला हौं।

2 कुरन्‍थियों 1:8

हे भईयौ और बहनौ, जैसी मुसीबत हमनै एसिया मै झेली हीं बाके बारे मै तुमकै जरूर पतो होनो चँईऐ, और बे मुसीबत इत्‍ती बड़ी और भारी हीं कै हमरे सैहने सै बाहार हीं और ऐंसो लगै हो कै हमनै अपनी जिन्‍दगी सै बी हात धो दओ होए।

2 कुरन्‍थियों 2:14

पर मैं परमेसर को धन्‍नबाद करौ हौं कै, जो हमकै हरदम मसी मै जीत के जल्‍लूस मै घुमाबै है, और अपने मसी के गियान की अच्‍छी खसबोई कै हमरे दुआरा हर जघै फैलावै है।

गलातिऔ 3:15

भईयौ और बहनौ, अब मैं तुमकै रोजमर्‌रा की जिन्‍दगी सै एक उदाहरन देवौ हौं। देखौ, कोई आदमी किसी के संग एक पक्‍को करारनामो कन्‍नै के बाद, बौ ना तौ बामै कुछ जोड़ सकै है और ना बाकै तोड़ सकै है।

गलातिऔ 6:18

ओ भईयौ और बहनौ, हमरे परभु ईसु मसी की किरपा तुमरी आत्‍मा के संग बनी रैह। ऐंसोई होए।

फिलिप्‍पीऔ 1:22

अगर मैं जिन्‍दो रैहते भए फाएदे मन्‍द बारे काम करतो रैहबौ हौं तौ मैं ना जानौ हौं कै किसकै चुनौ।

फिलिप्‍पीऔ 4:17

मैं ऐंसो इसताँई ना कैरओ हौं कै मैं दान को भूँको हौं, पर मैं तौ ऐंसो चाँहौ हौं, कै तुमरो फाएदा होतो रैह।

कुलुसिऔं 1:10

ताकि तुमरो चाल-चलन बैसोई होए जैसो परभु कै परसन्‍द है, जिस्सै बौ खुस होए और तुम्मै हर तरै के भले काम के फल लगैं और परमेसर के गियान मै मजबूत होते जाऔ।

कुलुसिऔं 1:6

जैसी अच्‍छी खबर तुमरे धौंरे आई बैसीई सिगरी दुनिया मै आई। बौ अच्‍छी खबर सैरी दुनिया मै फल रई है और बढ़ रई है बैसेई जिस दिन सै तुमनै अच्‍छी खबर सुनी और सच्‍चाई सै परमेसर की किरपा कै जान लओ बा दिन सै अच्‍छी खबर तुमरे भीतर फल रई है और बढ़ रई है।

1 थिसलुनीकियौ 2:18

इसताँई हम तुमसै मिलनै के ताँई भौत कोसिस कर रए हे। मैं पौलुस खुद नै बी बेरमबेरा तुमरे धौंरे आनै की कोसिस करी। पर सैतान हमकै रोके रैहओ।

1 थिसलुनीकियौ 4:13

ओ भईयौ और बहनौ, हम ऐंसो ना सोचै हैं कै तुमकै बिसवास मै मरे भए लोगौ के बारे मै कुछ बी पतो ना है। तुम उन लोगौ के हाँई दुखी ना होओ जिनके धौंरे आस ना है।

2 थिसलुनीकियौ 2:7

मैंनै जौ इसताँई कैई कैसेकै बुराई की सकति पैलेई सै चुपचाप सै काम कर रई है, पर अबी एक बाकै रोकनै बारो है और बौ बाकै रोके रैहगो, जब तक कै रोकनै बारे कै हटा ना दै।

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।