रोमियो 1:12 - बुक्सा

¹² मतलब, हम उस बिसवास के दुआरा जो मैं मै और तुम्मै है एक दूसरे सै हिम्मत लैं।

रोमियो 1:12 Mawu Ofanana

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

रोमियो 1:11

कैसेकै मेरी तुमसै मिलनै की बड़ी इच्‍छा है, कै मैं तुमकै कोई आत्‍मिक बरदान दौं जिस्सै तुम मजबूत हो जाऔ।

रोमियो 1:13

हे भईयौ, मैं जौ चाँहौ हौं कै तुम जौ बात जानलो कै जैसे मैंनै गैर यहूदिऔं मै मसी के ताँई लोगौ कै चेला बनाओ, बैसेई तुमरे बीच मै बी लोगौ कै मसी के चेला बनानै के ताँई तुमरे धौंरे भौत दफै आनो चाँह रओ हो, पर कुछ ना कुछ मुसीबत की बजै सै आ ना सकै हो।

रोमियो 15:24

इसताँई जब मैं इसपानिया देस मै जांगो तौ तुमरे धौंरे सै होतो भओ जांगो कैसेकै मैंकै उमीद है कै इसपानिया जाते भए तुमसै मिलंगो। और तुमरे संग कुछ दिन रुकनै की खुसी के संग मैंकै उमीद है कै बहाँ की यातरा के ताँई मैंकै बिदा करौगे।

रोमियो 15:32

और मैं परमेसर की इच्‍छा सै तुमरे धौंरे खुसी के संग आकै तुमरे संग आराम कर पांऔ।

2 कुरन्‍थियों 7:13

इसताँई हमकै तसल्‍ली मिली। और जाके संग-संग, तीतुस कै खुस देक्‍कै हमकै और बी जादा खुसी मिली, कैसेकै तुम सबई की बजै सै बाके दिल मै चैन पड़ गओ।

इफिसिऔ 4:5

एकई परभु है, एकई बिसवास, एकई जल संस्कार है।

2 तीमुथियुस 1:4

मेरे ताँई जो असुआ तुमनै बहाए हैं, उनकै याद कर करकै मैं तुमसै मिलनै के ताँई बेचैन हौं, जिस्सै कै मैं खुसी सै भर जांऔ।

तीतुस 1:4

मैं अपने सच्‍चे लौंड़ा तीतुस कै बा बिसवास के संग लिख रओ हौं जो हम्मै एक जैसो है। पिता परमेसर और हमरे मुक्‍तिदाता ईसु मसी की ओर सै तेकै किरपा और सान्‍ति मिलती रैह।

2 पतरस 1:1

मैं समौन पतरस जो ईसु मसी को सेवक और भेजो भओ चेला हौं, जौ चिट्‌ठी मैं उन लोगौ के नाम लिख रओ हौं जो हमरे हाँई हमरे परमेसर और मुक्‍ति दैनै बारे ईसु मसी की धारमिकता के दुआरा सै बिसवास पावै हैं।

2 यहून्‍ना 1:4

मैं जौ देक्‍कै भौत खुस हौं कै मैंनै तेरे बालकौ कै जैसी हमरे परम पिता नै हमकै आगियाँ दई है बैसेई सच्‍चाई मै चलते भए देखो।

यहूदा 1:3

पियारे सातिऔं, मैं उस मुक्‍ति के बारे मै लिखनै की कोसिस कर रओ हो जिसमै हम सब सामिल हे, पर जौ मैंनै लिखनो और बिनती कन्‍नो जरूरी समजो कै तुम बा बिसवास के ताँई बड़े जोस सै कोसिस करते रौह जो हमेसा के ताँई परमेसर के पबित्‍तर लोगौ कै देओ गओ हो।