रोमियो 1:11 - बुक्सा

¹¹ कैसेकै मेरी तुमसै मिलनै की बड़ी इच्‍छा है, कै मैं तुमकै कोई आत्‍मिक बरदान दौं जिस्सै तुम मजबूत हो जाऔ।

रोमियो 1:11 Mawu Ofanana

चेलौ के काम 16:5

तबई सिगरे बिसवासिऔ की मंडली के लोग बिसवास मै पक्‍के होते गए और संखिया मै बढ़ते गए।

चेलौ के काम 19:21

जौ सब होनै के बाद पौलुस नै अपने दिल मै मकिदुनिया और अखाया इलाके सै होते भए ऐरूसलेम जानै की ठान लई और कैई कै, “बहाँ जानै के बाद मेरो रोम मै जानो बी सई होगो।”

चेलौ के काम 19:6

जब पौलुस नै उनके ऊपर अपनो हात रक्‍खो तबई पबित्‍तर आत्‍मा उनमै उतरो और बे अगल अगल तरै की बोली बोलल लगे और परमेसर को सन्‍देसो देल लगे।

रोमियो 1:12

मतलब, हम उस बिसवास के दुआरा जो मैं मै और तुम्मै है एक दूसरे सै हिम्मत लैं।

रोमियो 15:23

पर अब इन देसौ मै काम कन्‍नै के ताँई कोई जघै ना बची है और सालौं सै तुमसै मिलनै की इच्‍छा रैहई है।

रोमियो 15:29

और मैं जानौ हौं कै जब मैं तुमरे धौंरे आंगो तौ तुमरे ताँई मसी की पूरी आसीस के संग आंगो।

रोमियो 15:32

और मैं परमेसर की इच्‍छा सै तुमरे धौंरे खुसी के संग आकै तुमरे संग आराम कर पांऔ।

रोमियो 16:25

जो तुमकै खड़ो कर सकै है उस परमेसर की महिमा हो बौ मेरी अच्‍छी खबर के दुआरा और ईसु मसी के परचार के दुआरा कई सदिऔं सै लुके भए सच्‍चे राज कै परकट कन्‍नै के दुआरा तुमकै खड़ो करैगो।

2 कुरन्‍थियों 1:15

मैंनै जाई बिसवास की बजै सै पैलेई तुमरे धौंरे आनै को पक्‍को मन बना लओ हो कै तुमकै एक और आसीस मिलै।

2 कुरन्‍थियों 1:21

और बौ परमेसरई है, जिसनै हमकै मसी मै तुमरे संग मजबूती सै जोड़ खाओ है, और बाई नै हमकै छाँटर बी खाओ है।

2 कुरन्‍थियों 11:4

कैसेकै अगर कोई आदमी आकै तुमकै ईसु मसी के परचार के अलाबा किसी और ईसु के बारे मै सिकाऐ या तुमकै कोई और आत्‍मा मिलै है, जो पैले ना मिली ही, तुमरे दुआरा अपनाई गई अच्‍छी खबर सै बी अगल अच्‍छी खबर सुनाऐ, तौ तुम बड़े अच्‍छे सै बा आदमी को सुआगत करौ हौ।

2 कुरन्‍थियों 9:14

और बे तुमरे ताँई बड़े पियार के संग परमेसर सै पिराथना करै हैं, कैसेकै बे जानै हैं कै परमेसर नै तुम लोगौ के ऊपर बड़ी किरपा करी है।

फिलिप्‍पीऔ 1:8

परमेसर मेरो गभा है कै मैं मसी ईसु के पियार सै तुम सबके ताँई कितनो तड़प रओ हौं।

फिलिप्‍पीऔ 2:26

कैसेकै बौ तुम सबई सै मिलनै के ताँई भौत बेचैन रैहबै है और तुम लोगौ नै सुनो हो कै बौ बेमार पड़ गओ है तौ जौ बात सुनकै बौ भौत दुखी हो गओ हो।

फिलिप्‍पीऔ 4:1

हे मेरे पियारे भईयौ, मेरी इच्‍छा है कै मैं तुमसै मिलौं कैसेकै तुम मेरी खुसी, और मेरी इज्‍जत हौ, और तुमकै जैसो मैंनै बताऔ है, परभु मै तुम बैसेई पक्‍के बने रौह।

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

1 थिसलुनीकियौ 3:2

और तीमुथियुस जो मसी की अच्‍छी खबर कै फैलानै मै हमरो संगी भईया और परमेसर की सेवा कन्‍नै बारो है, बाकै हमनै तुमरे धौंरे इसताँई भेजो कै बौ तुमकै बिसवास मै मजबूत करकै तुमरी हिम्मत बढ़ाऐ,

2 थिसलुनीकियौ 2:17

बौ तुमरे मनौ मै सान्‍ति दै और सिगरे अच्‍छे काम और बचन मै पक्‍को बनाऐ रक्‍खै।

2 थिसलुनीकियौ 3:3

पर हमरो परभु बिसवासजोग है। बौ तुमकै सैतान सै बचागो और तुमकै हिम्मत देगो।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

1 पतरस 5:12

मैंनै जौ छोटी सी चिट्‌ठी सिलवानुस के हात सै लिखबाई है, जिसकै मैं बिसवासजोग भईया मानौ हौं। मैं तुमकै समजाबौ हौं और अपनी जौ गभाई देवौ हौं कै, परमेसर की सच्‍ची किरपा जौई है और जाई मै बने रौह।

2 पतरस 1:12

इसताँई तुम लोग इन बातौं कै जानौ हौ और बा सच्‍चाई मै पक्‍के बने भए हौ, फिर बी मैं तुमकै इन बातौं कै हमेसा याद दिब्बातो रैहंगो।