रोमियो 1:1 - बुक्सा

¹ जौ चिट्‌ठी ईसु मसी के दास पौलुस की ओर सै है, जो परमेसर दुआरा भेजो भओ चेला बन्‍नै के ताँई बुलाओ है, और उसकी अच्‍छी खबर दैनै के ताँई छाँटो गओ है।

रोमियो 1:1 Mawu Ofanana

मरकुस 1:14

यहून्‍ना के गिरप्‍तार हो जानै के बाद ईसु गलील मुलक मै आकै परमेसर की अच्‍छी खबर को परचार करल लगो।

यहून्‍ना 12:26

अगर कोई मेरी सेवा करै है तौ बौ मेरे पीछे हो ले, और जहाँ मैं हौं बहाँ मेरो सेवक बी होगो। अगर कोई मेरी सेवा करै तौ अब्बा बाकी इज्‍जत करैगो।

यहून्‍ना 15:15

अब सै मैं तुमकै गुलाम ना कैंगो, कैसेकै गुलाम ना जानै है कै बाको मालिक का करै है, पर मैंनै तुमकै दोस्त कैई है, कैसेकै बे सब बात जो मैंनै अपने अब्बा सै सुनी हैं तुमकै बता दंई हैं।

यहून्‍ना 15:20

“बौ बचन जो मैंनै तुमसै कैओ है, याद रक्‍खौ ‘नौकर अपने मालिक सै बड़ो ना है।’ अगर उनौनै मैं सताओ तौ बे तुमकै बी सतांगे। अगर उनौनै मेरी बात मानी तौ बे तुमरी बात बी मानंगे।

चेलौ के काम 13:9

तब साऊल जो खुद कै पौलुस बी कैबै है, बानै पबित्‍तर आत्‍मा सै भरकै इलीमास की ओर देखते भए कैई कै,

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

चेलौ के काम 21:40

बासै पूँछ कै पौलुस सिड़ी मै खड़ो हो गओ और भीड़ कै चुप कन्‍नै को इसारो करो तबई बे चुप हो गए, और पौलुस तबई इबरानी भासा मै बोलो।

चेलौ के काम 22:21

“परभु नै मैंसै कैई कै, ‘तू जा, कैसेकै मैं तेकै गैर यहूदी लोगौ के धौंरे दूर-दूर तक भेजंगो।’ ”

चेलौ के काम 22:7

और मैं धरती मै गिर गओ, और तबई मैंकै एक अबाज सुनाई दई, ‘हे साऊल, हे साऊल, तू मैंकै काए सताबै है?’

चेलौ के काम 26:1

राजा अगरिपा नै पौलुस सै कैई कै, “तेकै अपनी बात रखनै की ईजाजत है।” तबई पौलुस नै अपनो हात खड़ो करो और जबाब दओ,

चेलौ के काम 26:14

जब हम सब जनी धरती मै गिर गए तबई मैंकै इबरानी भासा मै एक अबाज सुनाई दई, ‘हे साऊल, हे साऊल, तू मैंकै काए सताबै है? तू मैंकै सता कै, खुद कै चोट पौंचागो।’

चेलौ के काम 27:23

कैसेकै जिस परमेसर को मैं हौं और जिसकी सेवा मैं करौ हौं बाको एक सुरगदूत रात मै मेरे सामने खड़ो भओ और बानै मैंसै कैई कै,

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

रोमियो 1:16

मैं अच्‍छी खबर सै ना सरमाबौ हौं, कैसेकै अच्‍छी खबर मुक्‍ति पानै के ताँई, जो उसके ऊपर बिसवास करै है, उन सबके ताँई परमेसर की सकति है पैले यहूदी के ताँई फिर यूनानी के ताँई।

रोमियो 1:5

और मरे भए मै सै जी उठनै सै पबित्‍तर आत्‍मा दुआरा सकति के संग परमेसर को बेटा ठैराओ गओ, और बौ हमरो परभु ईसु मसी है।

रोमियो 1:9

परमेसर जिसकी सेवा मैं पूरे मन सै करौ हौं और जिसके लौंड़ा की अच्‍छी खबर मैं देवौ हौं, बौई मेरो गभा है कै मैं कैसे कैसे तुमकै हमेसा याद करौ हौं।

रोमियो 11:13

मैं तुम गैर यहूदिऔं के ताँई भेजो भओ चेला हौं, और जौ सेवा मेरे ताँई गर्ब की बात है।

रोमियो 15:16

यानी मैं गैर यहूदिऔं के ताँई ईसु मसी को सेवक बनकै परमेसर की अच्‍छी खबर के ताँई एक पुजारी के हाँई परचार करौं जिस्सै कै गैर यहूदी लोग पबित्‍तर आत्‍मा के दुआरा पबित्‍तर करे जाने के बाद, परमेसर के ताँई गिरैहन जोग भेंट बन सकंगे।

रोमियो 15:29

और मैं जानौ हौं कै जब मैं तुमरे धौंरे आंगो तौ तुमरे ताँई मसी की पूरी आसीस के संग आंगो।

रोमियो 16:18

कैसेकै जे लोग हमरे परभु मसी की ना पर अपने पेट की सेवा करै हैं, और अपनी चिकनी चुपड़ी बातौं सै सीदे सादे मन के लोगौ कै बहका देवै हैं।

रोमियो 16:25

जो तुमकै खड़ो कर सकै है उस परमेसर की महिमा हो बौ मेरी अच्‍छी खबर के दुआरा और ईसु मसी के परचार के दुआरा कई सदिऔं सै लुके भए सच्‍चे राज कै परकट कन्‍नै के दुआरा तुमकै खड़ो करैगो।

1 कुरन्‍थियों 1:1

परमेसर की मरजी के हिसाब सै ईसु मसी मै भेजो भओ चेला होनै के ताँई बुलाए भए पौलुस और हमरे भईया सोस्‍थिनेस की ओर सै जौ चिट्‌ठी,

1 कुरन्‍थियों 9:1

का मैं आजाद ना हौं? का मैं भेजो भओ चेला ना हौं? का मैंनै ईसु मसी कै देखो ना है, जो हमरो परभु है? का तुम मेरी मैहनत की बजै सै परभु मै ना आए हौ?

2 कुरन्‍थियों 1:1

परमेसर की मरजी सै मसी ईसु को भेजो भओ चेला मैं पौलुस और तीमुथियुस दौनौ की ओर सै परमेसर के उस बिसवासिऔ की मंडली के ताँई जो कुरन्‍थी मै हैं और अखाया के सिगरे इलाके के बिसवासी लोगौ कै जौ चिट्‌ठी लिख रओ हौं।

2 कुरन्‍थियों 11:5

तुम जिनकै बड़ो भेजो भओ चेला समजौ हौ, उनसै मैं खुद कै कम ना समजौ हौं।

2 कुरन्‍थियों 11:7

का मैंनै जौ गलत करो कै परमेसर की अच्‍छी खबर कै तुमकै सच्‍चाई सै सुनाओ, और तुमकै अग्गे बढ़ाओ और खुद पिच्‍छे रैहओ?

2 कुरन्‍थियों 12:11

मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्‍नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं।

2 कुरन्‍थियों 2:12

जब मैं मसी की अच्‍छी खबर कै सुनानै के ताँई तरोआस नाम की जघै मै आओ हो, तौ परभु नै मेरे ताँई पैलेई सै एक रस्ता खोलर खाई ही।

2 कुरन्‍थियों 4:5

हम खुद अपनो परचार ना करै हैं पर ईसु मसी को जो परभु है बाको परचार करै हैं। मैं अपने बारे मै जौ कैबै हौं कै हम ईसु की बजै सै तुमरे सेवक हैं।

गलातिऔ 1:1

गलातिया के बिसवासिऔ की मंडलिऔ कै मैं पौलुस की ओर सै और मेरे संगी बिसवासी भईयौ और बहनौ की ओर सै जौ चिट्‌ठी लिख रओ हौं। मैं ना तौ किसी आदमी की ओर सै और ना लोगौ की ओर सै भेजो भओ हौं, पर ईसु मसी और पिता परमेसर के दुआरा भेजो भओ चेला हौं। और पिता परमेसर नै मसी ईसु कै मरे भएऔं मै सै जिन्‍दो करो।

इफिसिऔ 1:1

पबित्‍तर लोगौ और मसी ईसु मै सच्‍चे बिसवासिऔ के नाम जो इफिसुस सैहर मै रैहबैं हैं, मैं पौलुस जो परमेसर की मरजी सै मसी ईसु को भेजो भओ चेला हौं, जौ चिट्‌ठी लिख रओ हौं।

इफिसिऔ 1:13

तुम लोगौ नै सच्‍चाई को बचन अपनी मुक्‍ति की अच्‍छी खबर कै सुन्‍नै के बाद मसी मै बिसवास करो, और तुमरे ऊपर परमेसर नै मौहर के रूप मै पबित्‍तर आत्‍मा दओ जिसको बादो परमेसर नै करो हो।

इफिसिऔ 4:11

बानै कुछ लोगौ कै भेजो भओ चेला बनाओ, और कुछ लोगौ कै नबी, और कुछ लोगौ कै अच्‍छी खबर कै सुनानै बारे, और कुछ लोगौ कै परमेसर के बिसवासिऔ की मंडली कै देखभाल कन्‍नै बारे, और कुछ लोगौ कै सिकानै बारे को बरदान दओ।

फिलिप्‍पीऔ 1:1

जौ चिट्‌ठी मसी ईसु की सेवा कन्‍नै बारे पौलुस और तीमुथियुस की ओर सै, फिलिप्‍पी मै रैहनै बारे मसी ईसु के सिगरे बिसवासी लोगौ कै और मुखियौं कै, और सेवकौ कै,

फिलिप्‍पीऔ 2:11

और पिता परमेसर की महिमा के ताँई सब आदमी जौ मान लंगे कै ईसु मसी ई परभु है।

कुलुसिऔं 1:1

जौ चिट्‌ठी पौलुस की ओर सै जो परमेसर की मरजी सै ईसु मसी को भेजो भओ चेला है, और हमरे भईया तीमुथियुस की ओर सै,

कुलुसिऔं 1:25

परमेसर तुमरे फाएदा के ताँई जो बी हुकम मैंकै देवै है, बाके बजै सै मैं बिसवासी लोगौ के बीच एक सेवक बनो हौं, जिस्सै कै मैं परमेसर के बचन को पूरो पूरो परचार करौं,

1 थिसलुनीकियौ 2:2

और तुम जौ बात बी जानौ हौ कै तुमरे धौंरे आनै सै पैले फिलिप्‍पी मै हमकै दुख झेलनो और बुरो बरताब सैहनो पड़ो। पर फिर बी हमनै परमेसर की सायता सै बड़े बिरोद को सामनो करते भए, बिना डरे तुम लोगौ के बीच मै परमेसर की अच्‍छी खबर कै सुनाओ है।

1 थिसलुनीकियौ 2:8

तुमरे ताँई हमरो पियार और लगाब इत्‍तो बढ़ गओ हो कै हम परमेसर की अच्‍छी खबर के संग-संग अपनी जान बी दैनै के ताँई तईयार हे, कैसेकै तुम हमरे खास हो गए हौ।

1 थिसलुनीकियौ 2:9

ओ भईयौ और बहनौ, तुम याद रक्‍खौ कै हमनै तुमरे बीच मै रात-दिन मैहनत को काम इसताँई करो है, जिस्सै कै हम परमेसर की अच्‍छी खबर कै सुनाते भए किसी के ऊपर बोज ना बनै।

1 तीमुथियुस 1:1

जौ चिट्‌ठी पौलुस की ओर सै तीमुथियुस के ताँई है, जो बिसवास मै मेरो सच्‍चो बालक है। मैंकै ईसु मसी को भेजो भओ चेला बन्‍नै को हुकम, हमकै मुक्‍ति दैनै बारे परमेसर की ओर सै और परभु ईसु मसी की ओर सै मिलो है, जिसके ऊपर हम आस रक्‍खै हैं। हमरे परम पिता परमेसर और परभु ईसु मसी की ओर सै तुमकै आसीस, दया और सान्‍ति मिलै।

1 तीमुथियुस 2:7

जाई बजै सै मैंकै परचार कन्‍नै के ताँई भेजो भओ चेला बनाओ है। मैं सच कैरओ हौं, झूँट ना बोल रओ हौं। मैंकै गैर यहूदी लोगौ के बिसवास और सच्‍चाई कै सिकानै के ताँई गुरूजी बनाओ गओ।

2 तीमुथियुस 1:11

परमेसर नै मैंकै भेजो भओ चेला और परचार कन्‍नै बारो और गुरू इसताँई बनाओ कै मैं अच्‍छी खबर कै फैला सकौं।

तीतुस 1:1

पौलुस की ओर सै जो परमेसर को दास और ईसु मसी को भेजो भओ चेला है। मैंकै परमेसर के चुने भए लोगौ कै बिसवास मै बढ़ानै और सच्‍चाई कै जान्‍नै के ताँई भेजो गओ है जिस्सै बे पबित्‍तर जिन्‍दगी जीऐं।

इबरानिओ 5:4

किसी बी आदमी कै बड़ो पुजारी को औहदा अपनी मरजी सै ना मिलै है पर परमेसर के बुलाए जानै के दुआरा मिलै है जैसे हारून कै।

इबरानिओ 7:26

ऐंसोई बड़ो पुजारी हमरे ताँई सई है, जो पबित्‍तर और खरो और बगैर खोट को और पापिऔं सै अगल और जिसकै सुरग सै बी ऊँचो रखर खाओ होए।

याकूब 1:1

उन बारैह गोतौं कै जो अगल अगल देसौ मै रैहबैं हैं नमस्कार, मैं परमेसर को और परभु ईसु मसी को सेवक याकूब जौ चिट्‌ठी लिख रओ हौं।

1 पतरस 4:17

कैसेकै नियाय कन्‍नै को बखत आई गओ है कै पैले परमेसर अपनेई लोगौ सै नियाय सुरू करैगो, और जब नियाय की सुरूआत हम सैई होगी तौ उन लोगौ को का होगो? जो परमेसर की अच्‍छी खबर कै ना मानै हैं।

2 पतरस 1:1

मैं समौन पतरस जो ईसु मसी को सेवक और भेजो भओ चेला हौं, जौ चिट्‌ठी मैं उन लोगौ के नाम लिख रओ हौं जो हमरे हाँई हमरे परमेसर और मुक्‍ति दैनै बारे ईसु मसी की धारमिकता के दुआरा सै बिसवास पावै हैं।

यहूदा 1:1

ईसु मसी के सेवक और याकूब को भईया, यहूदा की ओर सै उन बुलाए भए लोगौ के नाम जो परमेसर के पियारे और जिनकै ईसु मसी के ताँई समार कै रक्‍खो है।

परकासन 1:1

जौ ईसु मसी को परकासन है, जौ बाकै परमेसर नै इसताँई दओ कै अपने सेवकौ कै बे बात दिखाऐ, जो जल्दी होनै बारी हैं, ईसु मसी नै अपने सुरगदूत कै भेजकै जा परकासन को गियान अपने सेवक यहून्‍ना कै बताओ,

परकासन 22:6

फिर सुरगदूत नै मैंसै कैई “जे बात बिसवास बारी और सच्‍ची हैं, और परभु नै, जो नबिऔ के आत्‍माऔ को परमेसर है, और बानै अपने सुरगदूत कै इसताँई भेजो, कै बौ अपने दासौं कै बे बात दिखा दे जिनको जल्दी जल्दी पूरो होनो जरूरी है।”

परकासन 22:9

उसनै मैंसै कैई, “देख, तू ऐंसो मत कर; कैसेकै मैं तेरो और तेरे भईयौ, नबिऔ और इस किताब की बातौं कै माननै बारौं को संग को सेवक हौं। तू परमेसर कैई डन्डौत कर।”