परकासन 22:15 - बुक्सा

¹⁵ पर कुत्‍ता, जादू-टोना कन्‍नै बारे, बैबिचारी लोग, खूनी लोग, मूरती पूजा कन्‍नै बारे, और हर एक झूँट बोलनै बारे और झूँट सै पियार कन्‍नै बारे, बाहारई रैहंगे।

परकासन 22:15 Mawu Ofanana

मत्‍ती 7:6

“पबित्‍तर चीज कुत्‍तौ कै मत दो कहीं ऐंसो ना हो कै बे पलट कै तुमकै फाड़ डारैं। और अपने मोती सूअरौ के अग्गे मत फैंकौ। कहीं ऐंसो ना हो कै बे उनकै अपने पाँऐऔं तले खूँदैं।

मत्‍ती 8:12

पर जिनकै सुरग के राज मै जानो चँईऐ हो, बौ राज की औलाद बाहार इन्‍धेरे मै डार दई जागी, बहाँ बे लोग रोंगे और दाँत कटकटाते रैहंगे।”

यहून्‍ना 8:46

तुम्मै सै कौन मेरे ऊपर पाप को दोस लगाबै है? अगर मैं सच बोलौ हौं, तौ तुम मेरो बिसवास काए ना करौ हौ?

चेलौ के काम 8:11

बहाँ के लोग बाकै बड़ो मानै हे कैसेकै बानै भौत दिनौ सै उन लोगौ कै अपने जादू के कामौ सै चौंकार खाओ हो।

फिलिप्‍पीऔ 3:2

इन कुत्‍तौ सै होसिआर रैहऔ, जो बुरे काम करै हैं, और उन झूँटे खतना बारौ सै।

कुलुसिऔं 3:6

इनई बातौं के बजै से परमेसर को घुस्सा उन लोगौ के ऊपर पड़ो है, जो बाको हुकम ना मानै है।

1 तीमुथियुस 1:10

और बईयरौं और आदमिऔ के संग सरीर सै गलत काम कन्‍नै बारौ के, और गुलाम लोगौ कै बेचनै बारौ के, झूँटी बात बोलनै बारौ के, झूँटी कसम खानै बारौ कै, और बे सिगरे लोग जो सच्‍ची सिक्‍छा को बिरोद करै हैं, उनके ताँई जौ नियम ठैराओ गओ है।

परकासन 18:23

और दिया को उज्‍जेरो फिर कबी ना चमकैगो, और दूलाह-दुलहैन की अबाज तैमै सुनाई ना देगी, कैसेकै तेरे ब्यापारी धरती के बड़े-बड़े लोग हे, और तेरे जादू-टोना सै सब जातिऔं कै बैहकाओ गओ हो।

परकासन 21:27

और कोई बी असुद्‍द चीज, बुरे काम कन्‍नै बारे, झूँट बोलनै बारे, किसी बी तरीका सै भीतर ना जा सकै हैं, पर बेई जा सकै हैं जिनके नाम मैमना के जिन्‍दगी की किताब मै लिखे हैं।

परकासन 21:8

मगर डरपौकौ, अबिसवासिऔं, बुरे लोगौ, खूनी, बैबिचारिऔ, जादू कन्‍नै बारे और मूरती पूजा कन्‍नै बारे और सबई झूँट बोलनै बारौं को हिस्सा उस झील मै मिलैगो, जिसमै आग और गन्धक पजरती रैहबै है। जौ दूसरी मौत है।”