परकासन 2:23 - बुक्सा

²³ मैं बाके बालकौ कै महामारी सै मार डारंगो, तब सैरे बिसवासिऔ की मंडलिऔ कै पतो हो जागो, कै मनौ और दिलौ कै जाँचनै बारो मैंई हौं, और मैं तुम मै सै हर एक कै उसके कामौ के अनुसार फल दंगो।

परकासन 2:23 Mawu Ofanana

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

लूका 16:15

इस बात मै बानै उनसै कैई, “तुम तौ बौ हौ जो लोगौं कै जौ जतानो चाँहौ हौ कै तुम भौत सच्‍चे हौ पर परमेसर तुमरे मनौ कै जानै है। कैसेकै जो चीज आदमिऔ की नजरौ मै महान है, बौ परमेसर की नजरौ मै तुच्‍छ है।

यहून्‍ना 21:17

ईसु नै फिर तीसरी दफै पतरस सै कैई, “समौन, यहून्‍ना के लौंड़ा, का तू मैंसै पियार करै है?” पतरस उदास भओ कैसेकै बानै बासै तीसरी दफै ऐंसे कैई कै, “का तू मैंसै पियार करै है?” और पतरस नै ईसु सै कैई, “हे परभु तू सब कुछ जानै है, तू जौ बी जानै है कै मैं तेसै पियार करौ हौं।” ईसु नै बासै कैई, “तू मेरी भेड़ौ कै चुंगा।

यहून्‍ना 4:16

ईसु नै उस्सै कैई, “जा अपने लोग कै हिंया बुला ला।”

चेलौ के काम 1:24

तब उनौनै जौ पिराथना करी कै, “हे परभु, तू तौ सबई के मनौ कै जानै है, हमकै बता कै इन दौनौ मै सै तैनै किसकै चुनो है,

रोमियो 14:12

इस्सै साप-साप हो जावै है, कै हम्मै सै हर एक कै अपनो हिसाब परमेसर कै देनो होगो।

रोमियो 8:27

परमेसर हमरे मनौ कै जाँचै है बौ जानै है कै आत्‍मा की मरजी का है, कैसेकै आत्‍मा पबित्‍तर लोगौ के ताँई परमेसर की मरजी के अनुसार बिनती करै है।

2 कुरन्‍थियों 5:10

हमनै जिन्‍दगी मै सरीर के हिसाब सै जित्‍ते बी अच्‍छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।

गलातिऔ 6:5

कैसेकै सिगरे आदमिऔ कै अपनोई बोज खुदई उठानो पड़ैगो।

इबरानिओ 4:13

परमेसर की नजरौ सै कुछ बी छिप ना सकै है। जो कुछ बानै बनार खाओ है बौ सिगरो बाके सामने उघड़ो भओ और खुलो है और हम सबई जनी कै बाकै अपनो अपनो हिसाब दैनो है।

1 पतरस 1:17

और अगर तुम, हर एक के करमौ के हिसाब सै बिना भेदभाब के नियाय कन्‍नै बारे परमेसर कै, हे अब्बा, कैह कै बुलाबौ हौ, तौ तुमकै अपनी जिन्‍दगी परदेसी के हाँई डरते भए काटनी चँईऐ।

परकासन 2:11

“जिसके कान हौं, बौ सुन ले कै आत्‍मा बिसवासिऔ की मंडलिऔ सै का कैबै है। जो जै पाय, बाकै दूसरी मौत सै कोई नुकसान ना पौंचैगो।

परकासन 2:7

“जिसके कान हौं बौ सुन ले कै आत्‍मा बिसवासिऔ की मंडलिऔ सै का कैबै है। जो जै पाऐ, मैं बाकै उस जिन्‍दगी के पेड़ मै सै फल खानै कै दंगो जो परमेसर के बगीचा मै है।

परकासन 20:12

फिर मैंनै छोटे बड़े सब मरे भएऔं कै सिंगासन के सामने खड़े भए देखो। और किताबौ कै खोलो गओ, फिर एक और किताब खोली गई यानी जिन्‍दगी की किताब; और जैसो किताबौ मै लिखो हो, उनके कामौ केई अनुसार मरे भएऔं को नियाय करो गओ।

परकासन 20:13

और समन्‍दर नै उन मरे भएऔं कै जो उसमै हे दे दए, और मौत और अधलोक नै उन मरे भएऔं कै जो उनमै हे दे दए; और उनमै सै हर एक को उनके कामौ के अनुसार नियाय करो गओ।

परकासन 22:12

देखौ, मैं जल्दी आनै बारो हौं, मेरे हात मै तुमरे कामौ को फल बी है, और हर एक आदमी कै उसके कामौ के हिसाब सै फल दंगो।

परकासन 6:8

मैंनै नजर करी और देखो, एक हल्के पेरे रंग को घोड़ा हो, उसके ऊपर बैठे भए को नाम “मौत” हो, और अधलोक उसके पीछे-पीछे हो और उसकै धरती के एक चौथाई हिस्सा मै जौ अधकार देओ गओ कै तरवार, अकाल और मरी और धरती के जंगली जनाबरौ दुआरा लोगौ कै मार डारै।