परकासन 17:17 - बुक्सा

¹⁷ कैसेकै परमेसर नै उनके मन मै जौ बात डारी है कै, बे उसकी इच्‍छा पूरी करैं, और जब तक परमेसर के बचन पूरे ना होवै हैं, तब तक राज कन्‍नै को अपनो अधकार उस जनाबर कै दे दंगे।

परकासन 17:17 Mawu Ofanana

लूका 22:22

कैसेकै आदमी के लौंड़ा के ताँई जो बात परमेसर नै पैलेसैई तय करी हैं, बौ बैसेई मरैगो। पर हाय उस आदमी कै जिसके दुआरा बौ पकड़बाओ जागो।”

लूका 22:3

तब यहूदा इसकरोती जो बारैह चेलौ मै गिनो जावै हो बौ सैतान नै बस मै करो।

लूका 22:37

कैसेकै मैं तुमसै कैरओ हौं कै, पबित्‍तर सास्तर मै लिखी भई बात, मैं मै जरूर पूरी हौंगी, ‘कै उसकी गिनती कुकरमिऔ मै भई,’ और जो कुछ मेरे बारे मै लिखो गओ है, बौ पूरो होनै मै है।”

यहून्‍ना 10:35

जबकि बानै उनकै भगबान कैई ही जिनके धौंरे परमेसर को बचन पौंचो और पबित्‍तर सास्तर की बात कबी झूँटी ना हो सकै हैं।

यहून्‍ना 13:18

“मैं तुम सबई के बारे मै ना कैबौ हौं। मैं उनकै जानौ हौं जो मैंनै चुन लए हैं, पर जौ इसताँई है, कै पबित्‍तर सास्तर को जौ बचन पूरो भओ कै ‘बौ जो मेरी रोटी खावै है, बौई मेरे बिरोद मै हो गओ।’

यहून्‍ना 13:2

और खानै के टैम मै जब सैतान पैलेई सै समौन के लौंड़ा यहूदा इसकरोती के मन मै जौ बात डार चुको हो कै बौ बाकै धोके सै पकड़बागो,

यहून्‍ना 19:24

इसताँई उनौनै एक दूसरे सै कैई, “हम जाकै ना फाड़ै, पर जाके ताँई, परची डारै हैं कै जौ किसको होगो,” जिस्सै कै पबित्‍तर सास्तर की बात पूरी हो “उनौनै मेरे लत्‍ता आपस मै बाँट लए, और मेरे लत्‍ता के ताँई परची डारीं” और सिपाईऔं नै ऐंसोई करो।

यहून्‍ना 19:28

जाके बाद ईसु नै जौ जानकै कै सब कुछ पूरो हो गओ है, तौ बानै पबित्‍तर सास्तर की बात पूरी होनै के ताँई कैई, “मैं पियासो हौं।”

2 कुरन्‍थियों 8:16

परमेसर को धन्‍नबाद होए, जिसनै तीतुस के दिल मै तुम लोगौ के ताँई हमरे जैसो पियार भरो।

परकासन 10:7

जिस दिन सातमे सुरगदूत की तुरही की अबाज सुनाई पड़ैगी, उस दिन परमेसर की गुप्‍त योजना पूरी हो जागी जिसकी खबर उसनै अपने सेवक और नबिऔ कै देई ही।”

परकासन 15:1

फिर मैंनै सुरग मै एक और महान और अदभुत चिन्‍न देखो। मैंनै देखो कै सात सुरगदूत आखरी सात मुसीबतौं कै लेए भए हे। कैसेकै इनके हो जाने के बाद परमेसर को घुस्सा खतम हो जावै हो।

परकासन 17:13

इन दसौं राजाऔं को एकई मकसद है कै बे अपनी सकति और अपनो अधकार उस जनाबर कै दे दैं।

परकासन 19:9

और सुरगदूत मैंसै कैललगो, “लिख: धन्‍न हैं बे, जिनकै मैमना के बिहा की दाबत मै बुलाओ गओ है।” उसनै फिर कैई, “जे परमेसर के सच्‍चे बचन हैं।”

परकासन 6:11

उनमै सै हर एक कै सपेद लत्‍ता देए गए, और उनसै कैई गई कै, और थोड़ी देर तक आराम करौ, जब तक कै तुमरे संगी दास और भईया जो तुमरे जैसे बलि होनै बारे हैं, उनकी बी गिनती पूरी ना हो ले।