परकासन 12:7 - बुक्सा

⁷ और फिर सुरग मै लड़ाई छिड़ गई, मीकाईल और उसके सुरगदूतौं नै अजगर और उसके दूतौ के संग लड़ाई करी,

परकासन 12:7 Mawu Ofanana

मत्‍ती 13:41

आदमी को लौंड़ा अपने सुरगदूतौं कै भेजैगो, बे बाके राज मै सै उन सबकै जो पाप की बजै बनै हैं और कुकरम कन्‍नै बारौ कै इखट्‍टे करैगो।

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

मत्‍ती 24:31

बौ तुरही की ऊँची अबाज के संग अपने दूतौ कै भेजैगो और बौ चारौ दिसाऔं सै, आसमान के कौने कौने सै अपने चुने भए लोगौ कै इखट्‍टे करैगो।

मत्‍ती 25:41

“फिर बौ राजा अपनी बाँई ओर बारौ सै कैगो, ‘अरे अभागौ! मेरे सामने सै उस हमेसा की आग मै चले जाऔ, जो सैतान और बाके दूतौ के ताँई तईयार करी गई है।

मत्‍ती 26:53

का तू जौ ना समजै है कै अगर मैं अपने अब्बा सै सायता माँगौ तौ बौ सुरगदूतौं की बारैह पलटन सै जादा मेरे धौंरे अबी भेज देगो?

2 कुरन्‍थियों 12:7

मैंकै सच्‍चे बचन की बजै सै घमंड ना होए इसताँई मेरे सरीर मै एक ऐंसो दरद है जैसे किसी नै काँटो चुभैदओ होए। जौ सैतान को दूत है और बौ मेरे हरदम चुभैतो रैहबै है कै, मैं घमंड ना कर सकौं।

इफिसिऔ 6:12

कैसेकै हमरी लड़ाई आदमी के संग ना है, पर जा दुनिया के इन्धेरे के राजा सै, अधकारिऔं सै, परधानौ सै और बा दुसट की आत्‍मिक सैना सै है जो आसमान मै है।

2 थिसलुनीकियौ 1:7

और तुम जो कसट झेल रए हौ बाकै परमेसर हमरे संग आराम मै बदल देगो। और जौ तब होगो जब परभु ईसु अपने सकतिसाली सुरगदूतौं के संग सुरग सै,

इबरानिओ 2:10

परमेसर नै सबई कुछ बनाओ और बाके ताँई और बाके दुआरा सबई कुछ है। बाकै जौ सई लगो कै बानै ईसु मसी कै बाके दुख झेलनै सैई पक्‍को करो और बाकी भौस्सी औलाद बाकी बड़ाई के हिस्सेदार बनै। और ईसु उनको मुक्‍तिदाता है।

2 पतरस 2:4

कैसेकै परमेसर नै उन सुरगदूतौं कै बी ना छोड़ो जिनौनै पाप करो हो, बलकन उनकै साँकर सै बांधकै नरक के इन्धेरे कुन्ड मै फैंक दओ ताकि नियाय के दिन तक कैद मै रैंह।

यहूदा 1:9

पर जब परधान सुरगदूत मीकाईल मूसा की लाहस के बारे मै सैतान के संग बैहैस कर रओ हो तौ बानै बाके खिलाप बुरो ना बोलो और नाई बाके ऊपर दोस लगाओ पर जौ कैई कै, “परभु तेकै डाँटै।”

परकासन 12:8

पर अजगर और उसके दूत ना टिक सके, और उस टैम सै सुरग मै उनके ताँई कोई जघै ना रैहई।

परकासन 12:9

और उस बड़े से अजगर कै जो पुरानो साँप है, जिसकै सबसै बड़ी दुसट आत्‍मा और सैतान कैबै हैं। जो सिगरी दुनिया कै भटकावै है उसकै और उसके दूतौ कै धरती मै फैंक दओ गओ।

परकासन 13:7

और उस जनाबर कै जौ अधकार देओ गओ, कै पबित्‍तर लोगौ सै लड़ै, और उनके ऊपर जीत पाऐ, और उसकै हर गोत, भासा, लोगौ और जाति के ऊपर अधकार देओ गओ।

परकासन 20:2

और उसनै उस अजगर यानी पुराने साँप कै, जो सबसै बड़ी दुसट आत्‍मा और सैतान कैलाबै है, एक हजार बरस के ताँई उसकै साँकर सै बांध दओ।