परकासन 12:10 - बुक्सा

¹⁰ फिर मैंनै सुरग मै किसी कै ऊँची अबाज मै जौ कैते भए सुनो, “अब हमरे परमेसर की मुक्‍ति और सकति और राज और उसके मसी को अधकार परकट भओ है, कैसेकै हमरे भईयौ के ऊपर दोस लगानै बारो, जो रात-दिन हमरे परमेसर के सामने उनमै दोस लगाऐ करै हो, उसकै गिरा दओ गओ है।

परकासन 12:10 Mawu Ofanana

मत्‍ती 26:64

ईसु नै उस्सै कैई, “तैनै खुदई कैदई, पर मैं तुम लोगौ सै जौ बी कैरओ हौं, कै अब सै तुम आदमी के लौंड़ा कै सरब सकतिमान परमेसर के दाँय ओर बैठे भए, और आसमान के बादरौं मै आते भए देखौगे।”

मत्‍ती 28:18

फिर ईसु नै उनके धौंरे जाकै कैई, “सुरग और धरती को सैरो अधकार मैंकै देओ गओ है।

मत्‍ती 6:10

तेरो राज आय, तेरी मरजी जैसे सुरग मै पूरी होवै है, बैसेई धरती मै बी हो।

लूका 11:2

ईसु नै उनसै कैई, “जब तुम पिराथना करौ, तौ कैऔ, “‘हे अब्बा, तेरो नाम पबित्‍तर मानो जाय, तेरो राज आए।

लूका 22:31

“समौन, हे समौन, सुन, तुम सब लोगौ कै सैतान नै माँग लओ है कै तुमकै गैहूं के हाँई फटकै।

1 कुरन्‍थियों 5:4

जब तुम हमरे परभु ईसु मसी के नाम सै इखट्‍टे होबौ हौ और मैं बी आत्‍मा के संग तुमरे धौंरे हौं, तौ ऐंसे आदमी कै, परभु ईसु मसी की सकति सै,

2 कुरन्‍थियों 12:9

पर परभु नै मैंसै कैई कै, “मेरी किरपा तेरे ऊपर भौत है कैसेकै कमजोरिऔं मैई मेरी सकति सबसै जादा है।” इसताँई मैं अपनी कमजोरिऔं के ऊपर खुसी के संग घमंड करौ हौं कै मसी की सकति मेरे भीतर है।

तीतुस 2:3

इसई तरै बुड्‍ढी बईयरौं को चाल-चलन पबित्‍तर लोगौं जैसो हो, बे चुगली कन्‍नै बारी और पियक्‍कड़ ना हौं, पर अच्‍छी बात सिकानै बारी हौं

1 पतरस 5:8

होसिआर रौह और जगते रौह, कैसेकै तुमरो दुसमन सैतान एक दहाड़ते भए सेर के हाँई इतै-उतै घूमतो भओ जा मौके मै रैहबै है कै किसकै फाड़ खांऔ।

परकासन 11:15

जब सातमे दूत नै तुरही बजाई तौ सुरग मै तरै-तरै की अबाज जोर सै सुनाई देल लगीं कै, “दुनिया को राज हमरे परभु और उसके मसी को राज बन गओ है और बौ हमेसा राज करैगो।”

परकासन 2:26

“जो जीत जांगे, और मेरे कामौ कै अन्‍त तक करते रैहंगे, जो अधकार मैंनै अपने अब्बा सै पाओ है बौ अधकार मैं उनकै दंगो। मैं उनकै जाति-जाति के लोगौ के ऊपर अधकार दंगो बे उनके ऊपर लोहो के डन्डा सै सासन करंगे और तोड़ डारंगे, जैसे मट्‍टी के बरतन टूटकै चकनाचूर हो जावै हैं। मैं बाकै सुबे को तारो दंगो।

परकासन 7:10

और जोर सै ऊँची अबाज मै चिल्‍लाकै कैरए हे, “जो सिंगासन मै हमरो परमेसर बैठो है उस्सै और मैमना सैई मुक्‍ति मिलै है।”