परकासन 11:7 - बुक्सा

⁷ और जे जब अपनी गभाई दे चुके हौंगे, तौ बौ जनाबर जो पाताल कुन्ड मै सै लिकरैगो, उनसै लड़कै जीतैगो और उनकै मार डारैगो।

परकासन 11:7 Mawu Ofanana

लूका 13:32

तब बानै उनसै कैई, “तुम जाऔ और उस लौमड़ी हाँई चालाँक हेरोदेस राजपाल कै बतादो, ‘सुन मैं लोगौं मै सै दुसट आत्‍माऔ कै लिकारंगो, मैं आज बी ठीक करंगो और कल बी। फिर तीसरे दिन तक अपनो काम पूरो करंगो।’

लूका 8:31

बे उस्सै बिनती कर रई हीं कै बौ उनकै कुन्ड मै जानै को हुकम ना दे।

यहून्‍ना 17:4

जो काम तैनै मैंकै कन्‍नै कै दए हे, बाकै पूरो करकै मैंनै दुनिया मै तेरी महिमा करी है।

यहून्‍ना 19:30

जब ईसु नै बौ सिरका लेओ तौ कैई, “पूरो भओ” और बानै खोपड़ी झुकाई और अपनी आत्‍मा सौंप दई।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

2 तीमुथियुस 4:7

मैंनै परभु के ताँई अच्‍छी कुस्ती लड़ी और अपनी दौड़ पूरी कर लई और मैंनै अपने बिसवास कै बचाए रक्‍खो।

परकासन 11:3

मैं अपने दो गभाऔ कै जौ अधकार दंगो कै बे बोरी सै बनाए भए लत्‍ता कै ओढ़े भए एक हजार दो सौ साठ दिनौ तक भबिसबानी करैं।”

परकासन 12:17

इस बजै सै अजगर उस बईयर सै भौत घुस्सा करल लगो, और उसकी दूसरी औलादौं सै जो परमेसर की आगियाँ कै मानै हैं और ईसु की गभाई दैनै मै टिके रैहबैं हैं, उनसै लड़ाई कन्‍नै गओ।

परकासन 13:11

फिर मैंनै एक और जनाबर कै धरती मै सै बाहार लिकरते देखो। और मैमना के सींगौ जैसे उसके दो सींग हे। पर बौ अजगर के जैसे बोलै हो।

परकासन 13:7

और उस जनाबर कै जौ अधकार देओ गओ, कै पबित्‍तर लोगौ सै लड़ै, और उनके ऊपर जीत पाऐ, और उसकै हर गोत, भासा, लोगौ और जाति के ऊपर अधकार देओ गओ।